Edwɛne 104:1-35
104 Maa menye* Gyihova ayɛlɛ.+
O Gyihova me Nyamenle, ɛle bedevinli kpalɛ.+
Wɔva enililɛ nee anyunlunyia wɔheda.+
2 Wɔva wienyi wɔheda+ kɛ ɛdanlɛ;Wɔdɛlɛ anwuma ne anu kɛ ɛdanlɛsua.+
3 Ɔfa ye ɛbolɔnsam zo mgbunla ne mɔ ɔgua nzule mɔɔ wɔ anwuma la azo,*+Ɔfa amungu ne ɔyɛ ye ehwili,+Ɔdua anwoma ne andɛba ne mɔ azo.+
4 Ɔyɛ ye anwumabɔvolɛ ne mɔ sunsum,Ye sonvolɛma sendɔlɔra.+
5 Yeva azɛlɛ ne yezie ye adiabo ne mɔ azo;+Bɛnrɛye bɛnrɛvi ɔ bo zo ne* ɛlɛ.+
6 Ɛvale azule kuma ɛhedale ye kɛ ɛdanlɛ.+
Nzule ne mɔ hedale awoka ne mɔ azo.
7 Ɛdeanle bɛ na bɛnriandile;+Wɔ ɛhululɛ ne dede maanle bɛvale anwowosolɛ bɛnriandile
8 —Awoka ne mɔ vole anwuma+ yɛɛ mbɔnza ne mɔ dwule aze—Bɛhɔle ɛleka mɔɔ ɛzieziele ɛmaanle bɛ la.
9 Ɛgyale ɛweɛne ɛmaanle bɛ kɛ bɛmmabɔ ye bɛtɛla,+Amaa bɛangeda azɛlɛ ye azo bieko.
10 Ɔsoa nzubula wɔ mbɔnza ne mɔ anu;Bɛse awoka ne mɔ avinli.
11 Bɛmaa ɛbɔ nu nane kɔsɔɔti nyia nzule no;Ɛbɔ nu asoaso mɔɔ nzuhɔne ɛlɛku ye la nyia bie no.
12 Anwomanyunlu nloma yɛ bɛ sane wɔ zo;Bɛto edwɛne wɔ mbaka ngane ne mɔ avinli.
13 Ɔfi ye anwuma ekpumgbunli ne mɔ anu ɔdoɔloa awoka ne mɔ.+
Wɔ gyima ne mɔ so ma maa azɛlɛ ne ako yi.+
14 Ɔmaa ndile fifi maa nlankɛYɛɛ mbaka fifi maa alesama,+Amaa aleɛ afifi azɛlɛ ne azo
15 Nee nwanye mɔɔ maa sonla ahonle di fɛlɛko,+Nwole mɔɔ maa sonla nyunlu ta,Yɛɛ aleɛ mɔɔ bɔ sonla dasanli ahonle nwo bane la.+
16 Gyihova mbaka ne mɔ ako ɛyi,Lɛbanɔn sida mbaka ne mɔ mɔɔ yelua la,
17 Ɛkɛ ne a nloma yɛ bɛ sane a.
Akoso+ sane wɔ dwunipa mbaka ne mɔ anu.*
18 Awoka ndendenle ne mɔ le awoka zo mbɔnkye+ ɛdeɛ;Bodane ne mɔ le awolɛzopema*+ ɛvealeka.
19 Yeyɛ siane ne kɛ ɔhile mekɛ;Sɛnzɛne ne ze mekɛ mɔɔ ɔfa ɔtɔ la.+
20 Ɛmaa awozinli ba, na aleɛ dwo,+Mekɛ mɔɔ ɛbɔ nu nane kɔsɔɔti kpɔsa la.
21 Awenade ngyikyi* kpo kpondɛ aleɛ+Na bɛkpondɛ bɛ aleɛ bɛfi Nyamenle ɛkɛ.+
22 Saa sɛnzɛne ne finde a,Bɛsia bɛ nzi na bɛkɔdeda bɛ mbɔne ne mɔ anu.
23 Sonla finde kɔyɛ ye gyima,Na ɔyɛ gyima too nɔsolɛ nu.
24 O Gyihova, nea kɛzi wɔ gyima ne mɔ zonle a!+
Ɛvale nrɛlɛbɛ a ɛyɛle bɛ kɔsɔɔti a.+
Mɔɔ wɔyɛ la ɛyi azɛlɛ ye azo tɛkɛɛ.
25 Nyevile ne a la nehane la, ɔle kuma yɛɛ ɔtɛlɛ kpalɛ,Anyewɔzo abɔdeɛ mɔɔ bɛnze bɛ nloa la ɛyi ye tɔ, ngyikyi nee mgbole.+
26 Nuhua a meli dua a,Yɛɛ Lɛveatan*+ mɔɔ ɛbɔle ye kɛ ɔli nwɔhoa wɔ nu la.
27 Bɛ muala bɛkendɛ wɔKɛ ɛbamaa bɛ aleɛ wɔ ye mekɛ nloa.+
28 Mɔɔ ɛfa ɛmaa bɛ la, bɛboɔboa ɔ nloa.+
Saa ɛbuke ɛ sa nu a, bɛnyia ninyɛne mgbalɛ bɛdi bɛ ko yi.+
29 Saa ɛye ɛ nye ɛfea a, bɛyɛ basaa.
Saa ɛdie bɛ ɛnwomenle* ne a, bɛwu na bɛsia bɛkɔ ndɛtɛlɛ nu.+
30 Saa ɛsoa wɔ sunsum ne ɛmaa ɔkɔ a, ɛfa ɛbɔ ninyɛne,+Na ɛmaa azɛlɛ ne azo yɛ fofolɛ.
31 Gyihova anyunlunyia ne badɛnla ɛkɛ ne dahuu.
Gyihova bali fɛlɛko wɔ ye gyima ne mɔ anwo.+
32 Ɔnea azɛlɛ ne, na ɔkpusu;Ɔfa ɔ sa ɔka awoka ne mɔ, na bɛkpu esike.+
33 Mebado edwɛne meamaa Gyihova+ wɔ me ngoane mekɛ kɔsɔɔti anu;Mekɛ tendenle ala mɔɔ mede ngoane nu la, mebado ayɛlɛyelɛ edwɛne meamaa me Nyamenle ne.+
34 Maa me nzuzulɛ ɛzɔ ɔ nye.*
Mebali fɛlɛko wɔ Gyihova anu.
35 Ɛtanevolɛma abo zo baminli azɛlɛ ye azo,Na amumuyɛma ɛnrɛdɛnla ɛkɛ ne bieko.+
Maa menye* Gyihova ayɛlɛ. Bɛye Gyaa* ayɛlɛ!
Ɔbodwɛkɛ
^ Anzɛɛ “me ɛkɛla ɛye.”
^ Hibulu aneɛ nu, “ɔgua nzule ne mɔ azo.”
^ Anzɛɛ “Ɔnrɛkpusu.”
^ Anzɛɛ “azo.”
^ Nane bie mɔɔ bɛle kɛ asoasoa mɔɔ bɛda awolɛ nu la.
^ Anzɛɛ “awenade ngakula mɔɔ anwo yɛ se la.”
^ Nea Edwɛkɛbohilelɛ.
^ Anzɛɛ “sunsum.”
^ Anzɛɛ ɔkola ɔkile, “Maa mɔɔ medwenledwenle nwo wɔ ɔ nwo la ɛyɛ anyelielɛ.”
^ Anzɛɛ “me ɛkɛla ɛye.”
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
