Edwɛne 118:1-29

  • Bɛyɛ Gyihova mo wɔ ye konimlilɛ ne anwo

    • ‘Menvɛlɛle Gyaa, na ɔliele zo’ (5)

    • “Gyihova wɔ me afoa” (6, 7)

    • Bolɛ mɔɔ bɛkpole la bayɛ mgbɛnezo bolɛ mɔɔ anwo hyia a (22)

    • ‘Mɔɔ ɛlɛba wɔ Gyihova duma nu la’ (26)

118  Bɛyɛ Gyihova mo, ɔluakɛ ɔle kpalɛ;+Ye ɛlɔlɛ kpundii ne wɔ ɛkɛ ne dahuu.   Bɛmaa Yizilayɛ ɛha kɛ: “Ye ɛlɔlɛ kpundii ne wɔ ɛkɛ ne dahuu.”   Bɛmaa Aalɔn abozoamra ɛha kɛ: “Ye ɛlɔlɛ kpundii ne wɔ ɛkɛ ne dahuu.”   Bɛmaa bɛdabɛ mɔɔ bɛsulo Gyihova la ɛha kɛ: “Ye ɛlɔlɛ kpundii ne wɔ ɛkɛ ne dahuu.”   Wɔ me amaneɛnwunlɛ nu, menvɛlɛle Gyaa;*Gyaa liele zo na ɔvale me ɔhɔle ɛleka mɔɔ banebɔlɛ wɔ* la.+   Gyihova wɔ me afoa; menrɛzulo.+ Duzu a sonla kɛhola kɛyɛ me a?+   Gyihova wɔ me afoa kɛ me boavolɛ;*+Mebanlea me kpɔvolɛma mɔɔ bɛli bɛ nwo zo konim la.+   Ɔle kpalɛ kɛ sonla kɛva Gyihova kɛyɛ ye feabelɛTɛla kɛ ɔkɛva ɔ nwo ɔkɛdo menli nwo zo.+   Ɔle kpalɛ kɛ sonla kɛva Gyihova kɛyɛ ye feabelɛTɛla kɛ ɔkɛva ɔ nwo ɔkɛdo mgbanyima nwo zo.+ 10  Maanle maanle kɔsɔɔti bɔle me yiale,Noko Gyihova duma nu ti,Menganle bɛ menguale.+ 11  Bɛbɔle me bɛyiale, ɛhɛe, bɛbɔle me bɛyiale bɔkɔɔ,Noko Gyihova duma nu ti,Menganle bɛ menguale. 12  Bɛbɔle me bɛyiale kɛ wolɛ,Noko bɛnlunle ndɛndɛ kɛ senle mɔɔ ɛlɛyela mbowule la. Gyihova duma nu ti,Menganle bɛ menguale.+ 13  Bɛzuhunle me kpole* amaa meadɔ aze,Noko Gyihova boale me. 14  Gyaa le me ɛvealeka nee me anwosesebɛ,Na yerayɛ me ngoanedievolɛ.+ 15  Bɛte anyelielɛ nee ngoanelielɛ* ɛnelɛWɔ tenlenema ɛdanlɛ azua nu. Gyihova asa fema ne ɛlɛda ye tumi ne ali.+ 16  Gyihova asa fema ne ɛlɛkpogya ɔ nwo zo;Gyihova asa fema ne ɛlɛda ye tumi ne ali.+ 17  Menrɛwu, kyɛkyɛ, mebadɛnla ngoane nu,Amaa meabɔ Gyaa gyima ne mɔ nolo.+ 18  Gyaa deanle me kpole kpalɛ,+Noko yeanye me yeanwula ewule asa anu.+ 19  Bɛbuke tenleneyɛlɛ nlenkɛ mgbole ne mɔ bɛmaa me;+Mebawolo nu na meaye Gyaa ayɛlɛ. 20  Gyihova anlenkɛ kpole ne ɛne. Tenlenenli balua nu awolo.+ 21  Mebaye wɔ ayɛlɛ ɔluakɛ ɛbuale me+Na ɛrayɛle me ngoanedievolɛ. 22  Bolɛ ne mɔɔ suasivoma ne kpole la,Ɛrayɛ mgbɛnezo bolɛ mɔɔ anwo hyia kpalɛ.+ 23  Ɛhye vi Gyihova;+Ɔyɛ nwanwane wɔ yɛ nye zo.+ 24  Kenle ne mɔɔ Gyihova ɛva ɛzie ɛkɛ ne la ɛne;Yɛbali fɛlɛko na yɛ nye alie wɔ kenle zɔhane. 25  Yɛsɛlɛ wɔ, Gyihova die yɛ, yɛbodo wɔ! Gyihova, yɛsɛlɛ wɔ, maa yɛli konim! 26  Nyilalɛ ɛha sonla ne mɔɔ ba wɔ Gyihova duma nu la;+Yɛyila wɔ wɔ Gyihova sua nu. 27  Gyihova le Nyamenle;Ɔmaa yɛ wienyi.+ Bɛlɛ mbaka ngane bɛ sa nu bɛdo ɛvoyialilɛ ɛlɔnwɔne,+Bɛhɔdwu afɔlemokyea ne mɛne ne mɔ anwo.+ 28  Ɛle me Nyamenle, na mebaye wɔ ayɛlɛ;Me Nyamenle, mebakpogya wɔ zo.+ 29  Bɛyɛ Gyihova mo,+ ɔluakɛ ɔle kpalɛ;Ye ɛlɔlɛ kpundii ne wɔ ɛkɛ ne dahuu.+

Ɔbodwɛkɛ

“Gyaa” le Gyihova duma ne mɔɔ bɛpɛ ye sinli.
Anzɛɛ “ɛleka mɔɔ tɛlɛ.”
Anzɛɛ ɔkola ɔkile, “boka me boavolɛma anwo.”
Anzɛɛ ɔkola ɔkile, “Ɛzuhunle me kpole.”
Anzɛɛ “konimlilɛ.”