Edwɛne 12:1-8
-
Gyihova dwazo yɛ nwolɛ debie
-
Gyihova anloa anu edwɛkɛ ne mɔ anwo te (6)
-
Kɔmaa edwɛndolɛma kpanyinli ne; Hyɛmenete* zo. Devidi ayɛlɛyelɛ edwɛne.
12 O Gyihova, die me ɔluakɛ nɔhavoma ɛnle ɛkɛ bieko;Nɔhalɛma ɛwie menli ne anu.
2 Bɛbɔ adalɛ bɛkile bɛ nwo ngoko;Bɛfa bɛ nloa bɛkanvo menli adalɛ nu* yɛɛ bɛfa mɛlɛbɛla ahonle bɛtendɛ.*+
3 Gyihova bapɛ ɛnloanlɛ mɔɔ kanvo menli adalɛ nu la kɔsɔɔti avi ɛkɛNee ɛtafinlimalɛ mɔɔ tu ɔ nloa anu kpole la,+
4 Bɛdabɛ mɔɔ bɛka kɛ: “Yɛbava yɛ tafinlima yɛali konim.
Yɛfa yɛ nloa yɛka mɔɔ yɛkulo la;Nwane a bayɛ yɛ menle a?”+
5 “Ɔluakɛ bɛsisi mɔɔ nyane ɛha ye la,Yɛɛ ehyiavolɛma ɛkponlenlɛ ne ati,+Mebadwazo meayɛ nwolɛ debie,” Gyihova a se a.
“Mebalie bɛ meavi menli mɔɔ ɛmbu bɛ bie* la asa anu.”
6 Gyihova anloa anu edwɛkɛ ne mɔ anwo te;+Bɛle kɛ dwɛtɛ fufule mɔɔ bɛbolo nwo wɔ ndɛtɛlɛ fonlomo nu,* na bɛdu nuhua evinli ne fane nsuu la.
7 O Gyihova, ɛbazinza bɛ;+Ɛbabɔ bɛ nuhua ko biala anwo bane wɔavi awolɛndoazo ɛhye anwo dahuu.
8 Amumuyɛma kola kɔ ɛleka bialaƆluakɛ menli kanvo ɛbɛlatane.+
Ɔbodwɛkɛ
^ Nea Edwɛkɛbohilelɛ.
^ Hibulu aneɛ nu, “Bɛfa anloa anu menlemenle bɛtendɛ.”
^ Hibulu aneɛ nu, “bɛfa ahonle nee ahonle bɛtendɛ.”
^ Anzɛɛ “golo bɛ nwo.”
^ Anzɛɛ ɔkola ɔkile, “fonlomo mɔɔ bɛzi ye wɔ anwea nu la.”
