Edwɛne 135:1-21
135 Bɛye Gyaa* ayɛlɛ!
Bɛye Gyihova duma ne ayɛlɛ;Bɛmɛ Gyihova sonvolɛma bɛye ye ayɛlɛ,+
2 Bɛmɛ mɔɔ bɛgyigyi Gyihova sua nu ɛkɛ ne,Wɔ yɛ Nyamenle ne sua nu alienwo ɛkɛ ne la.+
3 Bɛye Gyaa ayɛlɛ, ɔluakɛ Gyihova le kpalɛ.+
Bɛdo ayɛlɛyelɛ edwɛne* bɛmaa ye duma ne, ɔluakɛ ɔyɛ anyelielɛ.
4 Ɔluakɛ Gyaa ɛkpa nu ɛye Gyekɔbo ɛmaa ɔ nwo,Yeva Yizilayɛ yeyɛ ye agyapadeɛ titili.*+
5 Na meze ye wienyi kɛ Gyihova le kpole;Yɛ Awulae ne le kpole tɛla nyamenle mɔɔ ɛha la amuala.+
6 Gyihova yɛ debie biala mɔɔ ɔkulo la+Wɔ anwuma nee azɛlɛ ye azo, wɔ nyevile nee azule kuma kɔsɔɔti anu.
7 Ɔmaa kpukpuke* fi azɛlɛ ne ɛleka biala fo kɔ anwuma;Ɔyɛ ɛsɛlɛmanye* ɔmaa ezule;Ɔmaa anwoma fi ye ninyɛnezielɛ ɛleka ne mɔ tu.+
8 Ɔhunle Yigyibiti belamunli mralɛ ne mɔ,Menli nee nane kɔsɔɔti.+
9 O Yigyibiti, ɔyɛle sɛkɛlɛneɛ nee nwanwane ninyɛne wɔ wɔ avinli+Ɔtiale Falo nee ye sonvolɛma kɔsɔɔti.+
10 Ɔlile maanle dɔɔnwo anwo zo konim+Na ɔhunle arelemgbunli katakyiema.+
11 —Amɔlema Belemgbunli Saehɔn,+Beehyan Belemgbunli Ɔɔgo,+Na ɔzɛkyele Keena arelemgbunlililɛ kɔsɔɔti.
12 Ɔvale bɛ azɛlɛ ne ɔmaanle kɛ agyadeɛ,Kɛ ye menli Yizilayɛ agyadeɛ.+
13 O Gyihova, wɔ duma ne wɔ ɛkɛ ne dahuu.
O Gyihova, wɔ anyunlunyia* wɔ ɛkɛ ne wɔ awolɛndoazo kɔsɔɔti anu.+
14 Ɔluakɛ Gyihova balie ye menli,*+Na ɔ kunlu bayelɛyela ye amaa ye sonvolɛma.*+
15 Maanle maanle ne mɔ ananze ne mɔ le dwɛtɛ fufule nee nvutuke,Sonla asa anloa gyima.+
16 Bɛlɛ ɛnloanlɛ, noko bɛndendɛ;+Bɛlɛ ɛnyelɛ, noko bɛnnwu debie;
17 Bɛlɛ ɛnzolɛ, noko bɛnde edwɛkɛ.
Ɛnwomenle biala ɛnle bɛ nloa anu.+
18 Menli mɔɔ yɛ bɛ la bayɛ kɛ bɛdabɛ ala la,+Zɔhane ala a bɛdabɛ mɔɔ bɛfa bɛ nwo bɛto bɛ nwo zo la kɔsɔɔti bayɛ a.+
19 O Yizilayɛma, bɛye Gyihova ayɛlɛ.
O Aalɔn abozoamra, bɛye Gyihova ayɛlɛ.
20 O Livae abozoamra, bɛye Gyihova ayɛlɛ.+
Bɛmɛ mɔɔ bɛsulo Gyihova la, bɛye Gyihova ayɛlɛ.
21 Maa bɛvi Zayɔn bɛye Gyihova,Mɔɔ de Gyɛlusalɛm la ayɛlɛ.+
Bɛye Gyaa ayɛlɛ!+
Ɔbodwɛkɛ
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
^ Anzɛɛ “Bɛbɔ edwɛne.”
^ Anzɛɛ “agyapadeɛ mɔɔ ɔ nye die nwo.”
^ Hibulu aneɛ nu, “amungu.”
^ Anzɛɛ ɔkola ɔkile, “nlenkɛ.”
^ Anzɛɛ “duma.” Hibulu aneɛ nu, “ngakyelɛ.”
^ Anzɛɛ “ɔbali ye sonvolɛma anwo nyane.”
^ Anzɛɛ “ɔbali bɛ edwɛkɛ yeamaa bɛ.”
