Edwɛne 116:1-19

  • Anyezɔlɛ edwɛne

    • “Duzu a mebava meadua Gyihova kakɛ” a? (12)

    • “Mebalie ngoanelielɛ kanrɛlɛ ne” (13)

    • “Mebadua me ɛwɔkɛ ne mɔ meamaa Gyihova” (14, 18)

    • Nɔhavoma ewule sonle bolɛ (15)

116  Mekulo GyihovaƆluakɛ ɔte* me ne, me modolɛ nzɛlɛlɛ.+   Ɔluakɛ ɔyɛ ɛnzolɛ ɔmaa me,*+Na mebavɛlɛ ye wɔ mekɛ tendenle ala mɔɔ mede ngoane nu la.*   Ewule nyɛma kyekyele me;Nla zɔle me nu kyengye.*+ Anwongyelelɛ nee nyanelilɛ bole me nwo zo.+   Noko membɔle Gyihova duma+ kɛ: “O Gyihova, die me!”*   Gyihova akunlu yelɛyela ye* yɛɛ ɔle tenlenenli;+Yɛ Nyamenle ne se anwunvɔne.+   Gyihova bɔ mɔɔ ɛnlɛ anwubielɛ la anwo bane.+ Bɛbɛlɛle me aze, na ɔliele me.   Bɛmaa me ɛkɛla* ɛlie ɔ menle bieko,Ɔluakɛ Gyihova nee me ɛli ye boɛ.   Wɔlie me* wɔvi ewule nu,Wɔkyikyi me nye anwo monle, wɔammaa me gyakɛ antele.+   Mebalua Gyihova anyunlu wɔ teasema azɛlɛ ne azo. 10  Ɛnee melɛ diedi, ɔluakɛ mendendɛle;+Menwunle amaneɛ kpole. 11  Na mame, me ahonle dule na menganle kɛ: “Sonla biala le adalɛ.”+ 12  Duzu a mebava meadua Gyihova kakɛWɔ kpalɛ kɔsɔɔti mɔɔ yeyɛ yemaa me la anwo a? 13  Mebalie ngoanelielɛ kanrɛlɛ ne,Na meabɔ Gyihova duma. 14  Mebadua me ɛwɔkɛ ne mɔ meamaa GyihovaWɔ ye menli ne kɔsɔɔti anyunlu ɛkɛ.+ 15  Gyihova nɔhavomaEwule sonle bolɛ* wɔ ɔ nye zo.+ 16  O Gyihova, mebodo wɔ,Ɔluakɛ mele wɔ sonvolɛ. Mele wɔ sonvolɛ, wɔ sonvolɛ raalɛ ne ara nrenyia. Wɔtulu me nyɛma* ne.+ 17  Mebabɔ moyɛlɛ afɔle meamaa wɔ;+Mebabɔ Gyihova duma. 18  Mebadua me ɛwɔkɛ ne mɔ meamaa Gyihova+Wɔ ye menli ne kɔsɔɔti anyunlu ɛkɛ,+ 19  Wɔ Gyihova sua nu alienwo ɛkɛ,+Wɔ wɔ avinli, O Gyɛlusalɛm. Bɛye Gyaa* ayɛlɛ!+

Ɔbodwɛkɛ

Anzɛɛ ɔkola ɔkile, “Mekulo ɔluakɛ Gyihova tie.”
Anzɛɛ “ɔka ɔ nwo aze ɔtie me.”
Hibulu aneɛ nu, “wɔ me ngoane mekɛ nu.”
Hibulu aneɛ nu, “Nla ngyegyelɛ asa hanle me.”
Anzɛɛ “me ɛkɛla.”
Anzɛɛ “le dovolɛ.”
Anzɛɛ “me ɛkɛla.”
Anzɛɛ “bolɛ yɛ se.”
Anzɛɛ “kyeenyi.”
Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.