Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 ƐZUKOALƐDEƐ 9

Adenle Kpalɛ Boni A Yɛdua Zo Yɛsiezie Yɛ Nwo Yɛmaa Nyianu Ne Mɔ A?

Adenle Kpalɛ Boni A Yɛdua Zo Yɛsiezie Yɛ Nwo Yɛmaa Nyianu Ne Mɔ A?

Cambodia

Ukraine

Saa ɛ nee Gyihova Alasevolɛ ne mɔ anu ko ɛlɛsukoa Baebolo ne a, ɔda ali kɛ ɛbɔ mɔdenle ɛdumua ɛneɛnlea debiezukoalɛ ko biala anu. Ɔbaboa kpalɛ kɛ ɛbayɛ ye zɔ kolaa na wɔahɔ debiezukoalɛ. Saa dahuu yɛyɛ zɔ a debie kpalɛ fi nu ba.

Nwu mekɛ nee ɛleka mɔɔ ɛbazukoa la. Mekɛ boni a ɛbahola wɔazukoa debie kpalɛ a? Nwonlomɔ mangyee, kolaa na wɔabɔ alehyenlɛ ne anu gyima bo, anzɛɛ nɔsolɛ nu mɔɔ ngakula ne mɔ ɛhɔla la ɔ? Saa ɛnrɛhola ɛnrɛzukoa debie mekɛ tendenle bɔbɔ a, si mekɛ dodo mɔɔ ɛbahola wɔava wɔazukoa debie la anwo kpɔkɛ, na bɔ mɔdenle kɛ debie biala ɛnrɛzɛkye wɔ mekɛ. Kpondɛ ɛleka mɔɔ le koonwu la na ye debie biala mɔɔ bahola ahwehwe wɔ adwenle mɔɔ le kɛ riledio, tɛlevihyɛne yɛɛ moba la fi ɛkɛ. Ɛdumua ɛyɛ asɔne na wɔazukoa debie a ɔbamaa alehyenlɛ ne anu adwenledwenle avi ɛ nwo zo amaa wɔahola wɔava wɔ adwenle wɔazie Nyamenle Edwɛkɛ ne azo.​—Felepaema 4:6, 7.

Pepɛ edwɛkɛ ne abo, na siezie ɛ nwo kɛ ɛbamaa mualɛ. Dumua nea kɛ ɛbade edwɛkɛ ne kɔsɔɔti abo. Dwenle edwɛkɛtile ne anwo, suzu kɛzi tile ekyi ko biala fane edwɛkɛtile ne anwo la, na suzu nvoninli nee ndinu kpuyia ne mɔ mɔɔ si edwɛkɛ titile mɔɔ wɔ nu azo la anwo. Akee kenga ɛdendɛkpunli ko biala na kpondɛ kpuyia ne anwo mualɛ. Kenga ngɛlɛlera mɔɔ bɛanga nwolɛ edwɛkɛ wɔ nu la, na suzu kɛzi ɔboa ɔmaa edwɛkɛ ne anu da ɛkɛ la anwo. (Gyima ne 17:11) Saa ɛnwu kpuyia ne mualɛ a, pɛ edwɛkɛ agbɔkɛ ekyi anzɛɛ ɛdendɛfoa mɔɔ wɔ ɛdendɛkpunli ne anu mɔɔ baboa wɔ yeamaa wɔahakye mualɛ ne la abo. Akee, saa ɛkɔ debiezukoalɛ a, ɛbahola wɔamaa ɛ sa zo na wɔava wɔ edwɛkɛ wɔamaa mualɛ sikalɛ.

Saa ɛsuzu ninyɛne ngakyile mɔɔ bɛsukoa ye dapɛne biala wɔ nyianu ne mɔ abo la anwo a, ɛbanwu ninyɛne fofolɛ wɔaboka wɔ Baebolo ne anu ndelebɛbo “gya” ne anwo.​—Mateyu 13:51, 52.

  • Duzu a dahuu ɛbahola wɔayɛ wɔava wɔaziezie ɛ nwo wɔamaa nyianu ne mɔ a?

  • Kɛ ɔkɛyɛ na wɔaziezie ɛ nwo kɛ ɛbamaa mualɛ wɔ debiezukoalɛ bo ɛ?