Edwɛne 108:1-13
Edwɛne. Devidi ayɛlɛyelɛ edwɛne.
108 Me ahonle gyi ye kpundii, O Nyamenle.
Mebava me sonlabaka ne amuala* meado edwɛne na meaye wɔ ayɛlɛ.+
2 Tunwue, O getaa;* O haape, ɛdawɔ noko tunwue.+
Mebadunwue aleɛbahye.
3 O Gyihova, mebaye wɔ ayɛlɛ wɔ menli ne anu;Na meado ayɛlɛyelɛ edwɛne* meamaa wɔ wɔ maanle maanle ne mɔ anu.
4 Ɔluakɛ wɔ ɛlɔlɛ kpundii ne le kpole kɔdwu anwuma nehane,+Yɛɛ wɔ nɔhalɛlilɛ ne kɔdwu anwomanyunlu.
5 O Nyamenle, kpogya ɛ nwo zo tɛla anwuma;Maa wɔ anyunlunyia ɛheda azɛlɛ ye kɔsɔɔti azo.+
6 Amaa wɔalie wɔ kulovolɛma,Fa ɛ sa fema ne die yɛ ngoane na bua me.+
7 Nyamenle ɛdendɛ wɔ ye nwuanzanwuanzayɛlɛ nu* kɛ:
“Mebali fɛlɛko, mebava Hyikɛm+ meamaa kɛ agyapadeɛ,Na mebazuzu Sɛkɔto Bɔnza*+ ne meamaa me menli ne.
8 Geleade+ le me ɛdeɛ, Manasɛ noko le me ɛdeɛ,Na Yifelaem le me ti zo kyɛlɛ;*+Dwuda le me tumi kpɔma.+
9 Mowabe le me kyɛnze mɔɔ mebia nu.+
Mebavuandi me mgbɔlaboa meagua Yidɔm anwo zo.+
Mebadea nu konimlilɛ nu wɔ Filisitia anwo.”+
10 Nwane a kɛva me kɛhɔ suakpole ne mɔɔ bɛlie nwolɛ bane la azo a?
Nwane a kɛli me nyunlu too yɛkɛhɔ Yidɔm a?+
11 O Nyamenle, asoo tɛ ɛdawɔ mɔɔ wɔkpo yɛ,Yɛ Nyamenle ne, mɔɔ ɛ nee yɛ ɛlɔnema ne ɛngɔ konle bieko la ɔ?+
12 Boa yɛ wɔ yɛ anwongyelelɛ nu,+Ɔluakɛ nvasoɛ biala ɛnle sonla ngoanelielɛ zo.+
13 Nyamenle a bamaa yɛ tumi a,+Na ɔbatietia yɛ kpɔvolɛma anwo zo.+
Ɔbodwɛkɛ
^ Hibulu aneɛ nu, “Mebava me anyunlunyia ne bɔbɔ.”
^ Anzɛɛ “mebabɔ edwɛne.”
^ Anzɛɛ “Azɛlɛ Sɛsɛ.”
^ Anzɛɛ ɔkola ɔkile, “ye ɛleka nwuanzanwuanza ne.”
^ Hibulu aneɛ nu, “aranemgbole.”
