Nyamenle kulo kɛ yɛfa anzondwolɛ nee anyelielɛ yɛtɛnla paladaese azɛlɛ zo dahuu!

Noko bie a ɛbaha kɛ, ‘Kɛzi ɛhye bahola ayɛ zɔ ɛ?’ Baebolo ne ka kɛ Nyamenle Belemgbunlililɛ ne bamaa yeayɛ zɔ, na Nyamenle kulo kɛ awie biala sukoa zɔhane Belemgbunlililɛ ne nee ye bodane ne anwo debie.​—Edwɛndolɛ 37:11, 29; Ayezaya 9:7.

Nyamenle kulo kɛ yɛ nye die.

Kɛmɔ selɛ kpalɛ kulo ɔ mra boɛ la, zɔhane ala a yɛ anwuma Selɛ ne kulo kɛ yɛ nye die dahuu a. (Ayezaya 48:17, 18) Yebɔ ɛwɔkɛ kɛ “sonla ne mɔɔ yɛ Nyamenle ɛhulolɛdeɛ la de aze dahuu.”​—1 Dwɔn 2:17.

Nyamenle kulo kɛ yɛdua ye ndenle ne mɔ anu.

Baebolo ne ka kɛ yɛ Bɔvolɛ ne kulo kɛ ɔkilehile “yɛ ye ndenle ne mɔ” amaa yɛahola “yɛalua ye ndenle ne mɔ anu.” (Ayezaya 2:2, 3) Yeyɛ ngyehyɛleɛ ‘yeye menli’ yemaa ye duma kɛ bɛmaa bɛnwu ye ɛhulolɛdeɛ wɔ ewiade amuala.​—Gyima ne 15:14.

Nyamenle kulo kɛ yɛbɔ nu yɛsonle ye.

Gyihova nɔhalɛ ɛzonlenlɛ ne ɛnzɛkye menli avinli, emomu, ɔka menli ɔbɔ nu wɔ nɔhalɛ ɛlɔlɛ nu. (Dwɔn 13:35) Nwane mɔ a ɛlɛkilehile mrenya nee mraalɛ mɔɔ wɔ ɛleka biala ɛnɛ la kɛzi bɛfa koyɛlɛ bɛsonle Nyamenle la ɛ? Yɛkulo kɛ ɛdua brohyua ɛhye azo ɛnwu bɛ.