Edwɛne 115:1-18
115 Tɛ yɛmɛ, O Gyihova, tɛ yɛmɛ ɔ,*Emomu wɔ duma ne a wula ye anyunlunyia+Ɔlua wɔ ɛlɔlɛ kpundii ne nee wɔ nɔhalɛlilɛ ne ati a.+
2 Duzu ati a ɔwɔ kɛ maanle maanle ne mɔ ka kɛ:
“Nienwu a bɛ Nyamenle ne wɔ a?”+
3 Yɛ Nyamenle ne wɔ anwuma;Ɔyɛ debie biala mɔɔ ɔkulo la.
4 Bɛ ananze ne mɔ le dwɛtɛ fufule nee nvutuke,Sonla asa anloa gyima.+
5 Bɛlɛ ɛnloanlɛ, noko bɛndendɛ;+Bɛlɛ ɛnyelɛ, noko bɛnnwu debie;
6 Bɛlɛ ɛnzolɛ, noko bɛnde edwɛkɛ;Bɛlɛ ebonyile, noko bɛnde nvoanle;*
7 Bɛlɛ ɛsalɛ noko bɛnva bɛnzɔ debie;+Bɛlɛ egyakɛ noko bɛngola bɛndia;Bɛnva bɛ komenzia bɛnyɛ dede biala.+
8 Menli mɔɔ yɛ bɛ la bayɛ kɛ bɛdabɛ ala la,+Zɔhane ala a bɛdabɛ mɔɔ bɛfa bɛ nwo bɛto bɛ nwo zo la kɔsɔɔti bayɛ a.+
9 O Yizilayɛ, bɛva bɛ nwo bɛdo Gyihova anwo zo+—Ɔle bɛ boavolɛ nee bɛ enyinlike.+
10 O Aalɔn abozoamra,+ bɛva bɛ nwo bɛdo Gyihova anwo zo—Ɔle bɛ boavolɛ nee bɛ enyinlike.
11 Bɛmɛ mɔɔ bɛsulo Gyihova la, bɛva bɛ nwo bɛdo Gyihova anwo zo+—Ɔle bɛ boavolɛ nee bɛ enyinlike.+
12 Gyihova kakye yɛ na ɔbayila yɛ;Ɔbayila Yizilayɛma;+Ɔbayila Aalɔn abozoamra.
13 Ɔbayila bɛdabɛ mɔɔ bɛsulo Gyihova la,Ngyikyi nee mgbole kɔsɔɔti.
14 Gyihova bamaa bɛ nwo azo,Bɛdabɛ nee bɛ mra* kɔsɔɔti.+
15 Gyihova ɛyila bɛ,+Anwuma nee aze* Yɛvolɛ ne.+
16 Anwuma ɛdeɛ, ɔle Gyihova ɛdeɛ,+Noko yeva azɛlɛ ne yemaa alesama.+
17 Mowuamra ɛnye Gyaa ayɛlɛ;+Anzɛɛ bɛdabɛ mɔɔ bɛkɔfea azɛlɛ bo koonwu wɔ ewule nu* la.+
18 Noko yɛmɛ, yɛbaye Gyaa ayɛlɛƆvi ɛnɛ mɔɔ kɔ la yɛɛ dahuu.
Bɛye Gyaa* ayɛlɛ!
Ɔbodwɛkɛ
^ Anzɛɛ “Ɛhwee ɛnle yɛ ɛdeɛ, O Gyihova, ɛhwee ɛnle yɛ ɛdeɛ.”
^ Anzɛɛ “ɛvuanlɛ.”
^ Hibulu aneɛ nu, “bɛ mra mrenyia.”
^ Anzɛɛ “azɛlɛ.”
^ Hibulu aneɛ nu, “bɛkɔ koonwuyɛlɛ nu.”
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
