Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

“Bɛzie Bɛ Nwo Wɔ Nyamenle Ɛhulolɛ Ne Anu”

Buluku ɛhye baboa wɔ yeamaa wɔahɔ zo wɔava Baebolo ngyinlazo wɔayɛ gyima wɔ wɔ ɛbɛlabɔlɛ nu na ɛhye bamaa wɔazie ɛ nwo wɔ Nyamenle ɛhulolɛ ne anu.

Kɛlata Mɔɔ Vi Neazo Eku Ne Ɛkɛ

Gyihova Alasevolɛ Neazo Eku ne si yɛ muala mɔɔ yɛkulo Gyihova la adua kɛ yɛli Gyisɛse mɔɔ ziele ɔ nwo wɔ ɔ Ze ɛhulolɛ ne anu la neazo ne anzi.

TILE 1

Duzu A Nyamenle Mɔɔ Yɛkulo Ye Kile A?

Baebolo ne ka kɛzi ɛbahola wɔahulo Nyamenle la anwo edwɛkɛ sikalɛ.

TILE 2

Kɛ Ɔkɛyɛ Na Wɔanyia Adwenle Kpalɛ Ɛ?

Asoo ɛbahola wɔanyia adwenle mɔɔ anu le wienyi noko ɔnzɔ Nyamenle anye la ɔ?

TILE 3

Kulo Bɛdabɛ Mɔɔ Nyamenle Kulo Bɛ La

Tɛ awie biala a Gyihova fa ye agɔnwolɛ a, ɔyɛ nyeyenu na kɛ yɛdayɛ noko ɔwɔ kɛ yɛyɛ la ɛne.

TILE 4

Duzu Ati A Ɔwɔ Kɛ Yɛbu Menli Mɔɔ Lɛ Tumi La Ɛ?

Ngɛlɛlera ne ka afoa ngakyile nsa mɔɔ Nyamenle kulo kɛ yɛda ɛbulɛ ali yɛkile menli mɔɔ lɛ tumi la.

TILE 5

Twe Ɛ Nwo Fi Ewiade Ne Anwo

Nyamenle Edwɛkɛ ne ka ninyɛne nnu mɔɔ ɔti ɔwɔ kɛ yɛtwe yɛ nwo yɛfi ewiade ne anwo la edwɛkɛ.

TILE 6

Kpa Anyelielɛ Ninyɛne Mɔɔ Anwo Te La

Kpuyia nsa mɔɔ baboa wɔ yeamaa wɔakpa anyelielɛ ninyɛne nrɛlɛbɛ nu la.

TILE 7

Asoo Ɛbu Ngoane Kɛmɔ Nyamenle Bu Ye La?

Asoo dɔɔnwo anwo hyia tɛla awie mɔ ngoane mɔɔ yɛnrɛlie la ɔ?

TILE 8

Nyamenle Kulo Menli Mɔɔ Anwo Te La

Baebolo ne bahola aboa wɔ yeamaa wɔahwe ɛ nwo wɔavi ninyɛne mɔɔ ɔbahola yeamaa ɛ nwo agua evinli wɔ Gyihova anye zo la anwo.

TILE 9

‘Bɛnriandi Nla Nwo Ɛbɛlatane’

Ɛvolɛ biala, Keleseɛnema apenle apenle fa bɛ nwo wula nla nwo ɛbɛlatane nu. Kɛ ɔkɛyɛ ne wɔandɔ ɛhane ɛhye anu ɛ?

TILE 10

Agyalɛ—Ahyɛlɛdeɛ Mɔɔ Vi Ɛlɔlɛ Nyamenle Ɛkɛ

Kɛ ɔkɛyɛ na wɔaziezie ɛ nwo wɔamaa agyalɛ kpalɛ ɛ? Saa wɔgya a, kɛ ɔkɛyɛ na wɔ agyalɛ ne agyinla ɛ?

TILE 11

“Bɛbu Agyalɛ Bie Kpalɛ Kpalɛ”

Kpuyia nsia mɔɔ ɛbava wɔaneɛnlea ɛ nwo nu la baboa wɔ yeamaa wɔ agyalɛ ne anu amia.

TILE 12

“Bɛdendɛ Kɛnlɛma Mɔɔ Maa Sonla Nyia Ngɔzo”

Ɛdendɛlɛ kola maa awie mɔ arɛle bɔ anzɛɛ ɔmaa bɛ anwosesebɛ. Sukoa kɛzi ɛbava ɛdendɛlɛ ahyɛlɛdeɛ ne wɔali gyima kɛmɔ Gyihova kpondɛ la.

TILE 13

Ɛvoyialilɛ Mɔɔ Nyamenle Kyi La

Ɛvoyialilɛ nee ɛnwomenlelielɛ kenle bie mɔ mɔɔ zɔho kɛ bɛsɔ Nyamenle anye noko bɛka ye ɛya la.

TILE 14

Di Nɔhalɛ Wɔ Debie Biala Anu

Kolaa na yɛali nɔhalɛ yɛamaa awie biala la, ɔwɔ kɛ yɛdumoa yɛyɛ ninyɛne bie mɔ.

TILE 15

Maa Ɛ Nye Ɛlie Wɔ Ɛvɛlɛ Nwo

Kpuyia nnu ɛhye anwo mualɛ baboa wɔ yeamaa wɔanwu ye saa ɔwɔ kɛ ɛyɛ gyima bie anzɛɛ ɔnle kɛ ɛyɛ a.

TILE 16

Bɛmmamaa Abɔnsam Nee Ye Agyiba Ne Mɔ Adenle

Yɛdie yɛto nu kɛ Seetan lɛ tumi noko yɛngulo kɛ yɛfa yɛ adwenle yɛ sie zo. Duzu ati ɔ?

TILE 17

‘Bɛnyi Wɔ Bɛ Diedi Nwuanzanwuanza Ne Anu’

Ndenle nsa bahola aboa wɔ yeamaa diedi mɔɔ ɛlɛ wɔ Nyamenle anu la anyi na wɔadɛnla Nyamenle ɛhulolɛ ne anu.

MOKANWO

Kɛzi Yɛyɛ Awie Mɔɔ Bɛdu Ye La

Asoo nwolɛ hyia kɛ yɛ nee menli ɛhye mɔ ɛnrɛnyia abusuabɔlɛ biala ɔ?

MOKANWO

Mekɛ Boni A Raalɛ Keda Ɔ Ti Zo A—Kɛmɔti A Ɔhyia Ɛ?

Baebolo ne maa yɛnwu ninyɛne nsa mɔɔ baboa yɛ yeamaa yɛabua zɔhane kpuyia ne.

MOKANWO

Fɛlɛnra Ahyebizalɛ, Ɛradolɛ, Yɛɛ Maanlezonlenlɛ

Ngɛlɛlera adehilelɛ boni a baboa wɔ yeamaa wɔanyia adwenle mɔɔ anu te wɔ ninyɛne zɛhae mɔ anwo a?

MOKANWO

Mogya Nu Ninyɛne Ngyikyi Ngyikyi Nee Ndenle Mɔɔ Bɛdua Zo Bɛyɛ Apelehyɛne

Saa ɛdua ndenle ekyi bie mɔɔ ɔnyɛ se azo a, ɛbahola wɔagyinla ayileyɛlɛ nu ngyegyelɛ nloa.

MOKANWO

Di Bɛnwobɔlɛ Zo Konim

Kɛzi ɛbali nyɛleɛ ɛtane ɛhye azo ɛ?

MOKANWO

Kɛzi Baebolo Ne Bu Ewolebɔlɛ Nee Agyalɛ Nu Ɛtetelɛ La

Kɛmɔ Baebolo ne ka la, mekɛ ne boni a awie mɔɔ kɛbɔ ewole la lɛ nwolɛ adenle gya bieko a?

MOKANWO

Kɛzi Bɛsiezie Gyima Nu Edwɛkɛ La

Asoo Keleseɛnli bahola ava ɔ diema diedinli ahɔ kɔɔto?