Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 BAEBOLO NE KAKYI SONLA

Ɛnee Melɛko Me Ti Anwo Konle Meatia Nzisi Nee Basabasayɛlɛ

Ɛnee Melɛko Me Ti Anwo Konle Meatia Nzisi Nee Basabasayɛlɛ
  • BƐWOLE YE 1960

  • MAANLE MƆƆ ƆVI NU LEBANON

  • ALUMUA NE ƐNEE YEBE KUNG FU NU

ME ƐBƐLA DƐBA:

Menyinle wɔ Rmaysh, mɔɔ bikye Israel nee Lebanon la, wɔ konle mekɛ nu. Mekakye kɛzi ɛnee bɔmbo mɔɔ veɛvea azɛlɛ nwo te na ɔsɛkye menli mɔɔ bɛtɛyɛle ɛhwee agyakɛ la kpalɛ. Ɛnee ɛbɛlabɔlɛ ɛnla aze, na ɛnee amumuyɛ nee basabasayɛlɛ ɛbu zo.

Ɛnee yɛ abusua ne kɔ Maron Asɔne, mɔɔ le Aduduleɛ Kateleke Asɔne ne la bie. Ɛnee dahuu me Papa bɔ mɔdenle kpondɛ aleɛ maa yɛdayɛ menli 12 mɔɔ wɔ abusua ne anu la, noko ɛnee me Mame nea kɛ yɛdayɛ mɔɔ yɛha la yɛbahɔ asɔne. Mekɛ hɔle bie la, mendele nganeɛ kɛ asɔne ne ɛmboa menli mɔɔ yɛ anwunvɔne la, kɛmɔ maanlema de la.

Mekɛ mɔɔ melɛnyi la, me nye liele kung fu nwo. Menvale me nwo menwulale ndetelɛ ɛsesebɛ nu na menwunle kɛzi bɛfa bɛ sa nee bɛ gyakɛ yɛɛ akodeɛ ngakyile bɛko la kpalɛ. Menyianle adwenle kɛ, ‘Menrɛhola menrɛha kɛ bɛgyakyi konle ne, noko mebahola meadua menli mɔɔ yɛ basabasa la.’ Mekɛ biala mɔɔ mekɛnwu kɛ menli nwiɔ ɛlɛko la, meyɛ ye ndɛndɛ mefa me nwo medie nu. Ɛnee me ahonle gyegye me, yɛɛ ɔngyɛ na meava ɛya. Kɛmɔ ɛnee melɛko me ti anwo konle meatia nzisi nee basabasayɛlɛ la ati, ɛnee menli mɔɔ wɔ Lebanon nyiakɛ la kɔsɔɔti sulo me.

Wɔ 1980, mendoale kung fu eku bie mɔɔ wɔ Beirut la. Ɛnee bɛto bɔmbo nee ninyɛne ngakyile alehyenlɛ biala, noko ɛnee mekɔdie ndetelɛ. Ɛnee me ɛbɛlabɔlɛ amuala fane aleɛlilɛ, nafelɛ, yɛɛ meyɛ me nwo kɛ Bruce Lee, China-Americanli mɔɔ ɛbe kung fu nu na ɔta ɔdi konim la. Me nyɛle me enrinli kɛ ye ɛdeɛ ne la, menzukoale ye ɛdialɛ yɛɛ kɛzi ɔtea nu wɔ mekɛ mɔɔ ɔlɛyɛ kung fu la. Ɛnee menzele fee.

KƐZI BAEBOLO NE HAKYILE ME SUBANE LA:

Ɛnee me bodane a le kɛ mebayɛ awie mɔɔ ɛbe kung fu nu la wɔ China. Kenle ko nɔsolɛ nu mɔɔ melɛtete me nwo ɛsesebɛ meava meaziezie me nwo meamaa China adendulɛ ne la, mendele kɛ awie ɛlɛbɔ anlenkɛ ne anu. Me gɔnwo bie nee  Gyihova Alasevolɛ nwiɔ ɛra ɛkɛ. Ɛnee mewula tɛladeɛ bile ne yɛɛ ɛhɛlɛnra ɛlɛte me, na menganle mengilele bɛ kɛ, “Menze Baebolo ne anwo ɛhwee.” Amuanrɛɛ menze kɛ ɔvi zɔhane mekɛ ne mɔɔ kɔ la, me ɛbɛlabɔlɛ bahakyi.

Alasevolɛ ne mɔ manle menwunle deɛmɔti alesama angomekye ɛnrɛhola ɛnrɛye nzisi nee basabasayɛlɛ ɛnrɛvi ɛkɛ ne bɔkɔɔ la wɔ Baebolo ne anu. Bɛhilele nu kɛ Seetan Abɔnsam a fa ngyegyelɛ zɛhae ba a. (Yekile 12:12) Me nye liele anzondwolɛ nee anwodozo mɔɔ Alasevolɛ ne mɔ lɛ la anwo. Mekɛ mɔɔ bɛhilele me kɛ Nyamenle lɛ duma la ɔhanle me ahonle. (Edwɛndolɛ 83:18, NW) Eza bɛhilele me 1 Temɔte 4:8, mɔɔ kenga kɛ: “Nwonane agbɔkɛ nu ɛkpundinlɛ hyia, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ” la. Edwɛkɛ ɛhye hanle me ɛbɛlabɔlɛ kpalɛ.

Ɔyɛ nyane kɛ, meannwu Alasevolɛ ne mɔ bieko, ɔluakɛ me abusua ne hanle hilele bɛ kɛ bɛmmaba ɛkɛ ne bieko. Ɔrale ye zɔ bɔbɔ la, menyianle adwenle kɛ megyakyi kung fu ne ɛzukoalɛ na meabɔ ɔ bo meazukoa Baebolo ne. Me mediema mrenya ne mɔ anye anlie nwolɛ, noko ɛnee mebɔ kpɔkɛ kɛ mebakpondɛ Gyihova Alasevolɛ ne mɔ bieko na me nee bɛ azukoa Baebolo ne.

Memkpondɛle Alasevolɛ ne mɔ biala noko meannwu bɛ. Mekɛ ne anu, me papa mɔɔ wule arɛlevilɛ nu, nee esiane ngakyile mɔɔ dole abusua ne la manle menlile nyane kpole. Membɔle ɔ bo kɛ me nee menli bie mɔɔ bɛsi sua la yɛ gyima, na kenle ko gyimayɛvolɛ bie mɔɔ bɛfɛlɛ ye Adel la manle mengyinlanle, na ɔbizale me deɛmɔti melɛdi nyane la. Ɔbɔle ɔ bo ɔhanle Baebolo ewudwazo anyelazo nwo edwɛkɛ. Siane ngɔnla mɔɔ doa zo la anu, Dasevolɛ ɛhye mɔɔ lɛ ɛlɔlɛ la zile abotane na ɔ nee me zukoale Baebolo ne.

Debiezukoalɛ ne ɛlɛkɔ zo la, menwunle kɛ ɔhyia kɛ mekakyi me subane. Ɛnee ɔnla aze. Ɛnee dahuu ninyɛne yɛ me ahyi yɛɛ ɔngyɛ na meava ɛya. Menzukoale kɛzi ɔwɔ kɛ mekomo me ɛya zo la menvile Baebolo ne anu. Kɛ neazo la, Mateyu 5:44 maa yɛnwu Gyisɛse folɛdulɛ ne mɔɔ se: “Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la.” Wulomuma 12:19 bɔ kɔkɔ kɛ: ‘Bɛmmafa ɛtane bɛtua ɛtane kakɛ ɛlɛ, ɔluakɛ bɛhɛlɛ kɛ, nzenralɛ le me ɛdeɛ, mebadua ɛtane kakɛ, Gyihova a se a.’ Ngɛlɛlera ɛhye mɔ nee gyɛne boale me ngyikyi manle menyianle anzondwolɛ.

KƐZI YEBOA ME:

Alumua ne me abusua ne dwazole tiale adwenle mɔɔ menyianle kɛ me nee Gyihova Alasevolɛ bazukoa Baebolo ne la ɛdeɛ, noko kɛkala bɛbu Alasevolɛ ne mɔ. Nɔhalɛ nu, me diema nrenya ko ɛraboka me nwo yɛlɛsonle Gyihova, yɛɛ me Mame hanle yɛ diedi ne anwo edwɛkɛ hilele awie mɔ toonwo ɔwule.

Menyia raalɛ kɛnlɛma ko, mɔɔ di nɔhalɛ, Anita, mɔɔ le me bokavolɛ wɔ dahuu ɛzonlenlɛ gyima ne anu a. Ɔvi ɛvolɛ 2000, me nee Anita ɛdɛnla Eskilstuna, mɔɔ wɔ Sweden la, na yɛkilehile menli mɔɔ ka Arabic wɔ ɛkɛ ne la Baebolo ne.

Medi menli mɔɔ basabasayɛlɛ ti bɛnwu amaneɛ la anwo nyane. Noko kɛmɔ meze deɛmɔti ɔlɛkɔ zo, na meze kɛ ɔnrɛhyɛ Nyamenle bamaa ɔ bo apɛ la, maa me nye die na menyia anzondwolɛ.​—Edwɛndolɛ 37:29.

Me nee me ye nyia anyelielɛ wɔ daselɛlilɛ nu. Yɛkulo kɛ yɛmaa awie mɔ nwu Gyihova