1 Timote 2:1-15

  • Asɔneyɛlɛ maa menli kɔsɔɔti (1-7)

    • Nyamenle kokye, avinligyinlavolɛ ko (5)

    • Ɛkpɔnedeɛ mɔɔ fɛta menli kɔsɔɔti (6)

  • Adehilelɛ maa mrenyia nee mraalɛ (8-15)

    • Bɛva mɛlɛbɛnwoaze bɛziezie bɛ nwo (9, 10)

2  Mɔɔ limoa la, akee metu bɛ folɛ kɛ bɛva modolɛ, asɔneyɛlɛ, nzɛlɛlɛ mɔɔ bɛyɛ bɛmaa awie mɔ nee moyɛlɛ bɛzɛlɛ bɛmaa menli kɔsɔɔti,  arelemgbunli nee tumivolɛma amuala, amaa yɛava koonwuyɛlɛ nee anzodwolɛ yɛabɔ yɛ ɛbɛla wɔ nyamenlezonlenlɛ kpalɛ nee mɔdenlebɔlɛ kɔsɔɔti anu.  Ɛhye le kpalɛ na ɔsɔ Nyamenle, yɛ Ngoanedievolɛ ne anye,  yemɔ mɔɔ ɔkulo kɛ ɔdie menli kɔsɔɔti na bɛnyia nɔhalɛ ne anwo nɔhalɛ ndelebɛbo la.  Na Nyamenle kokye a wɔ ɛkɛ a, yɛɛ Nyamenle nee menli avinligyinlavolɛ ko, nrenyia bie, yemɔ a le Kelaese Gyisɛse,  mɔɔ vale ɔ nwo maanle kɛ ɛkpɔnedeɛ mɔɔ fɛta ɔmaanle menli kɔsɔɔti la—ɛhye a bɛbali nwolɛ daselɛ wɔ ye mekɛ nloa a.  Daselɛlilɛ ɛhye ati a bɛkpale me edwɛkpakavolɛ nee ɛzoanvolɛ a—melɛka nɔhalɛ, membɔ adalɛ—maanle maanle kilehilevolɛ wɔ diedi nee nɔhalɛ ne anwo.  Yemɔti, mekulo kɛ mrenyia yɛ asɔne wɔ ɛleka biala, na bɛfa nɔhalɛlilɛ bɛmaa bɛ sa zo mɔɔ ɛya nee kpolerazulɛ biala ɛnle nu a.  Zɔhane ala noko a ɔwɔ kɛ mraalɛ fa mɛlɛbɛnwoaze nee adwenle mɔɔ anu la ɛkɛ la* wula adɛladeɛ mɔɔ fɛta a,* tɛ enrinli ɛyɛlɛ ngɛnlɛma nee nvutuke anzɛɛ avikpa anzɛɛ adɛladeɛ mɔɔ ye awolɛ yɛ se la anu, 10  emomu wɔ adenle mɔɔ le kpalɛ maa mraalɛ mɔɔ bɛkile kɛ bɛsonle Nyamenle la azo, kile kɛ, gyima kpalɛ ɛyɛlɛ nu. 11  Mraalɛ ɛyɛ koonwu ɛbɛlɛ bɛ nwo aze bɔkɔɔ ɛzukoa debie. 12  Memmaa raalɛ adenle kɛ ɔhilehile anzɛɛ ɔnyia nrenyia nwo zo tumi, emomu ɔyɛ koonwu. 13  Ɔluakɛ bɛlimoale bɛbɔle Adam kolaa na bɛabɔ Yive. 14  Bieko, tɛ Adam a bɛbɛlɛbɛlale ye a, emomu raalɛ ne a bɛbɛlɛbɛlale ye bɔkɔɔ bɛmaanle ɔdonle mɛla a. 15  Noko, saa ɔkɔ zo ɔtɛnla* diedi nee ɛlɔlɛ nee anwodelɛ nee adwenle mɔɔ anu te la anu* a, ɔlua mralɛ ɛwolɛ ti bɛbabɔ ɔ nwo bane.

Ɔbodwɛkɛ

Anzɛɛ “nrɛlɛbɛ.”
Anzɛɛ “tɛladeɛ mɔɔ kile kɛ bɛbu debie.”
Giliki aneɛ nu, “bɛkɔ zo bɛtɛnla.”
Anzɛɛ “nrɛlɛbɛ nu.”