Asoo ɛbaha kɛ . . .

  • ɛhɛe?

  • kyɛkyɛ?

  • wɔannea a?

 MƆƆ BAEBOLO NE KA LA

‘Menli badwazo ara ngoane nu.’Gyima ne 24:15.

MƆƆ ƆBAHOLA YEAHILE YEAMAA WƆ LA

Saa wɔ alɔvolɛ wu a ɛbanyia arɛlekyekyelɛ.—2 Kɔlentema 1:3, 4.

Ɛbalie ɛ nwo wɔavi ewule nwo ɛzulolɛ nu.—Hibuluma 2:15.

Anyelazo kpalɛ wɔ ɛkɛ kɛ ɛbanwu wɔ alɔvolɛ mɔɔ bɛwu la bieko.—Dwɔn 5:28, 29.

 ASOO YƐBAHOLA YƐALIE MƆƆ BAEBOLO NE KA LA YƐALI AMGBA?

Ɛhɛe, ɔlua ninyɛne nsa bie ati:

  • Nyamenle a bɔle ngoane a. Baebolo ne se Gyihova Nyamenle le “ngoane nzufeanvea.” (Edwɛndolɛ 36:9; Gyima ne 17:24, 25) Ahenle mɔɔ ɔmanle abɔdeɛ biala ngoane la bahola ava awie mɔɔ ɛwu la ngoane amaa ye bieko.

  • Nyamenle dwazole menli wɔ tete ne. Baebolo ne ka menli mɔtwɛ—mrenya, mraalɛ, ngakula nee mgbanyinli mɔɔ bɛdwazole bɛ bɛrale ngoane nu bieko wɔ azɛlɛ ye azo la anwo edwɛkɛ. Bie mɔ wule la bɛangyɛ, noko bɛ nuhua ko lile kenle nna wɔ nla nu!—Dwɔn 11:39-44.

  • Nyamenle kulo kɛ ɔyɛ ye bieko. Gyihova kyi ewule; ɔbu ewule kɛ ɔle kpɔvolɛ. (1 Kɔlentema 15:26) Ɔbali ewule anwo zo konim, na ɔbaye ewule yeavi ɛkɛ ɔlua ewudwazo ne azo. Ɔkulo kɛ menli mɔɔ wɔ ye ngakyelɛ nu amuala la dwazo na bɛtɛnla aze bieko wɔ azɛlɛ ye azo.—Dwobu 14:14, 15.

 DWENLE KPUYIA ƐHYE ANWO

Duzu ati a yɛyɛ mgbanyinli na yɛwu a?

Baebolo ne bua zɔhane kpuyia ne wɔ MƆLEBƐBO 3:17-19 nee WULOMUMA 5:12.