Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

Foa 6 Mukenye

Foa 6 Mukenye

Mɔɔ Yizilayɛma dwule Ɛwɔkɛ Azɛlɛ ne azo la, ɛdanlɛsua ne a yɛle ɛleka mɔɔ ɛnee nɔhalɛ ɛzonlenlɛ kɔ zo wɔ ɛkɛ a. Ɛsɔfoma hilehilele Mɛla ne yɛɛ ndɛnebuavolɛma hilele maanle ne adenle. Foa ɛhye maa yɛnwu kɛzi awie kpɔkɛzilɛ nee ye nyɛleɛ kola ka awie mɔ la. Ɛnee Yizilayɛnli biala lɛ ɛzonlelilɛ wɔ Gyihova nee ɔ gɔnwo sonla anyunlu. Maa ɔnwu kɛzi Dɛbola, Nawome, Dwɔhyua, Hana, Gyɛfeta ara raalɛ ne yɛɛ Samoɛle boale bɛ menli ne mɔ la. Si zo kɛ Releehabe, Wulutu nee Gyeeyɛle mɔɔ bɛnle Yizilayɛma bɔbɔ la hɔle Yizilayɛma afoa ɔluakɛ ɛnee bɛze kɛ Nyamenle nee bɛ lua.

WƆ FOA ƐHYE

ƐZUKOALƐDEƐ 29

Gyihova Kpale Dwɔhyua

Nyamenle maanle Dwɔhyua adehilelɛ mɔɔ bahola aboa yɛdayɛ noko ɛnɛ a.

ƐZUKOALƐDEƐ 30

Releehabe Vale Busiama Ne Veale

Gyɛleko bane ne dele guale. Noko Releehabe sua ne mɔɔ zua bane la ande angua.

ƐZUKOALƐDEƐ 31

Dwɔhyua Nee Gebɛyɔnoma

Dwɔhyua zɛlɛle Nyamenle kɛ “Ɔmmamaa sɛnzɛne ne tu ɔ bo!” Asoo Nyamenle Diele?

ƐZUKOALƐDEƐ 32

Adekilevolɛ Fofolɛ Nee Mraalɛ Nwiɔ Mɔɔ Bɛlɛ Akɛnrasesebɛ

Mɔɔ Dwɔhyua wule la, Yizilayɛma bɔle ɔ bo zonlenle awozonle. Bɛ nwo hyelele bɛ, noko bɛnyianle moalɛ bɛvile Ndɛnebuavolɛ Balake, ngapezonli raalɛ Dɛbola, yɛɛ Gyeeyɛle mɔɔ lɛ ɛdanlɛsua baka ekyi la ɛkɛ!

ƐZUKOALƐDEƐ 33

Wulutu Nee Nawome

Mraalɛ nwiɔ mɔɔ bɛ hu mɔ ɛwu la ziale hɔle Yizilayɛ. Bɛ nuhua ko mɔɔ bɛfɛlɛ ye Wulutu la hɔyɛle gyima wɔ ɛya bie anu, na Bowaze nwunle ye.

ƐZUKOALƐDEƐ 34

Gedɛyɔn Lile Medeanema Anwo Zo Konim

Mɔɔ Medeama maanle Yizilayɛma nwunle amaneɛ la, Yizilayɛma zɛlɛle Gyihova moalɛ. Kɛzi Gedɛyɔn sogyama ekyi ne holale lile bɛ agbɔvolɛ sogyama 135,000 anwo zo konim ɛ?

ƐZUKOALƐDEƐ 35

Hana Yɛle Asɔne Kɛ Nyamenle Ɛmaa Ɔwo

Ɛlekana vale Hana, Pɛnena, yɛɛ ngakula ne mɔ hɔle ɛdanlɛsua ne anu wɔ Hyaelo kɛ bɛkazonle. Hana zɛlɛle Nyamenle kɛ ɔmaa ɔwo ralɛ. Ɛvolɛ ko anzi, ɔwole Samoɛle!

ƐZUKOALƐDEƐ 36

Gyɛfeta Ɛwɔkɛ Ne

Ɛwɔkɛ boni a Gyɛfeta bɔle a, na duzu ati ɔ? Duzu a Gyɛfeta ara raalɛ ne yɛle wɔ ye papa ɛwɔkɛ ne anwo a?

ƐZUKOALƐDEƐ 37

Gyihova Dendɛle Hilele Samoɛle

Ɛnee Ɛsɔfo Kpanyinli Yilae amra mrenyia nwiɔ ne le ɛsɔfoma wɔ ɛdanlɛsua ne anu, noko bɛanli Nyamenle mɛla zo. Ɛnee kakula Samoɛle le ngakyile, na Gyihova dendɛle hilele ye.

ƐZUKOALƐDEƐ 38

Gyihova Maanle Samesɛn Anwo Yɛle Se

Nyamenle maanle Samesɛn anwo yɛle se na ɔ nee Filisitiama honle, noko mɔɔ Samesɛn zile kpɔkɛ ɛtane la, Filisitiama hyele ye.