Edwɛne 140:1-13
Kɔmaa edwɛndolɛma kpanyinli ne. Devidi ayɛlɛyelɛ edwɛne.
140 O Gyihova, die me fi amumuyɛma asa anu;Bɔ me nwo bane fi kodiawuma asa anu,+
2 Bɛdabɛ mɔɔ bɛbɔ adwenle ɛtane wɔ bɛ ahonle nu+
Na bɛka konle alehyenlɛ biala la.
3 Bɛsi bɛ tafinlima kɛ ɛwɔlɛ ɛdeɛ ne la;+Ɛwɔlɛ pɔezen wɔ bɛ nloa anu.+ (Sila)
4 O Gyihova, bɔ me nwo bane fi amumuyɛma asa anu;+Die me fi kodiawuma asa anu,Bɛdabɛ mɔɔ bɛbɔ adwenle kɛ bɛmaa me gyakɛ akpula la.
5 Anwomemaazoma ɛzua me ɛhane ɛvea;Bɛza nyɛma nu kɛ avonle la wɔ adenle nloa.+
Bɛzuozua me ngane.+ (Sila)
6 Meka mekile Gyihova kɛ: “Ɛle me Nyamenle.
O Gyihova, tie me moalɛ ɛzunlɛ.”+
7 O Gyihova, Tumivolɛ Awulae, me Ngoanedievolɛ mɔɔ anwo yɛ se,Ɛkeda me ti zo wɔ konle kenle nu.+
8 O Gyihova, mmamaa amumuyɛma nyia mɔɔ bɛkulo la.
Mmamaa bɛ adwenle ɛtane ne mɔ yɛ boɛ, amaa bɛammemaa bɛ nwo zo. (Sila)+
9 Maa menli mɔɔ ɛbɔ me ɛyia laMunzule edwɛkɛ mɔɔ bɛka la ɛgua bɛ ti zo.+
10 Maa samɛnlakɛ ɛgua bɛ ti zo.+
Maa bɛvuandi bɛ bɛgua senle nu,Bɛgua kuma kpole*+ nu, mɔɔ bɛndwazo bieko ɛlɛ a.
11 Mmamaa dumasɛkyevolɛ biala nyia ɛleka tɛnla wɔ azɛlɛ ye azo.*+
Maa munzule ɛvoa kodiawuma too ɔha bɛ ɔgua aze.
12 Meze kɛ Gyihova bali koahweabane edwɛkɛ amaa yeNa yeali pɛlepɛle yeamaa ehyianli.+
13 Nɔhalɛ nu, tenlenema baye wɔ duma ne ayɛlɛ;Tenlenema badɛnla ɛ nyunlu.*+
