Edwɛne 129:1-8
-
Bɛteta yɛ noko bɛtɛdile yɛ nwo zo konim
-
Bɛdabɛ mɔɔ bɛkyi Zayɔn la babɔ anyiemgba (5)
-
Anwumavolɛ Edwɛne.
129 “Sumunli me ngakula nu, bɛteta me dahuu”+
—Bɛmaa Yizilayɛ ɛha kɛ—
2 “Sumunli me ngakula nu, bɛteta me dahuu;+Noko bɛtɛkolale bɛtɛdile me nwo zo konim.+
3 Bɛvundu me nzi kɛ azɛlɛ la;+Ahuma mɔɔ bɛpepɛ bɛ me nzi la le ndendenle.”
4 Noko Gyihova le tenlenenli;+Yepepɛ amumuyɛma nyɛma ne mɔ anu.+
5 Bɛdabɛ mɔɔ bɛkyi Zayɔn la amuala,Bɛbabɔ anyiemgba na bɛava nyiane bɛazia bɛ nzi.+
6 Bɛbayɛ kɛ sua ti zo ndileMɔɔ bɛtɛtudule bɔbɔ la ɛnee yenwoso,
7 Mɔɔ ɔkpolomgbolo mɔɔ kɛdudu la asa anu,Anzɛɛ mɔɔ kɛhuohua ɔ nloa avile la asa azo la.
8 Bɛdabɛ mɔɔ bɛlɛpɛ nu wɔ ɛkɛ ne la ɛnrɛha kɛ:
“Gyihova nyilalɛ ɛrɛla bɛ nwo zo;Yɛyila bɛ wɔ Gyihova duma nu.”
