Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

Baebolo Kpuyia Mɔɔ Bɛbua

Baebolo Kpuyia Mɔɔ Bɛbua

Asoo anwumabɔvolɛma kola boa yɛ?

Kɛmɔ anwumabɔvolɛma boale Nyamenle sonvolɛ nɔhavo Daneɛle wɔ tete ne la, ɛnɛ bɛboa menli bɛmaa bɛnyia edwɛkpa ne azo nvasoɛ

Gyihova Nyamenle bɔle anwumabɔvolɛma dɔɔnwo na yeabɔ alesama. (Dwobu 38:4, 7) Anwumabɔvolɛ ɛhye mɔ lɛ anwosesebɛ mɔɔ bɛfa bɛyɛ Nyamenle gyima a, ɔdwu mekɛ ne bie a ɔsoa bɛ ɔmaa bɛbɔ ye azonvolɛ nwo bane wɔ azɛlɛ ye azo. (Edwɛndolɛ 91:10, 11) Ɛnɛ, anwumabɔvolɛma ɛlɛboa menli bɛamaa bɛanyia edwɛkpa ne mɔɔ Gyisɛse ɛdoavolɛma ɛlɛbɔ ye nolo la azo nvasoɛ.Kenga Yekile 14:6, 7.

Asoo ɔwɔ kɛ yɛsɛlɛ anwumabɔvolɛma kɛ bɛboa yɛ? Kyɛkyɛ. Asɔneyɛlɛ le ɛzonlenlɛ nwo nyɛleɛ, mɔɔ le Nyamenle angomekye ɛdeɛ a. (Yekile 19:10) Kɛmɔ anwumabɔvolɛma le Nyamenle azonvolɛ la ati, bɛtie ye adehilelɛ na bɛndie sonla. Ɛhye ati, ɔwɔ kɛ dahuu yɛdua Gyisɛse anwo zo yɛfa yɛ asɔneyɛlɛ yɛto Nyamenle angomekye anyunlu.Kenga Edwɛndolɛ 103:20, 21; Mateyu 26:53.

Asoo anwumabɔvolɛma mɔɔ ati yɛ se la wɔ ɛkɛ ɔ?

Kɛmɔ bɛbɔle alesama mɔɔ bɛlɛ fanwodi na bɛkola bɛyɛ kpalɛ anzɛɛ ɛtane la, zɔhane ala a anwumabɔvolɛma de a. Ɔyɛ alɔbɔlɛ kɛ, anwumabɔvolɛma dɔɔnwo dele Nyamenle anwo atua. (2 Pita 2:4) Bɛ nuhua mɔɔ lumua la a le Seetan; bie mɔ gyɛne lile ɔ nzi na bɛrayɛ mbɔnsam. Mekɛ bie anu, bɛdule Seetan nee ye sunsum ɛtane ne mɔ bɛvile anwuma na bɛvuandinle bɛ bɛguale azɛlɛ ye azo.Kenga Yekile 12:7-9.

Amumuyɛ nee basabasayɛlɛ mɔɔ ɛyɛ kpole ɔvi 1914 mɔɔ ba la kile kɛ ɔnrɛhyɛ Nyamenle baye Seetan nee ye sunsum ɛtane ne mɔ avi ɛkɛ. Akee Nyamenle bamaa azɛlɛ ne ayɛ kɛmɔ ɛnee ɔde la.Kenga Yekile 12:12; 21:3, 4.