Dwɔhyua 11:1-23

  • Bɛho bɛva azuamgbole mɔɔ wɔ sɔlɔ la (1-15)

  • Dwɔhyua konimlilɛ ne anwo edwɛkɛ sikalɛ (16-23)

11  Mekɛ mɔɔ Heezɔ Belemgbunli Gyeeben dele mɔɔ ɛzi ala la, ɔdole Meedɔn Belemgbunli+ Dwobabe nee Hyɛmelɔn belemgbunli, Akehyafe belemgbunli,+  arelemgbunli mɔɔ wɔ sɔlɔ awoka ne mɔ azo, bɛdabɛ mɔɔ bɛwɔ Kyenɛlɛte nyiakɛ bɔnza* ne anu, bɛdabɛ mɔɔ bɛwɔ Hyifɛla nee Dɔɔ+ awoka ne mɔ azo wɔ adɔleɛ,  Keenama+ mɔɔ wɔ aduduleɛ nee adɔleɛ, Amɔlema,+ Hɛtema, Pilɛzema, Gyibɛsema mɔɔ wɔ awoka ne mɔ azo yɛɛ Havaema+ mɔɔ wɔ Hɛmɔn+ Boka ne abo wɔ Mezepa azɛlɛ zo la nrɛlaleɛ.  Ɔti bɛvale bɛ ɛlɔne kɔsɔɔti mɔɔ bɛ nwo zonle kɛ ɛnweazo ɛnwea la nee mgbɔnwɔ nee konle ehwili dɔɔnwo kpalɛ bɛrale.  Arelemgbunli ɛhye mɔ amuala liele dole nu kɛ bɛbayia, na bɛrayɛle bɛ azokoɛleɛ wɔ Milɔm nzule ne anloa kɛ bɛ nee Yizilayɛma kaho.  Yemɔti Gyihova zele Dwɔhyua kɛ: “Mmasulo bɛ,+ ɔluakɛ ɛhyema mekɛ zɛhae, mebamaa Yizilayɛma ahu bɛ muala. Bɛbubu bɛ mgbɔnwɔ ne mɔ agyakɛ,+ na bɛva senle bɛyela bɛ konle ehwili ne mɔ.”  Na Dwɔhyua nee ɛlɔne ne kɔsɔɔti hɔle bɛ nwo zo arɛlevilɛ nu wɔ Milɔm nzule ne anloa.  Gyihova vale bɛ wulale Yizilayɛma asa anu+ na bɛlile bɛ nwo zo konim, na bɛvoanle bɛ too bɛhɔdwule Saedɛn Kpole ne+ nee Mezelɛfɔto-meeyem+ yɛɛ Mezepɛ Bɔnza ne mɔɔ wɔ aduduleɛ nehane la, na bɛhunle bɛ hɔkpulale kɛ ko bɔbɔ anga.+  Na Dwɔhyua yɛle bɛ kɛ mɔɔ Gyihova hanle hilele ye la pɛpɛɛpɛ; ɔbubule bɛ mgbɔnwɔ ne mɔ agyakɛ na ɔvale senle ɔyelale bɛ konle ehwili ne mɔ.+ 10  Eza Dwɔhyua ziale ɔ nzi hɔlile Heezɔ azo konim na ɔvale konle dadeɛ ɔhunle zolɛ belemgbunli ne,+ ɔluakɛ dɛba ne ɛnee Heezɔ a le sua titili wɔ arelemgbunlililɛ ɛhye mɔ kɔsɔɔti anu a. 11  Bɛvale konle dadeɛ bɛhunle awie* biala mɔɔ wɔ zolɛ la na bɛzɛkyele bɛ bɔkɔɔ.+ Bɛangyakyi debie biala mɔɔ die ɛnwomenle la wɔ zo.+ Na akee ɔdole senle wɔ Heezɔ azo ɔyelale ye. 12  Dwɔhyua honle vale arelemgbunli ɛhye mɔ azuamgbole kɔsɔɔti na ɔvale konle dadeɛ ɔhunle bɛ arelemgbunli ne mɔ amuala.+ Ɔzɛkyele bɛ bɔkɔɔ,+ kɛ mɔɔ Gyihova sonvolɛ Mosisi hanle la. 13  Noko Yizilayɛma anyela azuamgbole mɔɔ gua awoka zo la anu biala kɛ Heezɔ angome, yemɔ ala a Dwɔhyua yelale ye a. 14  Yizilayɛma vale ninyɛne mɔɔ bɛnyianle ye wɔ azuamgbole ɛhye mɔ azo la nee nyɛmoa.+ Noko bɛvale konle dadeɛ bɛhunle sonla biala hɔkpulale kɛ bɛzɛkyele bɛ muala bɔkɔɔ la.+ Bɛammaa awie biala mɔɔ die ɛnwomenle la anga zolɛ.+ 15  Kɛ mɔɔ Gyihova zele ye sonvolɛ Mosisi la, zɔhane ala a Mosisi zele Dwɔhyua a,+ yɛɛ zɔhane noko ala a Dwɔhyua yɛle a. Debie biala ɛnle ɛkɛ mɔɔ Gyihova hanle hilele Mosisi mɔɔ Dwɔhyua anyɛ a.+ 16  Dwɔhyua vale azɛlɛ ɛhye mɔ amuala, awoka ne mɔ, Nɛgɛbe+ ne kɔsɔɔti, Gohyɛn azɛlɛ ne amuala, Hyifɛla,+ Alaba+ nee Yizilayɛ awoka ne mɔ nee ye Hyifɛla ne,* 17  ɔvi Halake Boka ne mɔɔ kɔ Siyɛ azo, too kɔdwu Beeyale-gaade+ mɔɔ wɔ Lɛbanɔn Bɔnza ne mɔɔ wɔ Hɛmɔn Boka ne+ abo la anu, na ɔhyele bɛ arelemgbunli ne mɔ kɔsɔɔti na ɔhunle bɛ. 18  Dwɔhyua nee arelemgbunli ɛhye mɔ kɔsɔɔti honle hyɛle ekyii. 19  Sua biala nee Yizilayɛma anyɛ anzodwolɛ ngyehyɛleɛ kɛ Havaema mɔɔ wɔ Gebɛyɔn la ala.+ Bɛvale konle a bɛlile mɔɔ ɛha la amuala anwo zo konim a.+ 20  Gyihova a maanle bɛ ahonle yɛle se+ kɛ bɛ nee Yizilayɛma ɛho a, amaa yeazɛkye bɛ mɔɔ anwunvɔnezelɛ biala ɛnle nu a.+ Ɛnee ɔwɔ kɛ bɛbɔ bɛ bo zo kɛ mɔɔ Gyihova hanle hilele Mosisi la.+ 21  Mekɛ zɔhane Dwɔhyua bɔle Anakema+ mɔɔ wɔ awoka ne mɔ azo la abo zo, bɛdabɛ mɔɔ bɛwɔ Hibulɔn, Dibɛ, Enabe yɛɛ Dwuda nee Yizilayɛ awoka ne mɔ kɔsɔɔti azo la. Dwɔhyua zɛkyele bɛ nee bɛ azua ne mɔ bɔkɔɔ.+ 22  Anakenli biala anga Yizilayɛ azɛlɛ zo;+ bɛhale Gaza,+ Gate+ yɛɛ Ahyedɔdo+ ala. 23  Yemɔti Dwɔhyua vale azɛlɛ ne amuala kɛ mɔɔ Gyihova bɔle Mosisi ɛwɔkɛ la,+ na Dwɔhyua vale maanle Yizilayɛma kɛ bɛ agyapadeɛ na ɔhyɛle ɔmaanle bɛ mbusua ne mɔ kɛ bɛ kyɛfoa.+ Na konle anzi azɛlɛ ne azo bieko.+

Ɔbodwɛkɛ

Anzɛɛ “Alaba.”
Anzɛɛ “ɛkɛla.”
Anzɛɛ “ye awoka ngyikyi.”