Edwɛne 105:1-45

  • Ninyɛne mgbalɛ mɔɔ Gyihova ɛyɛ ɛmaa ye menli

    • Nyamenle kakye ye ngyekyeleɛ ne (8-10)

    • “Bɛmmafa bɛ sa bɛka me menli ne mɔɔ mekpokpa bɛ la” (15)

    • Nyamenle vale Dwosefi mɔɔ ɛnee le akɛlɛ la lile gyima (17-22)

    • Nyamenle yɛle nwanwane ninyɛne wɔ Yigyibiti (23-36)

    • Yizilayɛma dule vile Yigyibiti (37-39)

    • Nyamenle hakyele ɛwɔkɛ mɔɔ ɔbɔle Ebileham la (42)

105  Bɛyɛ Gyihova mo,+ bɛbɔ ye duma,Bɛmaa menli ɛnwu ye nyɛleɛ ne mɔ!+   Bɛdo edwɛne bɛmaa ye, bɛdo ayɛlɛyelɛ edwɛne* bɛmaa ye,Bɛdwenledwenle ye nwanwane gyima ne mɔ amuala anwo.*+   Bɛva ye duma nwuanzanwuanza ne bɛdu bɛ nwo.+ Bɛmaa bɛdabɛ mɔɔ bɛlɛkpondɛ Gyihova la ahonle ɛli fɛlɛko.+   Bɛkpondɛ Gyihova+ nee ye anwosesebɛ ne. Bɛkpondɛ ɔ nyunlu ɛlolɛ* dahuu.   Bɛhakye nwanwane gyima ne mɔ mɔɔ yeyɛ la,Ye sɛkɛlɛneɛ ne mɔ nee ndɛne ne mɔ mɔɔ yebua la,+   Bɛmɛ ye sonvolɛ Ebileham abozoamra,+Bɛmɛ Gyekɔbo amra mɔɔ yekpa nu yeye bɛ.+   Ɔdaye a ɔle Gyihova yɛ Nyamenle a.+ Ye ndɛnebualɛ kɔdwu azɛlɛ ye ɛleka biala.+   Ɔkakye ye ngyekyeleɛ ne dahuu,+Ɛwɔkɛ mɔɔ ɔbɔle* awolɛndoazo apenle ne la,+   Ngyekyeleɛ ne mɔɔ ɔ nee Ebileham yɛle,+Nee ndane ne mɔɔ ɔhanle Ayezeke,+ 10  Mɔɔ ɔvale ɔziele ɛkɛ ne kɛ mɛla ɔmaanle GyekɔboNa ɔvale ɔmaanle Yizilayɛ kɛ dahuu ngyekyeleɛ la, 11  Ɔhanle kɛ, “Mebava Keena azɛlɛ ne meamaa bɛ+Kɛ agyapadeɛ mɔɔ bɛva bɛmaa bɛ.”+ 12  Ɔhanle ɛhye wɔ mekɛ mɔɔ ɛnee bɛ nwo anzo,+Ɛhɛe, bɛle ekyi bie, na bɛle nyɛvolɛ wɔ azɛlɛ ne azo la.+ 13  Bɛkpɔsale bɛvile maanle ko azo bɛhɔle maanle fofolɛ zo,Bɛvile belemgbunlililɛ ko abo bɛhɔle menli gyɛne nu.+ 14  Yeammaa awie biala adenle yeammaa yeansisi bɛ,+Emomu, bɛdabɛ bɛ ti ɔhwile arelemgbunli nyunlu,+ 15  Ɔhanle kɛ, “Bɛmmafa bɛ sa bɛka me menli ne mɔɔ mekpokpa bɛ la,Yɛɛ bɛmmayɛ me ngapezoma ne ɛtane biala.”+ 16  Ɔmaanle ɛhɔne rale azɛlɛ ne azo;+Ɔzɛkyele ɛleka mɔɔ bɛfa bɛ paano bɛsie la.* 17  Ɔzoanle nrenyia bie ɔmaanle ɔlimoale bɛ nyunlu,Dwosefi mɔɔ bɛdɔnenle ye bɛmaanle ɔyɛle akɛlɛ la.+ 18  Bɛvale kyeenyi bɛguale ɔ gyakɛ;*+Bɛvale bulalɛ bɛdole ɔ kɔme* 19  Hɔkpulale kɛ ye edwɛkɛ ne yɛle zɔ la,+Gyihova edwɛkɛ ne a maanle ɔ nwo dele a. 20  Belemgbunli ne zoanle maanle bɛhɔyele ye,+Mɔɔ nea menli ne anwo zo la gyakyile ye. 21  Ɔyɛle ye kpanyinli wɔ ye sua nu ɛkɛ,Ye agyapadeɛ kɔsɔɔti azo neavolɛ,+ 22  Kɛ ɔnlea* belemgbunli mbɔlɔba mgbanyima ne mɔ anwo zo kɛ mɔɔ ɔdaye ɔkulo* laNa ɔhilehile ye mgbanyima ne mɔ nrɛlɛbɛ.+ 23  Akee Yizilayɛ rale Yigyibiti,+Na Gyekɔbo hɔdɛnlanle Ham azɛlɛ ne azo kɛ ɛyɛvolɛ. 24  Nyamenle maanle ye menli ne wole mralɛ dɔɔnwo;+Ɔmaanle bɛ nwo yɛle se dɛlale bɛ kpɔvolɛma,+ 25  Ɔhakyile bɛ ahonle ɔmaanle bɛhyile ye menli ne,Kɛ bɛva ye sonvolɛma ne anwo adwenle ɛtane.+ 26  Ɔzoanle ye sonvolɛ Mosisi,+Yɛɛ Aalɔn,+ mɔɔ ɔkpale nu ɔyele ye la. 27  Bɛyɛle ye sɛkɛlɛneɛ wɔ bɛ avinli,Ye nwanwane ninyɛne wɔ Ham azɛlɛ ne azo.+ 28  Ɔzoanle awozinli na awozinli vale azɛlɛ ne;+Mosisi nee Aalɔn ande ye edwɛkɛ ne anwo atua. 29  Ɔmaanle bɛ nzule ne mɔ hakyile mogyaNa ɔhunle bɛ fɛlɛ ne mɔ.+ 30  Ahɛlɛne vale bɛ azɛlɛ ne,+Bɔbɔ belemgbunli ne suakunlu ɛkɛ. 31  Ɔmaanle nrɛzenra dɔɔnwo raleNa ngokowule vale bɛ azɛlɛ ne azo ɛleka biala.+ 32  Ɔmaanle bɛ ezule hakyile ezuawolɛNa ɔzoanle ɛsɛlɛmanye* wɔ bɛ azɛlɛ ne azo.+ 33  Ɔhunle bɛ vanye nee bɛ feege mbaka ne mɔNa ɔbubule mbaka mɔɔ wɔ bɛ azɛlɛ ne azo la kɔsɔɔti. 34  Ɔhanle kɛ abɛbɛ dɔɔnwo ɛrɛla,Abɛbɛ mralɛ mɔɔ bɛnze bɛ nloa la.+ 35  Bɛlile azɛlɛ ne azo nya kɔsɔɔti,Na bɛlile azɛlɛ ne azo ma* ne mɔ. 36  Akee ɔhunle belamunli ralɛ biala mɔɔ wɔ bɛ azɛlɛ ne azo la,+Bɛ awolɛ tumi mɔlebɛbo ne. 37  Ɔyele ye menli ne ɔvile ɛkɛ na ɔmaanle bɛnyianle dwɛtɛ fufule nee nvutuke;+Na ye mbusua ekpunli ne mɔ anu biala andɔ aze. 38  Mɔɔ bɛvile ɛkɛ ne la, Yigyibitima anye liele,Ɔluakɛ Yizilayɛma anwo* ɛzulolɛ dɔle bɛ nwo zo.+ 39  Ɔdɛlɛle amungu nu ɔhedale bɛ nwo zo+ Yɛɛ senle kɛ ɔmaa bɛ wienyi wɔ nɔɔzo.+ 40  Bɛbizale na ɔmaanle bɛ nloma;*+Ɔmaanle bɛ anwuma paano bɛlile bɛ ko yile.+ 41  Ɔkpukele bodane nu, na nzule vile nu vindele;+Ɔzenle ɛsɛlɛ ne azo kɛ azule.+ 42  Ɔluakɛ ɔhakyele ɛwɔkɛ nwuanzanwuanza ne mɔɔ ɔbɔle ye sonvolɛ Ebileham la.+ 43  Ɔti ɔyele ye menli ne wɔ anyelielɛ nu,+Ɔyele menli mɔɔ yekpa nu yeye bɛ la wɔ fɛlɛkolilɛ nu. 44  Ɔvale maanle maanle ne mɔ azɛlɛ ɔmaanle bɛ;+Mɔɔ menli gyɛne ɛyɛ gyima ɛsesebɛ ɛnyia ye la rayɛle bɛ ɛdeɛ,+ 45  Amaa bɛali ye ngyehyɛleɛ+Nee ye mɛla ne mɔ azo. Bɛye Gyaa* ayɛlɛ!

Ɔbodwɛkɛ

Anzɛɛ “bɛbɔ edwɛne.”
Anzɛɛ ɔkola ɔkile, “Bɛha nwolɛ edwɛkɛ.”
Anzɛɛ “ɔ nyunlu.”
Hibulu aneɛ nu, “Edwɛkɛ mɔɔ ɔhanle ɔhilele.”
Hibulu aneɛ nu, “bubule paano baka biala anu.” Ɔkola ɔkile mbaka mɔɔ bɛfa paano bɛgua zolɛ.
Hibulu aneɛ nu, “Bɛmaanle ɔ gyakɛ nwunle amaneɛ.”
Anzɛɛ “Bɛvale bulalɛ bɛkyekyele ye ɛkɛla.”
Hibulu aneɛ nu, “ɔkyekye.”
Anzɛɛ “ye ɛkɛla kulo.”
Anzɛɛ “sendɔlɔra.”
Anzɛɛ “nzoleɛ.”
Hibulu aneɛ nu, “bɛ nwo.”
Aloma doboo bie mɔɔ le kɛ kandalɛ la.
Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.