Edwɛne 147:1-20
147 Bɛye Gyaa* ayɛlɛ!
Ɔle kpalɛ kɛ yɛbado* ayɛlɛyelɛ edwɛne yɛamaa yɛ Nyamenle ne;Nea kɛzi ɔle kɛnlɛma na ɔfɛta kɛ yɛye ye ayɛlɛ a!+
2 Gyihova ɛlɛkyekye Gyɛlusalɛm;+Ɔboɔboa Yizilayɛma mɔɔ bɛbɔ asande la anloa.+
3 Ɔyɛ mɔɔ ye ahonle ɛbubu la ayile;Ɔkyekye bɛ nganlɛ ne mɔ.
4 Ɔtia nwɔlɔra ne mɔ dodo;Ɔfa bɛ kɔsɔɔti aluma ɔfɛlɛ bɛ.+
5 Yɛ Awulae ne le bedevinli yɛɛ ye tumi le kpole;+Ye ndelebɛbo ɛnlɛ ye ɛweɛne.+
6 Gyihova kpogya bɛlɛvo sonla zo,+Noko ɔfuandi amumuyɛnli ɔto aze.
7 Bɛdo moyɛlɛ edwɛne bɛmaa Gyihova;Bɛva haape bɛdo ayɛlɛyelɛ edwɛne bɛmaa yɛ Nyamenle ne,
8 Ahenle mɔɔ fa amungu keda anwuma,Ahenle mɔɔ maa ezule tɔ maa azɛlɛ ne,+Ahenle mɔɔ maa ndile fifi+ awoka ne mɔ azo la.
9 Ɔmaa nane ne mɔ aleɛ,+Ɔmaa ahɔhɔsɛlɛ mralɛ mɔɔ su la noko aleɛ.+
10 Ɔ nye ɛnlie ɛkpɔnwɔ tumi nwo;+Yɛɛ ɔ nye ɛnlie sonla mɔɔ agyakɛ abo yɛ ndɛ la anwo.+
11 Gyihova anye die bɛdabɛ mɔɔ bɛsulo ye la anwo,+Bɛdabɛ mɔɔ bɛkendɛ ye ɛlɔlɛ kpundii ne la.+
12 O Gyɛlusalɛm, wula Gyihova anyunlunyia.
O Zayɔn, ye wɔ Nyamenle ne ayɛlɛ.
13 Ɔmaa wɔ suakpole nlenkɛ nzi mbulalɛ nu yɛ se;Ɔyila ɛ mra mɔɔ wɔ wɔ nu la.
14 Ɔmaa anzodwolɛ ba wɔ azɛlɛ ne azo;+Ɔmaa wɔ hwiiti kpalɛ* ɛdi ɛ ko yi.+
15 Ɔsoa ye edwɛkɛ ɔba azɛlɛ ye azo;Ye edwɛkɛ ne nriandi ndɛndɛ.
16 Ɔmaa ezukɔtweaba tɔ keda azɛlɛ ne azo kɛ boane enrinli;+Ɔkponde ezukɔtweaba kɛ nzonle.+
17 Ɔfuandi ezuawolɛ* ɔgua aze kɛ paano mgbokpoloka.+
Nwane a kɛhola ye ɛyɛlɛ ne anloa gyinla a?+
18 Ɔsoa ye edwɛkɛ ne, na ezuawolɛ ne mɔ kolo.
Ɔmaa ye anwoma bɔ,*+ na azule ne mɔ se.
19 Ɔka ye edwɛkɛ ne ɔkile Gyekɔbo,Ye ngyehyɛleɛ nee ye ndɛnebualɛ ɔkile Yizilayɛ.+
20 Ɔtɛyɛle ɛhye ɔtɛmaanle maanle gyɛne biala;+Bɛnze ye ndɛnebualɛ ne mɔ anwo ɛhwee.
Bɛye Gyaa* ayɛlɛ!+
Ɔbodwɛkɛ
^ Anzɛɛ “yɛbabɔ.”
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
^ Hibulu aneɛ nu, “hwiiti ɛnlome.”
^ Anzɛɛ “ayese.”
^ Anzɛɛ “tu.”
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
