Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

FOA 7

Gyisɛse Ewudwazo Ne Kɔdwu Pɔɔlo Efiadelalɛ

Gyisɛse Ewudwazo Ne Kɔdwu Pɔɔlo Efiadelalɛ

Bɛdwazole Gyisɛse wɔ ye ewule ne anzi kenle mɔɔ tɔ zo nsa ne la azo. Wɔ zɔhane kenle ne ɔyele ɔ nwo ɔhilele ye ɛdoavolɛma ne fane nnu. Gyisɛse hɔle zo yele ɔ nwo hilele bɛ kenle 40. Akee wɔ mekɛ mɔɔ ye ɛdoavolɛma ne bie mɔ anye gyi ɔ nwo la, Gyisɛse vole hɔle anwuma. Ye kenle bulu anzi Nyamenle manle sunsum nwuanzanwuanza rale Gyisɛse ɛdoavolɛma ne mɔɔ ɛnee ɛlɛkendɛ wɔ Gyɛlusalɛm la anwo zo.

Nzinlii, Nyamenle kpɔvolɛma manle bɛvale ɛzoanvolɛma ne bɛguale efiade, noko anwumabɔvolɛ bie yele bɛ vile ɛkɛ ne. Dwazotiama zile ɛdoavolɛ Sitivin awolɛ hunle ye. Na yɛnwu kɛzi Gyisɛse kpale dwazotiama ɛhye mɔ anu ko manle ɔrayɛle ye sonvolɛ titile, na bɛravɛlɛle ye ɛzoanvolɛ Pɔɔlo. Akee, wɔ Gyisɛse ewule ne anzi ɛvolɛ nsa nee foa, Nyamenle zoanle ɛzoanvolɛ Pita kɛ ɔhɔha edwɛkɛ ne ɔhile Kɔnileɛse nee ye sua nu amra mɔɔ bɛnle Dwuuma la.

Kɛyɛ ɛvolɛ 13 anzi yɛɛ Pɔɔlo bɔle ye edwɛkɛhanlɛ adendulɛ mɔɔ lumua la abo a. Temɔte bokale Pɔɔlo anwo wɔ ye adendulɛ mɔɔ tɔ zo nwiɔ la anu. Yɛnwu kɛzi Pɔɔlo nee ɔ gɔnwo mɔ adenduvoma nyianle mekɛ kpalɛ dɔɔnwo wɔ Nyamenle ɛzonlenlɛ nu la. Awieleɛ kolaa ne, bɛdole Pɔɔlo efiade wɔ Wulomu. Ye ɛvolɛ nwiɔ anzi bɛgyakyile ye, noko akee bɛhyele ye bɛdole efiade bieko na bɛhunle ye. Edwɛkɛ ne mɔɔ wɔ Foa NSUU ne la zile wɔ mɔɔ bo ɛvolɛ kɛyɛ 32 la anu.

 

WƆ FOA ƐHYE

EDWƐKƐ 102

Gyisɛse De Aze

Mekɛ mɔɔ anwumabɔvolɛ bie hundole bolɛ ne vile nla ne anloa la, sogyama ne ahonle dule wɔ mɔɔ bɛnwunle ye la anwo.

EDWƐKƐ 103

Ɔhɔle Sua Mɔɔ Bɛdo Nu La Anu

Duzu ati a bɛdwazole Gyisɛse la ye ɛdoavolɛma ne anwu ye a?

EDWƐKƐ 104

Gyisɛse Sia Ahɔ Anwuma

Kolaa na Gyisɛse ahɔ anwuma la, ɔmanle ye ɛdoavolɛma ne mɛla bie.

EDWƐKƐ 105

Bɛlɛkendɛ Wɔ Gyɛlusalɛm

Duzu ati a Gyisɛse wolale sunsum nwuanzanwuanza ne guale ɛdoavolɛma ne anwo zo wɔ Pɛntekɔso ɛ?

EDWƐKƐ 106

Bɛyɛ Bɛ Bɛvi Efiade

Dwuu ɛzonlenlɛ mgbanyima ne mɔ vale ɛdoavolɛ ne mɔ guale efiade amaa bɛagyakyi edwɛkɛhanlɛ ne, noko ɛnee Nyamenle lɛ adwenle ngakyile.

EDWƐKƐ 107

Bɛzi Sitivin Awolɛ

Mɔɔ bɛlɛsi Sitivin awolɛ la ɔyɛle nzɛlɛlɛ bie mɔɔ le ngakyile la.

EDWƐKƐ 108

Wɔ Damasekɛse Adenle Ne Azo

Wienyi bie mɔɔ manle Sɔɔlo anye zile la nee ɛnelɛ bie manle ɔhakyile ye ɛbɛlabɔlɛ.

EDWƐKƐ 109

Pita Kpɔla Kɔnileɛse

Asoo Nyamenle bu menli mɔɔ vi maanle bie anu la kɛ bɛle kpalɛ bɛtɛla maanle gyɛne ɔ?

EDWƐKƐ 110

Temɔte—Pɔɔlo Boavolɛ Fofolɛ

Temɔte vile sua nu na ɔ nee Pɔɔlo dule adenle hɔhanle edwɛkɛ ne.

EDWƐKƐ 111

Kpavolɛ Bie Mɔ Lafele La

Yutekɛse lale wɔ mekɛ Pɔɔlo ɛlɛmaa ye ɛdendɛlɛ mɔɔ lumua la noko yɛanla wɔ ɛdendɛlɛ ne mɔɔ tɔ zo nwiɔ ne la. Mɔɔ zile wɔ ɛdendɛlɛ nwiɔ ɛhye avinli la yɛ nwanwane.

EDWƐKƐ 112

Ɛlɛne Ne Nwenle Wɔ Bɔra Bie Azo

Wɔ mekɛ mɔɔ ɛnee anyelazo kɔsɔɔti ɛwie la, Nyamenle hanle edwɛkɛ bie hilele Pɔɔlo mɔɔ manle ɔnyianle anyelazo a.

EDWƐKƐ 113

Pɔɔlo Wɔ Wulomu

Kɛ ɔkɛyɛ na Pɔɔlo ayɛ edwɛkɛhanlɛ gyima ne wɔ mekɛ mɔɔ ɔla efiade la ɛ?