Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 ƐZUKOALƐDEƐ 5

Duzu A Ɛbanwu Ye Wɔ Yɛ Keleseɛne Nyianu Bo A?

Duzu A Ɛbanwu Ye Wɔ Yɛ Keleseɛne Nyianu Bo A?

Argentina

Sierra Leone

Belgium

Malaysia

Menli dɔɔnwo ɛgyakyi asɔnehɔlɛ ɔluakɛ bɛnnyia sunsum nu adehilelɛ nee arɛlekyekyelɛ wɔ ɛkɛ. Ɛnee, duzu ati a ɔwɔ kɛ ɛkɔ Keleseɛne nyianu mɔɔ Gyihova Alasevolɛ yɛ la bie ɛ? Duzu a ɛbanwu ye wɔ ɛkɛ a?

Ɛ nye balie kɛ ɛboka menli mɔɔ lɛ ɛlɔlɛ na bɛdwenle menli nwo la anwo.  Wɔ ɛvoya ne mɔɔ lumua la anu, bɛhyehyɛle Keleseɛnema wɔ asafo ngakyile nu, na ɛnee bɛyia nu bɛsonle Nyamenle, bɛsukoa Ngɛlɛlera ne na bɛmaa bɛ nwo anwosesebɛ. (Hibuluma 10:24, 25) Kɛmɔ bɛyia nu a ɛlɔlɛ wɔ bɛ avinli la ati, ɛnee bɛte nganeɛ kɛ bɛ nee bɛ gɔnwo mɔ kpalɛ​—bɛ sunsum nu mediema a wɔ a. (2 Tɛsalonaekama 1:3; 3 Dwɔn 14) Yɛdi bɛ neazo ne anzi na yɛnyia anyelielɛ ko ne ala bie.

Ɔboa yɛ ɔmaa yɛsukoa kɛzi bɛfa Baebolo ngyinlazo bɛdi gyima la. Kɛmɔ ɛnee ɔde wɔ Baebolo mekɛ zo la, mrenya, mraalɛ nee ngakula kɔsɔɔti yia nu. Kilehilevolɛma mɔɔ bɔ mɔdenle la dua Baebolo ne azo boa yɛ maa yɛnwu kɛzi yɛbava ye ngyinlazo ne yɛabɔ yɛ ɛbɛla alehyenlɛ biala la. (Mɛla ne 31:12; Nihɛmaya 8:8) Yɛ muala yɛkola yɛfa yɛ nwo yɛwula tievolɛma adawubɔlɛ nee edwɛnedolɛ nu, na yɛfa yɛda yɛ Keleseɛne anyelazo ne ali.​—Hibuluma 10:23.

Ɔmaa yɛnyia diedi kpole wɔ Nyamenle anu. Ɛzoanvolɛ Pɔɔlo hanle hilele ye mekɛ zo asafo ne mɔ ko kɛ: ‘Mekulo kɛ mebakpɔla bɛ amaa bɛ diedi amaa me anwosesebɛ na me diedi amaa bɛ diedi anyi.’ (Wulomuma 1:11, 12) Wɔ nyianu ngakyile ne mɔ abo, mediema mɔɔ yɛ nee bɛ di adwelie dahuu la maa yɛ diedi nee kpɔkɛ mɔɔ yɛbɔ kɛ yɛfa Keleseɛne ngyinlazo yɛabɔ yɛ ɛbɛla la anu mia.

Duzu ati a ɛnlie ɛsalɛdolɛ ɛhye ɛndo nu na ɛmba yɛ asafo debiezukoalɛ bieko abo amaa ɛdawɔ mumua ne wɔanwu ninyɛne ɛhye mɔ ɛ? Bɛbalie wɔ kɛnlɛma. Bɛndua ɛhwee wɔ nyianu biala anwo​—bɛnlielie ezukoa wɔ ɛkɛ.

  • Neazo boni a yɛfa yɛyɛ yɛ asafo debiezukoalɛ ne a?

  • Kɛzi yɛkɔ Keleseɛne nyianu a ɔboa yɛ ɛ?