Edwɛne 136:1-26
136 Bɛyɛ Gyihova mo, ɔluakɛ ɔle kpalɛ;+Ye ɛlɔlɛ kpundii ne wɔ ɛkɛ dahuu.+
2 Bɛyɛ nyamenle ne mɔ Nyamenle ne mo,+Ɔluakɛ ye ɛlɔlɛ kpundii ne wɔ ɛkɛ dahuu.
3 Bɛyɛ awulae mɔ Awulae ne mo,Ɔluakɛ ye ɛlɔlɛ kpundii ne wɔ ɛkɛ dahuu.
4 Ɔ ngomekye ala a ɔyɛ nwanwane ninyɛne mgbole a.+Ɔluakɛ ye ɛlɔlɛ kpundii ne wɔ ɛkɛ dahuu.+
5 Ɔvale nrɛlɛbɛ a ɔbɔle anwuma a,+Ɔluakɛ ye ɛlɔlɛ kpundii ne wɔ ɛkɛ dahuu.
6 Ɔdɛlɛle azɛlɛ ne anu wɔ nzule ne mɔ azo,+Ɔluakɛ ye ɛlɔlɛ kpundii ne wɔ ɛkɛ dahuu.
7 Ɔbɔle ahɛnlaneɛ mgbole ne mɔ,+Ɔluakɛ ye ɛlɔlɛ kpundii ne wɔ ɛkɛ dahuu.
8 Sɛnzɛne kɛ ɔda alehyenlɛ nu,+Ɔluakɛ ye ɛlɔlɛ kpundii ne wɔ ɛkɛ dahuu.
9 Siane nee nwɔlɔra kɛ bɛda aledwolɛ nu,+Ɔluakɛ ye ɛlɔlɛ kpundii ne wɔ ɛkɛ dahuu.
10 Ɔhunle Yigyibiti belamunli mralɛ ne mɔ,+Ɔluakɛ ye ɛlɔlɛ kpundii ne wɔ ɛkɛ dahuu.
11 Ɔyele Yizilayɛ ɔvile bɛ avinli,+Ɔluakɛ ye ɛlɔlɛ kpundii ne wɔ ɛkɛ dahuu.
12 Ɔvale ɛsalɛ mɔɔ tumi wɔ nu nee ɛsalɛ mɔɔ yɛ se la,+Ɔluakɛ ye ɛlɔlɛ kpundii ne wɔ ɛkɛ dahuu.
13 Ɔkpakyele Nyevile Kɔkɔlɛ ne anu nwiɔ,*+Ɔluakɛ ye ɛlɔlɛ kpundii ne wɔ ɛkɛ dahuu.
14 Ɔmaanle Yizilayɛ luale ye avinli pɛle,+Ɔluakɛ ye ɛlɔlɛ kpundii ne wɔ ɛkɛ dahuu.
15 Ɔpianle Falo nee ye ɛlɔnema ne ɔguale Nyevile Kɔkɔlɛ ne anu,+Ɔluakɛ ye ɛlɔlɛ kpundii ne wɔ ɛkɛ dahuu.
16 Ɔlile ye menli ne anyunlu bɛluale fienemgbole ne anu,+Ɔluakɛ ye ɛlɔlɛ kpundii ne wɔ ɛkɛ dahuu.
17 Ɔlile arelemgbunli mgbole nwo zo konim,+Ɔluakɛ ye ɛlɔlɛ kpundii ne wɔ ɛkɛ dahuu.
18 Ɔhunle arelemgbunli katakyiema,Ɔluakɛ ye ɛlɔlɛ kpundii ne wɔ ɛkɛ dahuu.
19 Amɔlema Belemgbunli Saehɔn,+Ɔluakɛ ye ɛlɔlɛ kpundii ne wɔ ɛkɛ dahuu.
20 Nee Beehyan Belemgbunli Ɔɔgo,+Ɔluakɛ ye ɛlɔlɛ kpundii ne wɔ ɛkɛ dahuu.
21 Ɔvale bɛ azɛlɛ ne ɔmaanle kɛ agyadeɛ,+Ɔluakɛ ye ɛlɔlɛ kpundii ne wɔ ɛkɛ dahuu,
22 Kɛ ye sonvolɛ Yizilayɛ agyapadeɛ,Ɔluakɛ ye ɛlɔlɛ kpundii ne wɔ ɛkɛ dahuu.
23 Mɔɔ bɛbɛlɛle yɛ aze la ɔhakyele yɛ,+Ɔluakɛ ye ɛlɔlɛ kpundii ne wɔ ɛkɛ dahuu.+
24 Ɔhɔle zo ɔliele yɛ ɔvile yɛ kpɔvolɛma asa anu,+Ɔluakɛ ye ɛlɔlɛ kpundii ne wɔ ɛkɛ dahuu.
25 Ɔmaa tease abɔdeɛ* kɔsɔɔti aleɛ,+Ɔluakɛ ye ɛlɔlɛ kpundii ne wɔ ɛkɛ dahuu.
26 Bɛyɛ anwuma Nyamenle ne mo,Ɔluakɛ ye ɛlɔlɛ kpundii ne wɔ ɛkɛ dahuu.
