Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

Baebolo Kpuyia Mɔɔ Bɛbua

Baebolo Kpuyia Mɔɔ Bɛbua

Asoo asɔne kɔsɔɔti di Nyamenle eni?

Saa ɛtie ewiade edwɛkɛ a, bie a wɔnwu kɛ ɔyɛ a bɛyɛ ninyɛndane wɔ asɔne duma nu. Tɛ asɔne kɔsɔɔti a vi nɔhalɛ Nyamenle ne ɛkɛ a. (Mateyu 7:15) Nɔhalɛ nu, bɛbɛlɛbɛla alesama dɔɔnwo.​—Kenga 1 Dwɔn 5:19.

Noko, Nyamenle nwu ahonlekpalɛma mɔɔ kulo debie kpalɛ nee nɔhalɛ la. (Dwɔn 4:23) Nyamenle ɛlɛto ɛsalɛ avɛlɛ menli zɛhae kɛ bɛzukoa ye Edwɛkɛ, Baebolo ne anu nɔhalɛ ne.​—Kenga 1 Temɔte 2:3-5.

Kɛ ɔkɛyɛ na wɔanwu nɔhalɛ ɛzonlenlɛ ɛ?

Gyihova Nyamenle ɛlɛka menli mɔɔ wɔ asɔne ngakyile nu la abɔ nu ɔlua nɔhalɛ ne mɔɔ ɔlɛkilehile bɛ na yeamaa bɛahulo bɛ nwo la azo. (Maeka 4:2, 3) Ɛhye ati, ɛbahola wɔanwu menli mɔɔ wɔ nɔhalɛ ɛzonlenlɛ nu la ɔlua kɛzi bɛkulo bɛ nwo la azo.​—Kenga Dwɔn 13:35.

Gyihova Nyamenle ɛlɛdua nɔhalɛ ɛzonlenlɛ zo aha menli ngakyile abɔ nu.​—Edwɛndolɛ 133:1

Nɔhalɛ azonvolɛ diedi nee bɛ ɛbɛlabɔlɛ gyi Baebolo ne azo. (2 Temɔte 3:16) Eza bɛdi Nyamenle duma ne eni. (Edwɛndolɛ 83:18) Yɛɛ bɛka Nyamenle Belemgbunlililɛ ne anwo edwɛkɛ kɛ alesama anyelazo kokye. (Daneɛle 2:44) Bɛsukoa Gyisɛse na bɛmaa bɛ ‘kɛnlaneɛ ta’ ɔlua kpalɛ mɔɔ bɛyɛ bɛmaa bɛ gɔnwo mɔ la azo. (Mateyu 5:16) Ɛhye ati, bɛkola bɛdua bɛ gɔnwo mɔ azua nu mɔɔ bɛkɔ na bɛka Nyamenle Belemgbunlililɛ ne anwo edwɛkpa ne bɛkile bɛ la azo bɛnwu nɔhalɛ Keleseɛnema.​—Kenga Mateyu 24:14; Gyima ne 5:42; 20:20.