Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 ƐZUKOALƐDEƐ 7

Kɛzi Yɛyɛ Yɛ Nyianu Ne Mɔ Ɛ?

Kɛzi Yɛyɛ Yɛ Nyianu Ne Mɔ Ɛ?

New Zealand

Japan

Uganda

Lithuania

Ɛnee alumua Keleseɛnema yia nu to edwɛne, bɛyɛ asɔne, bɛkenga Ngɛlɛlera ne na bɛsuzu nwolɛ​—mɔɔ bɛnva amaamuo biala bɛmboka nwo a. (1 Kɔlentema 14:26) Ɛ nye bahola ala kɛ ɛbanwu deɛ ko ne ala wɔ yɛ nyianu ne mɔ abo.

Ngilehilelɛ ne gyi Baebolo ne azo yɛɛ ɔfɛta. Wɔ dapɛne awieleɛ, asafo biala yia nu na bɛtie mitini 30 Baebolo ɛdendɛlɛ mɔɔ kile kɛzi Ngɛlɛlera ne ka yɛ ɛbɛlabɔlɛ nee mekɛ mɔɔ yɛde nu anwo edwɛkɛ la. Bɛmaa yɛ muala yɛbuke yɛ Baebolo ne na yɛdi ɔ nzi. Bɛmaa ɛdendɛlɛ ne bɛwie a, bɛfa dɔnehwele ko bɛyɛ “Ɛzinzalɛ Arane” Ɛzukoalɛ ne, mɔɔ bɛmaa asafo ne anu amra ka Ɛzinzalɛ Arane ne mɔɔ bɛlɛsukoa anwo edwɛkɛ la. Edwɛkɛ ɛhye mɔɔ yɛsuzu nwolɛ la boa maa yɛfa Baebolo ne anu adehilelɛ yɛbɔ yɛ ɛbɛla. Bɛsukoa edwɛkɛ ko ne ala wɔ asafo mɔɔ bo 110,000 la anu wɔ ewiade amuala.

Bɛboa bɛmaa yɛkilehile kpalɛ. Eza yɛyia nɔsolɛ nu wɔ dapɛne ne avinli yɛyɛ debiezukoalɛ mɔɔ wɔ nu nsa mɔɔ bɛfɛlɛ ye Yɛ Kilisiene Ɛbɛlabɔlɛ Nee Yɛ Ɛzonlenlɛ mɔɔ gyi siane ne anu Yɛ Ɛbɛlabɔlɛ Nee Yɛ Ɛzonlenlɛ Nyianu Buluku ne azo la. Debizukoalɛ ne foa mɔɔ limoa, Nyamenle Edwɛkɛ Ne Azo Nvasoɛ, boa yɛ maa yɛnwu Baebolo ne foa bie mɔɔ asafo ɛlimoa ɛgenga la anu edwɛkɛ kpalɛ. Mɔɔ doa ye la a le Yɛ Daselɛlilɛ Gyima Ne Kpalɛ, na kɛzi yɛ nee awie mɔɔ bazukoa Baebolo ne la anwo yɛkile wɔ nu. Folɛtuvolɛ bie maa yɛnwu ninyɛne mɔɔ ɔbaboa yɛ yeamaa yɛanyia anyuhɔlɛ wɔ ɛgengalɛ nee ɛdendɛlɛ nu la. (1 Temɔte 4:13) Foa mɔɔ li awieleɛ, Yɛ Kilisiene Ɛbɛlabɔlɛ, maa yɛnwu kɛzi yɛbava Baebolo ngyinlazo yɛabɔ yɛ ɛbɛla alehyenlɛ biala la. Foa ɛhye le kpuya nee mualɛ mɔɔ maa yɛte Baebolo ne abo kpalɛ la.

Saa ɛkɔ yɛ nyianu ne mɔ bie a, ɔda ali kɛ ɛ nye balie Baebolo nu ngilehilelɛ kpalɛ mɔɔ ɛbanyia la anwo.​—Ayezaya 54:13.

  • Duzu a ɛ nye la kɛ ɛbade wɔ Gyihova Alasevolɛ nyianu bo a?

  • Yɛ dapɛne biala debiezukoalɛ ne boni a ɛkulo kɛ ɛkɔ bie a?