Edwɛne 139:1-24

  • Nyamenle ze ye azonvolɛ kpalɛ

    • Yɛngola yɛnriandi Nyamenle sunsum ne (7)

    • “Kɛzi ɛbɔle me la yɛ nwanwane” (14)

    • ‘Mele mogya ɛdɔkɛ la, ɛnwunle me’ (16)

    • “Fa me dua dahuu adenle ne azo” (24)

Kɔmaa edwɛndolɛma kpanyinli ne. Devidi edwɛne. Ayɛlɛyelɛ edwɛne. 139  O Gyihova, wɔnleɛnlea me nu, yɛɛ ɛze me!+   Ɛze me azedɛnlanlɛ nu nee me ɛdwazolɛ nu.+ Ɛnwu me adwenle wɔ moamoa.*+    Saa metu adenle yɛɛ saa meda a, ɛnea* me;Ɛze me ndenle kɔsɔɔti.+   Metɛbukele me nloa metɛkanle edwɛkɛ kpɔkɛ ko bɔbɔ,Noko nea! O Gyihova, ɛze ye dɛbadɛba.+   Ɛbɔ me ɛyia, wɔ me nzi nee me nyunlu amuala;Na ɛfa ɛ sa ɛto me nwo zo.   Adwenle ɛhye bo me ndelebɛbo zo.* Ɔwɔ anwuma somaa ɔmaa me kɛ mekɛde ɔ bo.*+   Nienwu a mebahola meanriandi wɔ sunsum ne meahɔ a,Yɛɛ nienwu a mebahola meavi ɛ nye zo meanriandi meahɔ a?+   Saa mefo mekɔ anwuma a, ɛwɔ lɔ,Yɛɛ saa meto me ɛkpa wɔ Nla* nu a, nea! ɛwɔ ɛkɛ.+   Saa mefa nwonlomɔ mangyee ndɛbalɛ metu faaKɛ mekadɛnla nyevile ne anzi moamoa lɔ a, 10  Nehane bɔbɔ, ɛ sa bahile me adenleNa ɛ sa fema ne bazɔ me nu.+ 11  Saa meka kɛ: “Awozinli baheda me nwo zo!” a, Yemɔ aledwolɛ mɔɔ ɛbɔ me ɛyia la bahakyi wienyi. 12  Awozinli bɔbɔ ɛnrɛyɛ kabikabi ɛnrɛmaa wɔ,Emomu, aledwolɛ bada kɛ alehyenlɛ;+Awozinli bayɛ kɛ wienyi ala la amaa wɔ.+ 13  Ɔluakɛ wɔmɔ a ɛbɔle me kilenzia ne mɔ a,Ɛvale me ɛziele* wɔ me mame akunlu.+ 14  Meye wɔ ayɛlɛ ɔluakɛ kɛzi ɛbɔle me la yɛ ɛzulolɛ nee nwanwane.+ Wɔ gyima ne mɔ yɛ nwanwane,+Meze* ɛhye kpalɛ kpalɛ. 15  Me mbowule anvea wɔ,Wɔ mekɛ mɔɔ ɛyɛle me wɔ fealeranu,Wɔ mekɛ mɔɔ ɛnwonle me wɔ azɛlɛ ne abo nehane la.+ 16  Mekɛ mɔɔ mele mogya ɛdɔkɛ la, ɛ nye bɔbɔ nwunle me;Ɛnee bɛhɛlɛ ye nvɛyeba ne mɔ amuala wɔ wɔ buluku ne anu,Wɔ kenle mɔɔ bɛyɛle bɛ,Kolaa na bɛabɔ bɛ nuhua biala la. 17  Ɔti nea kɛzi wɔ nzuzulɛ ne mɔ sonle bolɛ maa me a!+ O Nyamenle, nea kɛ bɛnze ɔ nloa a!+ 18  Saa mebɔ mɔdenle kɛ metia a, bɛzonle bɛtɛla ɛnweazo ɛnwea.+ Saa metunwue a, ɛnee metɛbɔ ɛ nwo ɛkɛ ne ala.*+ 19  O Nyamenle, anrɛɛ wɔhu amumuyɛma!+ Anrɛɛ kodiawuma* bavi me nwo ɛkɛ ne ahɔ, 20  Bɛdabɛ mɔɔ bɛfa adwenle ɛtane bɛtendɛ bɛtia wɔ la;Bɛle wɔ kpɔvolɛma mɔɔ bɛsɛkye wɔ duma.+ 21  O Gyihova, asoo mengyi bɛdabɛ mɔɔ bɛkyi wɔ,+Yɛɛ memkpɔ bɛdabɛ mɔɔ bɛdwazo bɛtia wɔ la ɔ?+ 22  Mekyi bɛ kɔkɔkɔkɔ;+Bɛrayɛ me kpɔvolɛma bɔkɔɔ. 23  O Nyamenle, fedevede me nu na nwu me ahonle nu.+ Neɛnlea me nu, na nwu me adwenleadwenle!+ 24  Nea saa amumuyɛ adenle bie wɔ me nu a,+Na fa me dua+ dahuu adenle ne azo.

Ɔbodwɛkɛ

Anzɛɛ “Ɛwɔ moamoa noko ɛnwu me adwenle nu.”
Hibulu aneɛ nu, “ɛsuzu.”
Anzɛɛ “yɛ me nwanwane somaa.”
Anzɛɛ “ɔyɛ se ɔmaa me kɛ mebade ɔ bo.”
Anzɛɛ “Sheol,” ɛhye kile, alesama nla. Nea Edwɛkɛbohilelɛ.
Anzɛɛ ɔkola ɔkile, “Ɛnwonle me.”
Anzɛɛ “Me ɛkɛla ze.”
Anzɛɛ ɔkola ɔkile, “ɛnee metɛbɔ nwo metɛtia.”
Anzɛɛ “menli mɔɔ di mogya nwo fɔlɛ la.”