Edwɛne 130:1-8

  • ‘Mela kuma kpole nu a mefɛlɛ wɔ’

    • “Saa nvonleɛ yɛɛ ɛnea a” (3)

    • Nɔhalɛ ɛtanefakyɛ wɔ Gyihova ɛkɛ (4)

    • “Mekendɛ Gyihova ɛsesebɛ” (6)

Anwumavolɛ Edwɛne. 130  O Gyihova, mela kuma kpole nu a melɛfɛlɛ wɔ a.+   O Gyihova, tie me ne. Yɛ ɛnzolɛ tie me moalɛ nzɛlɛlɛ.   O Gyaa,* saa nvonleɛ yɛɛ ɛnea a,*O Gyihova, anrɛɛ nwane a kɛhola gyinla a?+   Ɔluakɛ wɔ ɛkɛ ne a nɔhalɛ ɛtanefakyɛ wɔ a,+Amaa menli azulo wɔ.+   Me nye la Gyihova anwo zo, me sonlabaka ne amuala* anye la ɔ nwo zo;Me nye la ye edwɛkɛ* ne azo.   Mekendɛ* Gyihova ɛsesebɛ,+Metɛla sinzavolɛma mɔɔ kendɛ alehyenlɛ,+Ɛhɛe, metɛla sinzavolɛma mɔɔ kendɛ alehyenlɛ la.   Bɛmaa Yizilayɛ ɛhɔ zo ɛhendɛ Gyihova,Ɔluakɛ Gyihova ɛlɔlɛ ne gyi ye kpundii,+Na ɔlɛ tumi kpole ɔfa ɔdie ngoane.   Ɔbalie Yizilayɛma yeavi bɛ nvonleɛ kɔɔsti anu.

Ɔbodwɛkɛ

Anzɛɛ “Gyaa” le Gyihova duma ne mɔɔ bɛpɛ ye sinli.
Anzɛɛ “ɛdi ɔ nzi a.”
Anzɛɛ “me ɛkɛla.”
Anzɛɛ “ɛwɔkɛ.”
Anzɛɛ “Me ɛkɛla kendɛ.”