Edwɛne 10:1-18

  • Gyihova, mɔɔ ɛnlɛ boavolɛ la boavolɛ

    • Amumuyɛma tu bɛ nloa anu kɛ: “Nyamenle ɛnle ɛkɛ” (4)

    • Mɔɔ ɛnlɛ boavolɛ la kɔ Gyihova ɛkɛ (14)

    • “Gyihova le Belemgbunli dahuu” (16)

ל [Lamed] 10  O Gyihova, duzu ati a ɛgyi moamoa ɛ? Duzu ati a ɛfa ɛ nwo ɛfea wɔ anwongyelelɛ mekɛ nu ɛ?+   Anwomemaazo ti, amumuyɛnli ne foa mɔɔ ɛnlɛ boavolɛ la ndinlizo,+Noko maa bɛhye ye wɔ adwenle ɛtane ne mɔɔ ɔbɔ la anu.+   Ɔluakɛ amumuyɛnli fa ye atiakunluwɔzo ɛtane* tu ɔ nwo+Na ɔyila mɔɔ le anyebolo la;*נ [Nun]Ɔmbu Gyihova.   Anwomemaazo ti, amumuyɛnli ɛnyɛ nvedenvedenu;Ye adwenle kɔsɔɔti a le kɛ: “Nyamenle ɛnle ɛkɛ.”+   Debie biala mɔɔ ɔyɛ la wie boɛ,+Noko ɔnde wɔ ndɛnebualɛ ne abo;+Ɔgolo ye kpɔvolɛma kɔsɔɔti anwo.*   Ɔka ye ɔ ti anu* kɛ: “Me nwo ɛnrɛwoso me ɛlɛ;Munzule ɛnrɛdo me ɛlɛ*+Ɔvi awolɛndoazo zo kɔdwu awolɛndoazo zo.” פ [Pe]   Amowa, adalɛ nee nzisi ɛyi ɔ nloa anu tɛkɛɛ;+Ngyegyelɛ nee ɛtane vea ɔ tafinlima abo.+   Ɔkɔ nzia wɔ ɛleka mɔɔ bikye namunamu ne mɔ la;Ɔvi ye feabelɛ ne ɔkɔku mɔɔ edwɛkɛ ɛnle ɔ nwo la.+ ע [Ayin] Ɔgua ɔ nye aze ɔkpondɛ mɔɔ ati anyɛ boɛ la.+   Ɔbu ɔsia wɔ ye feabelɛ ɛkɛ ne kɛ awenade mɔɔ ɛhɔ nzia wɔ kpɔkɛ nu la.+ Ɔbu ɔsia kɛ ɔkye mɔɔ ɛnlɛ boavolɛ la. Ɔkye mɔɔ ɛnlɛ boavolɛ la wɔ ye asawu ne anu na ɔtwe ye ɔkɔ.+ 10  Ɔbɛtɛ mɔɔ ɛnlɛ boavolɛ la ɔmaa ɔgolo ɔgua;Ɔfa ɔ sa anu ɛsesebɛ ne ɔsɔ bɛdabɛ mɔɔ bɛ ti anyɛ boɛ la. 11  Ɔka ye ɔ ti anu* kɛ: “Nyamenle arɛle ɛvi.+ Yeye ɔ nye yedo ahane. Ɔnrɛnwu ye ɛlɛ.”+ ק [Qoph] 12  O Gyihova, dwazo!+ O Nyamenle, maa ɛ sa zo.+ Mmamaa ɛ rɛle fi mɔɔ ɛnlɛ boavolɛ la.+ 13  Duzu ati a amumuyɛnli ne ɛmbu Nyamenle a? Ɔka ye ɔ ti anu* kɛ: “Ɛnrɛmaa menrɛbu nwolɛ mgbonda.” ר [Resh] 14  Noko ɛnwu ngyegyelɛ nee anwongyelelɛ. Ɛkɔ zo ɛnea na ɛdi nwolɛ gyima.+ Wɔ ɛkɛ ne a mɔɔ ati anyɛ boɛ la ba a;+Wɔmɔ a ɛle nrisa boavolɛ a.+ ש [Shin] 15  Bubu amumuyɛnli ne nee ɛtanevolɛ ne asa,+Amaa ɛkpondɛ ye amumuyɛyɛlɛ ne a,Wɔannwu ye bieko. 16  Gyihova le Belemgbunli dahuu.+ Maanle maanle ne mɔ abo zo ɛminli azɛlɛ ne azo.+ ת [Taw] 17  Noko O Gyihova, ɛbadie bɛlɛvoma modolɛ.+ Ɛbazi bɛ ahonle+ na wɔagyele ɛ nzo wɔadie bɛ.+ 18  Ɛbali pɛlepɛle wɔamaa nrisa nee bɛdabɛ mɔɔ bɛsisi bɛ la,+Amaa dasanli mɔɔ de azɛlɛ ɛhye azo la anga bɛ ɛzulolɛ bieko.+

Ɔbodwɛkɛ

Anzɛɛ “mɔɔ ye ɛkɛla kulo la.”
Anzɛɛ ɔkola ɔkile, “Anyebolo sonla yila ɔ nwo.”
Anzɛɛ “Ɔmemaa ɔ nwo zo ɔkile ye kpɔvolɛma amuala.”
Hibulu aneɛ nu, “ye ahonle nu.”
Hibulu aneɛ nu, “Menrɛnwu munzule ɛlɛ.”
Hibulu aneɛ nu, “ye ahonle nu.”
Hibulu aneɛ nu, “ye ahonle nu.”