Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 ƐZUKOALƐDEƐ 15

Duzu Ati A Ɔwɔ Kɛ Ɛtoa Zo A?

Duzu Ati A Ɔwɔ Kɛ Ɛtoa Zo A?

1. Saa ɛkɔ zo ɛsukoa Baebolo ne a, duzu nvasoɛ a ɛbanyia a?

Baebolo nu mɔlebɛbo ngilehilelɛ mɔɔ yɛzuzu nwolɛ ekyii la ɛmaa wɔnyia Gyihova anwo ɛlɔlɛ. Noko ɔwɔ kɛ ɛyɛ debie mɔɔ bamaa ɛlɔlɛ ɛhye anu ayɛ se kpalɛ a. (1 Pita 2:2) Kyesɛ ɛkɔ zo ɛsukoa Nyamenle Edwɛkɛ ne, ɛbikye Ye na wɔanyia dahuu ngoane.Kenga Dwɔn 17:3; Dwuudu 21.

Mekɛ mɔɔ Nyamenle anwo ndelebɛbo ɛlɛso la wɔ diedi ne anu bayɛ se. Diedi baboa wɔ yeamaa wɔayɛ mɔɔ sɔ Nyamenle anye la. (Hibuluma 11:1, 6) Ɔbamaa wɔanlu ɛ nwo na wɔayɛ nzenzaleɛ wɔ wɔ ɛbɛlabɔlɛ nu.Kenga Gyima ne 3:19.

2. Kɛzi Nyamenle anwo ndelebɛbo ɛhye baboa awie mɔ ɛ?

Ɛbahola ɛ nee Gyihova anyia abusuabɔlɛ titile

Ɛbahulo kɛ ɛbaha mɔɔ wɔzukoa la wɔahile awie mɔ—yɛte edwɛkɛ fɛlɛko a yɛka yɛkile awie mɔ. Ɛlɛsukoa Baebolo ne la, ɛbanwu kɛzi bɛgyinla Baebolo ne azo bɛka Gyihova anu diedi nee edwɛkpa ne anwo edwɛkɛ bɛkile awie mɔ la.Kenga Wulomuma 10:13-15.

Menli dɔɔnwo bɔ ɔ bo a, bɛka edwɛkpa ne bɛkile bɛ gɔnwo mɔ nee bɛ mbusuafoɔ. Fa nrɛlɛbɛ di gyima. Mmaka kɛ bɛ ɛzonlenlɛ ne le adalɛ, emomu ka Nyamenle ɛwɔkɛ ne mɔ anwo edwɛkɛ kile bɛ. Eza kakye kɛ menli anye balie wɔ nyɛleɛ kpalɛ ne anwo adɛla mɔɔ ɛka la.Kenga 2 Temɔte 2:24, 25.

3. Agɔnwolɛvalɛ boni a ɛbahola ɛ nee Nyamenle anyia a?

Saa ɛsukoa Nyamenle Edwɛkɛ ne a ɛbanyi wɔ sunsum nu. Nzinlii, ɛbahola ɛ nee Gyihova anyia abusuabɔlɛ titile. Ɛbahola wɔayɛ Ye ɛdeɛ na wɔaboka ye abusua ne anwo.Kenga 2 Kɔlentema 6:18.

 4. Kɛ ɔkɛyɛ na wɔahɔ zo wɔanyia anyuhɔlɛ ɛ?

Saa ɛkɔ zo ɛsukoa Nyamenle Edwɛkɛ ne a ɛbanyia anyuhɔlɛ wɔ sunsum nu. (Hibuluma 5:13, 14) Maa Gyihova Alasevolɛ ne mɔ anu ko nee wɔ ɛlua Duzu A Baebolo Ne Kola Kilehile Yɛ A? buluku ne azo ɛzukoa Baebolo ne. Saa ɛkɔ zo ɛsukoa Nyamenle Edwɛkɛ ne a yɛɛ wɔ ɛbɛlabɔlɛ bawie wɔ boɛ a.Kenga Edwɛndolɛ 1:1-3; 73:27, 28.

Edwɛkpa ne vi Gyihova, anyelielɛ Nyamenle ne ɛkɛ. Twe bikye Nyamenle menli ne na dua zo bikye ye. (Hibuluma 10:24, 25) Saa ɛbɔ mɔdenle ɛyɛ mɔɔ sɔ Gyihova anye a, ɛbanyia nɔhalɛ ngoane ne—dahuu ngoane. Nyamenle mɔɔ ɛtwe wɔabikye ye la sonle bolɛ tɛla debie biala.Kenga 1 Temɔte 1:11; 6:19.