Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 Ɛzukoalɛdeɛ 25

Belemgbunlililɛ Asalo—Deɛmɔti Nee Kɛzi Bɛsi Ye La?

Belemgbunlililɛ Asalo—Deɛmɔti Nee Kɛzi Bɛsi Ye La?

Bolivia

Nigeria, dɛba ne yɛɛ mɔɔ bɛzi bɛwie

Tahiti

Kɛmɔ duma Belemgbunlililɛ Asalo kile la, Baebolo ngilehilelɛ titile mɔɔ bɛyɛ ye wɔ ɛkɛ la twe adwenle kɔ Nyamenle Belemgbunlililɛ ne azo​—edwɛkɛtile mɔɔ ɛnee Gyisɛse ɛzonlenlɛ gyima ne gyi zo la.​—Luku 8:1.

Ɛkɛ ne a nɔhalɛ ɛzonlenlɛ kɔ zo a. Ɛkɛ ne a bɛyɛ Belemgbunlililɛ edwɛkpa ne nolobɔlɛ nwo ngyehyɛleɛ a. (Mateyu 24:14) Asolo kɛzi Belemgbunlililɛ Asalo biala kpole nee kɛzi bɛyɛ ye de la, noko bɛyɛ biala ekyi kɛnlɛma mɔɔ asafo dɔɔnwo kola yia wɔ nu a. Kenlensa ye yɛsisi Belemgbunlililɛ Asalo dɔɔnwo (bɛkyehyɛ nu a yɛsi nnu alehyenlɛ biala) amaa yɛ asafo ne mɔ mɔɔ ɛlɛso la anyia ɛleka ayia. Kɛzi yɛkola yɛyɛ ɛhye ɛ?​—Mateyu 19:26.

Ndoboa mɔɔ bɛye la a bɛfa bɛsi a. Bɛfa ndoboa ɛhye mɔ kɔsɔɔti bɛnwa ɔfese ne amaa bɛava ezukoa ne bɛamaa asafo mɔɔ bɛkulo kɛ bɛsi anzɛɛ bɛsiezie Belemgbunlililɛ Asalo bie la.

Menli mɔɔ vi ɛleka ngakyile mɔɔ tu bɛ nwo maa mɔɔ bɛndua bɛ kakɛ la a si a. Wɔ maanle dɔɔnwo anu, bɛlɛ Belemgbunlililɛ Asalo Ɛsisilɛ Ekpunli ngakyile. Suazilɛ azonvolɛ ekpunli nee menli mɔɔ ɛdu bɛ nwo ɛmaa la vi asafo ko anu kɔ fofolɛ nu wɔ maanle bie anu, bɛkɔ namunamu nu bɔbɔ, na bɛboa asafo mɔɔ wɔ ɛkɛ ne la bɛmaa bɛsi bɛ Belemgbunlililɛ Asalo. Wɔ maanle bie mɔ anu, bɛkpa Alasevolɛ mɔɔ fɛta la bɛmaa bɛnea suazilɛ nee Belemgbunlililɛ Asalo boɛyɛlɛ zo wɔ maanzinli bie anu. Menli dɔɔnwo mɔɔ ze suazilɛ nye zo kpalɛ la tu bɛ nwo maa wɔ sua biala ɛzilɛ nu ɛdeɛ, noko asafo ne anu amra a tu bɛ nwo maa na bɛyɛ gyima dɔɔnwo a. Gyihova sunsum ne nee mɔdenle mɔɔ ye menli fi ɛkɛla muala nu bɔ la maa ɛhye mɔ amuala yɛ boɛ.​—Edwɛndolɛ 127:1; Kɔlɔsaema 3:23.

  • Kɛmɔti a bɛfɛlɛ ɛleka mɔɔ yɛsonle la Belemgbunlililɛ Asalo ɛ?

  • Kɛzi yɛkola yɛsi Belemgbunlililɛ Asalo wɔ ewiade amuala ɛ?