Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 KPUYA 10

Kɛzi Baebolo Ne Bahola Aboa Me Ɛ?

Kɛzi Baebolo Ne Bahola Aboa Me Ɛ?

DEƐMƆTI ƆHYIA LA

Baebolo ne ka kɛ “Bɛfa Nyamenle Sunsum a bɛkɛlɛ Nyamenle Edwɛkɛ ne a.” (2 Temɔte 3:16) Saa ɛhye le nɔhalɛ a, ɛnee Baebolo ne bahola amaa wɔ adehilelɛ mɔɔ ɛhyia nwo la.

BONI A ƐBAYƐ A?

Suzu tɛnlabelɛ ɛhye anwo: David ɛlɛka kale wɔ ɛleka mɔɔ ɔtɛfale ɛkɛ ɛlɛ la. Adenle zo sɛkɛlɛneɛ nee ninyɛne mɔɔ wɔ adenle ne azo la kile kɛ tɛ ɛke ne a ɔwɔ kɛ ɔfa a. David ɛnwu ye kɛ yeminli. Ɔbayɛ kɛ ɔvale adenle mɔɔ anrɛɛ ɔnle kɛ ɔfa zo la wɔ ye adendulɛ ne anu.

Saa ɛdawɔ a ɛle David a, anrɛɛ boni a ɛbayɛ a?

GYINLA NA SUZU NWO!

Ɛlɛ ninyɛne dɔɔnwo mɔɔ ɛbahola wɔayɛ a:

  1. 1. Biza maa bɛhile wɔ adenle ne.

  2. 2. Nea map zo anzɛɛ fa GPS di gyima.

  3. 3. Nyia anwodozo kɛ ɛbanwu adenle ne na kɔ ɛ nyunlu.

Ɔda ali kɛ nsa ne a le debie mɔɔ li awieleɛ bɔkɔɔ mɔɔ ɛbayɛ a.

Mɔɔ to zo nwiɔ ne baboa adɛla mɔɔ limoa la. Ɔluakɛ ɛbahola wɔava map ne anzɛɛ GPS ne mɔɔ baboa wɔ wɔ adendulɛ ne anu la wɔali gyima kɔkpula kɛ ɛbadwu.

Baebolo ne bahola aboa wɔ wɔ adenle ko ne ala azo!

Buluku ɛhye mɔɔ ɛlie duma ɛdɛla buluku biala la bahola

  • aboa wɔ wɔ ngyegyelɛ mɔɔ ɛbayia ye wɔ ɛbɛlabɔlɛ nu la

  • aboa wɔ yeamaa wɔanwu ɛ nwo kpalɛ na wɔayɛ sonla kpalɛ

  • ahile wɔ yeamaa wɔanyia ɛbɛlabɔlɛ kpalɛ mɔɔ tɛla biala

 ƐBƐLABƆLƐ NU KPUYA MGBOLE MƆƆ BƐBUA

Yɛnwu tendɛ ala a, yɛbiza kpuya dɔɔnwo.

  • Duzu ati a amungu ne le buluwu a?

  • Duzu a bɛvale bɛyɛle nwɔlɔra ne mɔ a?

Nzinlii, yɛbɔ ɔ bo yɛbiza kpuya mɔɔ fane ewiade ne anu ninyɛne mɔɔ ɛbɔ yɛ nwo mgbɔlɛka ɛyia la anwo.

Asoo mualɛ ne mɔ wɔ ɛkɛ dɛba wɔ Baebolo ne anu?

Menli dɔɔnwo se nwɔra nee tetedwɛkɛ a wɔ Baebolo ne anu a, bɛse ye mekɛ ɛkpa nwo anzɛɛ ɔ bo ɛdelɛ yɛ se. Noko asoo Baebolo ne a edwɛkɛ wɔ nwo a, anzɛɛ mɔɔ menli ɛde ɛvale Baebolo ne anwo la ɔ? Ɔbahola yeara ye kɛ bɛanga nɔhalɛ bɛangile bɛ ɔ?

Kɛ neazo la, menli suzu kɛ Baebolo ne ka kɛ Nyamenle a ɛlɛnea ewiade ne azo a. Noko kɛ ɔkɛyɛ na ɛhye ayɛ zɔ ɛ? Ewiade ɛhye ati ɛbɔ nu! Nyane nee amaneɛnwunlɛ ngome, anwodolɛ nee ewule, ehyia nee esiane. Duzu ati a Nyamenle mɔɔ lɛ ɛlɔlɛ la bayɛ ɛhye a?

Ɛkulo kɛ ɛnyia mualɛ ne ɔ? Bie a mɔɔ Baebolo ne ka ye wɔ awie mɔɔ di ewiade ne azo la bazi ɛ nwo!

Bie a wɔnwu kɛ folɛdulɛ mɔɔ wɔ brohyua ɛhye anu la gyi Baebolo ne azo. Gyihova Alasevolɛ die to nu kɛ Baebolo ne ala a bahola amaa yɛ adehilelɛ mɔɔ fɛta a. Ɛhye le zɔ ɔluakɛ bɛfa “Nyamenle Sunsum a bɛkɛlɛ Nyamenle Edwɛkɛ ne a, na ɔle kpalɛ ɔmaa nɔhalɛ ne ɛhilehilelɛ, sonla nyunlu ɛhwilɛ, folɛdulɛ.” (2 Temɔte 3:16, 17) Ɔwɔ kɛ ɛneɛnlea tete buluku ɛhye anu!