Edwɛne 121:1-8
Anwumavolɛ Edwɛne.
121 Memaa me nye zo menea awoka ne mɔ.+
Nienwu a me moalɛ vi bara a?
2 Me moalɛ vi Gyihova ɛkɛ,+Anwuma nee aze* Yɛvolɛ ne.
3 Ɔnrɛmaa ɛ gyakɛ ɛnrɛtele* ɛlɛ.+
Mɔɔ sinza wɔ la ɛnrɛbɔ ngɔsɔkɛ ɛlɛ.
4 Nea! Mɔɔ sinza Yizilayɛ la,+Ɔnrɛbɔ ngɔsɔkɛ ɛlɛ yɛɛ ɔnrɛlafe.
5 Gyihova ɛlɛsinza wɔ.
Gyihova a le alubo+ ne mɔɔ wɔ ɛ sa fema zo la.+
6 Sɛnzɛne ne ɛnrɛyela wɔ wɔ alehyenlɛ nu,+Yɛɛ siane ne ɛnrɛboda wɔ wɔ aledwolɛ nu.+
7 Gyihova bazinza wɔ wɔ munzule kɔsɔɔti anu.+
Ɔbabɔ wɔ ngoane* nwo bane.+
8 Gyihova bazinza wɔ wɔ debie biala mɔɔ ɛbayɛ la anu*Ɔvi ɛnɛ mɔɔ kɔ la yɛɛ dahuu.
Ɔbodwɛkɛ
^ Anzɛɛ “azɛlɛ.”
^ Anzɛɛ “ɛnrɛhoati.”
^ Anzɛɛ “ɛkɛla.”
^ Hibulu aneɛ nu, “wɔ wɔ ɛhɔlɛ nee wɔ ɛralɛ nu.”
