Edwɛne 146:1-10
146 Bɛye Gyaa* ayɛlɛ!+
Bɛmaa me sonlabaka ne amuala* ɛye Gyihova ayɛlɛ.+
2 Mebaye Gyihova ayɛlɛ me ngoane mekɛ kɔsɔɔti.
Mebado* ayɛlɛyelɛ edwɛne meamaa me Nyamenle ne wɔ mekɛ tendenle mɔɔ mede ngoane nu la.
3 Mmafa ɛ nwo ɛto mgbanyima*Anzɛɛ sonla dasanli mɔɔ ɛngola ɛmmaa ngoane la anwo zo.+
4 Ye ɛnwomenle* ne fi ye nu a, ɔsia ɔkɔ ndɛtɛlɛ nu;+Kenle ko ne ala ye nzuzulɛ kɔsɔɔti minli.+
5 Anyelielɛ a le sonla ne mɔɔ Gyekɔbo Nyamenle ne le ye boavolɛ,+Na ye anyelazo a le Gyihova ye Nyamenle ne,+
6 Anwuma nee aze* Yɛvolɛ ne,Mɔɔ yɛle nyevile nee mɔɔ wɔ nu la amuala,+Ahenle mɔɔ di nɔhalɛ dahuu,+
7 Ahenle mɔɔ di pɛlepɛle maa menli mɔɔ bɛsisi bɛ,Ahenle mɔɔ maa mɔɔ ɛhɔne ku ye la aleɛ la.+
Gyihova dwula pilizama.*+
8 Gyihova ɛlɛbuke anyenzinliravolɛma anye;+Gyihova ɛlɛmaa bɛdabɛ mɔɔ bɛgua aze la zo;+Gyihova kulo tenlenema.
9 Gyihova ɛlɛbɔ nyɛvolɛ nwo bane;Ɔboa nrisa nee ahunlanvolɛ,+Noko ɔsɛkye amumuyɛma ngyehyɛleɛ.*+
10 Gyihova bali Belemgbunli dahuu,+O Zayɔn, wɔ Nyamenle ne bali belemgbunli ɔvi awolɛndoazo zo kɔdwu awolɛndoazo zo.
Bɛye Gyaa* ayɛlɛ!
Ɔbodwɛkɛ
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
^ Anzɛɛ “me ɛkɛla.”
^ Anzɛɛ “Mebabɔ.”
^ Anzɛɛ “menli titili.”
^ Hibulu aneɛ nu, “sunsum.”
^ Anzɛɛ “azɛlɛ.”
^ Hibulu aneɛ nu, “bɛdabɛ mɔɔ bɛkyekye bɛ la.”
^ Anzɛɛ “ɔkyea amumuyɛma adenle.”
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
