Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 KPUYA 5

Saa Bɛbɔ Me Apo Wɔ Sukulu Ɛ?

Saa Bɛbɔ Me Apo Wɔ Sukulu Ɛ?

DEƐMƆTI ƆHYIA LA

Kɛzi ɛdi nwolɛ gyima la bahola amaa ninyɛne ayɛ boɛ—anzɛɛ azɛkye.

BONI A ƐBAYƐ A?

Suzu tɛnlabelɛ ɛhye anwo: Thomas ɛngulo kɛ ɔbahɔ sukulu ɛnɛ. Anzɛɛ ɛhyema. Ɔnrɛhɔ bieko. Ɔ bɔle ɔ bo wɔ mekɛ mɔɔ ɔ gɔnwo mɔ hanle ɔ nwo adalɛ edwɛkɛ hilele awie mɔ kɛyɛ siane nsa mɔɔ ɛze ɛhɔ la. Yemɔ maanle ɔnyianle duma ngakyile. Ɔyɛ a, bɛ nuhua bie bɔ ye mbuluku mɔɔ ɔlɛ bɛ ɔ sa nu la gua ye lɔ kɛ asɛɛ yeannwu ye la, anzɛɛ sonla ko vi ekpunli bie anu basuhu ye, noko Thomas kakyi ɔ nwo a, ɔnnwu mɔɔ yɛle la. Anoma mɔɔ apo ɛbɔlɛ ne yɛle kpole. Bɛhɛlɛle edwɛkɛ bie wɔ Yintanɛte ne azo bɛnwunlonwunlanle ye . . .

Saa ɛdawɔ a ɛle Thomas a, anrɛɛ boni a ɛbayɛ a?

GYINLA NA SUZU NWO!

Anyelazo wɔ ɛkɛ! Nɔhalɛ nu, ɛbahola wɔali apo ɛbɔlɛ zo konim mɔɔ ɔnrɛhyia kɛ ɛbaho a. Adenle boni azo?

  •   KOMO Ɛ NWO ZO. Baebolo ne ka kɛ: “Koasea fa ɛya a, ɔye ɔkile, na nrɛlɛbɛvolɛ fa ɛya a, ɔkomo ɔ nwo zo.” (Mrɛlɛbulɛ 29:11) Saa ɛbɔ mɔdenle ɛkomo ɛ nwo zo ɛmaa bɛnwu ye a—menli mɔɔ ɛlɛbɔ wɔ apo ne la asa nu bado.

  • BƐMMADI NZENRALƐ. Baebolo ne ka kɛ: “Saa awie yɛ bɛ ɛtane a, bɛmmadi ye nzenralɛ.” (Wulomuma 12:17) Ɛdi nzenralɛ a ɛbazɛkye edwɛkɛ ne.

  • MMAFA Ɛ NWO ƐKƆTO ESIANE NU. Baebolo ne ka kɛ: “Sonla mɔɔ anye gyi ɔ ti anwo la nwu munzule na ɔtwe ɔ nwo ɔfea.” (Mrɛlɛbulɛ 22:3) Saa ɛyɛ na ɔbayɛ boɛ a, twe ɛ nwo fi menli mɔɔ fa ngyegyelɛ ba nee tɛnlabelɛ mɔɔ bamaa bɛabɔ wɔ apo la anwo.

  • SIEZIE Ɛ NWO MAA MƆƆ Ɛ NYE ƐNLA LA. Baebolo ne ka kɛ: “Nyelebɛnloa bɛtɛɛ maa ɛya dwo.” (Mrɛlɛbulɛ 15:1) Ɛbahola wɔayɛ debie mɔɔ yɛ ɛzelekɛ la. Kɛ neazo la, saa awie mɔ ka kɛ ɛle belane somaa a, ɛbahola wɔamaa ɛ bati zo wɔaha kɛ, “Menyianle ye a anrɛɛ me zo ɛde ekyii!”

  • PƐ NUHUA KƆ. Nora mɔɔ ɛnyia ɛvolɛ 19 la ka kɛ, “Ɛyɛ koonwu na ɛpɛ nu ɛkɔ a ɔkile kɛ wɔnyi yɛɛ ɛ nwo yɛ se tɛla ahenle mɔɔ ɛlɛgyegye wɔ la. Eza ɔkile kɛ ɛlɛ bɛnwozohomolɛ—subane mɔɔ apo ɛbɔlɛma ɛnlɛ bie la.” 2 Temɔte 2:24.

  • NYIA ANWODOZO. Menli mɔɔ bɔ apo la ze bɛdabɛ mɔɔ bɛle sulosulo mɔɔ bɛ nee bɛ ɛnrɛho la. Noko, menli mɔɔ bɔ apo la anu dɔɔnwo asa nu bado saa bɛnwu ye kɛ bɛngola bɛnli ɛ nwo zo konim a.

  • KA KILE AWIE. Awie mɔɔ ɛnee le kilehilevolɛ la ka kɛ: “Meka meahile awie biala mɔɔ bɛlɛbɔ ye apo la kɛ ɔha ɔhile awie. Ɔle debie kpalɛ, yɛɛ ɔnrɛmaa bɛnrɛbɔ awie mɔ gyɛne apo.”

Anwodozo bamaa wɔanyia anwosesebɛ wɔadɛla menli mɔɔ ɛlɛbɔ wɔ apo la