Edwɛne 101:1-8
Devidi edwɛne. Ayɛlɛyelɛ edwɛne.
101 Mebado ɛlɔlɛ kpundii nee pɛlepɛlelilɛ nwo edwɛne.
O Gyihova, wɔmɔ a mebado* ayɛlɛyelɛ edwɛne meamaa wɔ a.
2 Mebayɛ me ninyɛne nrɛlɛbɛ nu na me nwo annyia ngehanleɛ.
Kenlenzu a ɛbara me nwo a?
Mebava ahonle mɔɔ di munli*+ la meadɛnla me sua nu.
3 Menrɛnlea ninyɛne mgbane mgbane* biala.
Mekyi bɛdabɛ mɔɔ bɛtwe bɛ nwo bɛfi mɔɔ le kpalɛ la anwo la nyɛleɛ;+Me nee bɛ ɛnrɛyɛ debie biala.*
4 Ahonle mɔɔ le mɛlɛbɛla la ɛmbikye me;Menrɛlie mɔɔ le ɛtane la menrɛdo nu.*
5 Awie biala mɔɔ fea sɛkye ɔ gɔnwo duma la,+Mebaye ye meavi ɛkɛ.*
Awie biala mɔɔ lɛ adubɛnwo ɛnyelɛ nee anwomemaazo ahonle la,Menrɛkponle ye.
6 Mebanlea nɔhavoma mɔɔ wɔ azɛlɛ ne azo la,Amaa bɛ nee me adɛnla.
Sonla mɔɔ anwo ɛnlɛ ngehanleɛ* la bazonle me.
7 Mɛlɛbɛla sonla biala ɛnrɛdɛnla me sua nu,Yɛɛ adalɛ sonla biala ɛnrɛgyinla me nyunlu.*
8 Nwonlomɔ biala mebaha amumuyɛma kɔsɔɔti mɔɔ wɔ azɛlɛ ne azo la anloa meado nu,*Na meaye ɛtanevolɛma amuala meavi Gyihova suakpole ne azo.+
Ɔbodwɛkɛ
^ Anzɛɛ “mebabɔ.”
^ Anzɛɛ “nɔhalɛ.”
^ Anzɛɛ “ninyɛne mɔɔ nvasoɛ ɛnle zo la.”
^ Anzɛɛ “Menrɛbikye bɛ nyɛleɛ ne anwo.”
^ Hibulu aneɛ nu, “Menrɛnwu mɔɔ le ɛtane la.”
^ Anzɛɛ “Mebahu ye.”
^ Anzɛɛ “dua ye munlililɛ nu.”
^ Hibulu aneɛ nu, “me nye zo.”
^ Anzɛɛ “mebahu bɛ.”
