Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 ƐZUKOALƐDEƐ 8

Duzu Ati A Yɛsiezie Yɛ Nwo Yɛkɔ Yɛ Nyianu Ne Mɔ Ɛ?

Duzu Ati A Yɛsiezie Yɛ Nwo Yɛkɔ Yɛ Nyianu Ne Mɔ Ɛ?

Iceland

Mexico

Guinea-Bissau

Philippines

Asoo wɔnwu kɛzi Gyihova Alasevolɛ siezie bɛ nwo kɛnlɛma kɔ debiezukoalɛ la anwo nvoninli wɔ brohyua ɛhye anu? Kɛmɔti a yɛnea yɛ tɛladeɛ nee yɛ nwo ɛziezielɛ boɛ ɛ?

Ɔkile ɛbulɛ ɔmaa yɛ Nyamenle ne. Ɔle nɔhalɛ kɛ Nyamenle ɛnnea kɛzi yɛ nwo de la. (1 Samoɛle 16:7) Noko akee, saa yɛyia nu kɛ yɛsonle ye a, yɛkulo kɛ yɛnyia ɛbulɛ yɛmaa ye nee yɛ gɔnwo mɔ azonvolɛ. Saa yɛlɛkɔ ndɛnebuavolɛ bie anyunlu a, ɔda ali kɛ ɛbulɛ mɔɔ yɛlɛ yɛmaa ye gyinlabelɛ ne la ati, yɛbanlea yɛ anwoziezielɛ ne boɛ. Zɔhane ne ala a kɛzi yɛsiezie yɛ nwo yɛkɔ nyianu ne mɔ la kile kɛzi yɛbu ‘azɛlɛ ye amuala Ndɛnebuavolɛ,’ Gyihova Nyamenle, nee ɛleka mɔɔ yɛsonle ye la.​—Mɔlebɛbo 18:25.

Ɔkile ngyinlazo mɔɔ yɛfa yɛbɔ yɛ ɛbɛla la. Baebolo ne maa Keleseɛnema anwosesebɛ kɛ bɛziezie bɛ nwo “wɔ adenle mɔɔ kile kɛ bɛze deɛ na nyiane wɔ bɛ nye zo la azo.” (1 Temɔte 2:9, 10) Yɛ nwo mɔɔ yɛsiezie ‘wɔ adenle mɔɔ kile kɛ yɛze deɛ’ azo la kile kɛ yɛnrɛwula tɛladeɛ mɔɔ bahwe menli adwenle ara yɛ nwo zo, ɔluakɛ yɛkulo kɛ bɛnwu yɛ, ɔtwehwe nla nwo adwenle anzɛɛ ɔmaa yɛ nwo gua ɛkɛ la. Bieko, ‘nyiane wɔ yɛ nye zo’ a ɔboa ɔmaa yɛwula tɛladeɛ kɛnlɛma mɔɔ edwɛkɛ biala ɛnle nwolɛ la. Ngyinlazo ɛhye mɔ maa awie biala nyia adenle wula tɛladeɛ mɔɔ ɔkulo la. Saa yɛtendɛ kɛnlɛma, yɛda nyɛleɛ nee subane kpalɛ ali a, ɔbamaa nvasoɛ ara “ngilehilelɛ ne mɔɔ fane Nyamenle yɛ Ngoanedievolɛ ne” anwo la azo na “bɛaye Nyamenle ayɛlɛ.” (Taetɛse 2:10; 1 Pita 2:12) Saa yɛsiezie yɛ nwo yɛkɔ yɛ nyianu ne mɔ a ɔka kɛzi awie mɔ bu Gyihova ɛzonlenlɛ ne la.

Mmaka kɛ ɛnlɛ tɛladeɛ kpalɛ la ati ɛnrɛhɔ Belemgbunlililɛ Asalo ɛkɛ. Ɔngyia kɛ yɛwula tɛladeɛ mɔɔ ye bolɛ yɛ se anzɛɛ ɛdwu zo la na yɛahola yɛahɔ ɛkɛ.

  • Kɛzi adenle mɔɔ yɛdua zo yɛsiezie yɛ nwo wɔ mekɛ mɔɔ yɛlɛsonle Nyamenle la anwo hyia ɛ?

  • Ngyinlazo boni a yɛdua zo yɛwula yɛ tɛladeɛ na yɛsiezie yɛ nwo a?