Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Nyamenle Belemgbunlililɛ a le duzu?

Nyamenle Belemgbunlililɛ a le duzu?

Asoo ɛbaha kɛ ɔle . . .

  • debie wɔ yɛ ahonle nu ɔ?

  • anwuma ɔ?

  • arane wɔ anwuma ɔ?

 MƆƆ BAEBOLO NE KA LA

“Anwuma Nyamenle ne bava belemgbunlililɛ bie azie ɛkɛ mɔɔ bɛnrɛzɛkye ye ɛlɛ a.”Daneɛle 2:44, New World Translation.

“Bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a.”Ayezaya 9:6.

MƆƆ ƆBAHOLA YEAHILE YEAMAA WƆ LA

  • Arane kpalɛ mɔɔ ɔbali wɔ ngyianlɛ nwo gyima.Ayezaya 48:17, 18.

  • Kpɔkɛdelɛ kpalɛ nee anyelielɛ bara ewiade fofolɛ ne mɔɔ ɛlɛba la anu.Yekile 21:3, 4.

 ASOO YƐBAHOLA YƐALIE MƆƆ BAEBOLO NE KA LA YƐALI AMGBA?

Ɛhɛe, ɔlua ninyɛne nwiɔ bie ati:

  • Gyisɛse hilele mɔɔ Nyamenle Belemgbunlililɛ ne bayɛ la. Gyisɛse zele ye ɛdoavolɛma ne kɛ bɛyɛ nzɛlɛlɛ bɛmaa Nyamenle Belemgbunlililɛ ne ɛrɛla na bɛyɛ ye ɛhulolɛdeɛ wɔ azɛlɛ ye azo. (Mateyu 6:9, 10) Gyisɛse hilele kɛzi bɛbabua zɔhane asɔneyɛlɛ ne la.

    Mekɛ mɔɔ Gyisɛse wɔ azɛlɛ ye azo la, ɔmanle menli aleɛ, ɔyɛle wuleravolɛma ayile, na ɔdunwuele mɔwuamra! (Mateyu 15:29-38; Dwɔn 11:38-44) Kɛ Nyamenle Belemgbunlililɛ ne azo Belemgbunli la, Gyisɛse yɛle mɔɔ zɔhane Belemgbunlililɛ ne bayɛ amaa ye maanlema la anwo neazo.Yekile 11:15.

  • Mɔɔ ɛlɛkɔ zo wɔ ewiade la di daselɛ kɛ ɔnrɛhyɛ na Nyamenle Belemgbunlililɛ ne ara. Gyisɛse hanle kɛ saa ɔka ekyii Belemgbunlililɛ ne fa anzondwolɛ ba azɛlɛ ye azo a, konle, ɛhɔne, nee azɛlɛkpusulɛ basisi ewiade.Mateyu 24:3, 7.

    Ɛnɛ, yɛnwu kɛ ninyɛne zɔhane ɛlɛsisi. Yemɔti ɔwɔ kɛ yɛnyia anwo dozo kɛ ɔnrɛhyɛ Nyamenle Belemgbunlililɛ ne baye ngyegyelɛ kɔsɔɔti ɛkɛ.

 DWENLE ƐHYE ANWO

Kɛzi ɛbɛlabɔlɛ bayɛ wɔ Nyamenle Belemgbunlililɛ ne tumi bo ɛ?

Baebolo ne bua zɔhane kpuyia ne wɔ EDWƐNDOLƐ 37:29 nee AYEZAYA 65:21-23.