Asoo ɛsuzu kɛ . . .

  • Nyamenle ɔ?

  • alesama ɔ?

  • awie gyɛne bie ɔ?

 MƆƆ BAEBOLO NE KA LA

Amumuyɛnli ne a nea ewiade amuala azo a.—1 Dwɔn 5:19.

“Nyamenle Ara ne rale . . . kɛ ɔbazɛkye Abɔnsam gyima biala mɔɔ yeli la.”—1 Dwɔn 3:8.

MƆƆ ƆBAHOLA YEAHILE YEAMAA WƆ LA

Ɔbamaa wɔade ewiade ngyegyelɛ ne abo kpalɛ.—Yekile 12:12.

Yɛlɛ debie mɔɔ ɔmaa yɛdie yɛdi kɛ yɛ ewiade ne bahakyi ayɛ kpalɛ la.—1 Dwɔn 2:17.

 ASOO YƐBAHOLA YƐALIE MƆƆ BAEBOLO NE KA LA YƐALI AMGBA?

Ɛhɛe, ɔlua ninyɛne nsa bie ati:

  • Bɛbua Seetan tumililɛ ne fɔlɛ. Gyihova ɛzi kpɔkɛ kɛ ɔfa Seetan tumi mɔɔ ɔdi wɔ menli nwo zo la yeara awieleɛ. Yebɔ ɛwɔkɛ kɛ ‘ɔbazɛkye Abɔnsam’ na yeayɛ ninyɛne mɔɔ Seetan ɛzɛkye bɛ la boɛ.—Hibuluma 2:14.

  • Nyamenle ɛkpa Gyisɛse Kelaese kɛ ɔli ewiade ne azo tumi. Gyisɛse ɛnle kɛ ahenle mɔɔ le angomedi na ɔdi ewiade ɛhye azo atisesebɛ nu la. Mɔɔ fane Gyisɛse tumililɛ ne anwo la, Nyamenle ɛbɔ ɛwɔkɛ: “Ɔnwu mɔɔ ɛnlɛ anwosesebɛ nee mɔɔ ɛnlɛ bie la anwunvɔne . . . Ɔdie bɛ ɔfi nzisi nee konle nu; bɛ mogya sonle bolɛ wɔ ɔ nye zo.”—Edwɛndolɛ 72:13, 14.

  • Nyamenle ɛmbɔ adalɛ. Baebolo ne maa ɔda ali kɛ: “Nyamenle ɛnrɛbɔ adalɛ ɛlɛ.” (Hibuluma 6:18) Saa Gyihova bɔ ɛwɔkɛ kɛ ɔbayɛ debie a, ɔyɛ ɔmaa ɔdi munli! (Ayezaya 55:10, 11) “Bɛbadu Seetan mɔɔ sie ɛtane ewiade ɛhye la bɛavi ɛkɛ.”—Dwɔn 12:31.

 DWENLE ƐHYE ANWO

Saa bɛye ahenle mɔɔ sie ewiade ye la bɛfi ɛkɛ a, kɛzi ewiade bayɛ ɛ?

Baebolo ne bua zɔhane kpuyia ne wɔ EDWƐNDOLƐ 37:10, 11 nee YEKILE 21:3, 4.