Edwɛne 137:1-9
137 Wɔ Babelɔn azule ne mɔ anloa,+ ɛkɛ ne a yɛdɛnlanle a.
Mekɛ mɔɔ yɛhakyele Zayɔn la, yɛzunle.+
2 Ɛkɛ ne* azule nloa mbaka ne mɔ azo,Yɛɛ yɛvale yɛ haape+ ne mɔ yɛhendɛhendanle a.
3 Wɔ ɛkɛ ne, menli mɔɔ hyele yɛ la zele yɛ kɛ yɛdo edwɛne,+Menli mɔɔ golole yɛ nwo la hulole kɛ yɛdielie bɛ nye na bɛhanle kɛ:
“Bɛdo Zayɔn edwɛne ne mɔ ko bɛmaa yɛ.”
4 Kɛ ɔkɛyɛ na yɛado Gyihova edwɛneWɔ nyɛvolɛ azɛlɛ zo ɛ?
5 O Gyɛlusalɛm, saa me rɛle fi wɔ a,Maa me sa fema ne arɛle ɛvi ninyɛne ɛyɛlɛ.*+
6 Saa meangakye wɔ,Saa meammaa Gyɛlusalɛm angyia meAndɛla debie biala mɔɔ maa me nye die la a,Maa me tafinlima ɛbeta me talɛ.*+
7 O Gyihova, kakyeMɔɔ Yidɔmma hanle wɔ kenle mɔɔ bɛzɛkyele Gyɛlusalɛm la, kɛ:
“Bɛbubu ye bɛgua aze! Bɛbubu ye bɛgua aze bɛhɔdwu ye adiabo ne azo!”+
8 O suakpole Babelɔn, mɔɔ ɔnrɛhyɛ na bɛazɛkye wɔ,+Anyelielɛ ɛha ahenle mɔɔ badua wɔ kakɛWɔ mɔɔ ɛvale ɛyɛle yɛ la anwo la.+
9 Anyelielɛ a le ahenle mɔɔ bahye ɛ mra ne mɔNa yeava bɛ yeafifi bodane nwo la.+
