Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 BIKYE NYAMENLE

“Kɛkala, Meyɛ Ninyɛne Kɔsɔɔti Fofolɛ!”

“Kɛkala, Meyɛ Ninyɛne Kɔsɔɔti Fofolɛ!”

Ɛkulo kɛ ɛ nee wɔ abusua ne nyia kpɔkɛdelɛ kpalɛ na bɛtɛnla aze bɛkyɛ ɔ? Ɛkulo kɛ ɛtɛnla ewiade mɔɔ nyane, amaneɛnwunlɛ yɛɛ ewule ɛnle ɛkɛ la anu ɔ? Ewiade zɛhae ɛnle adwenle nzuzulɛ ala. Emomu, ɔnrɛhyɛ tenlene ewiade fofolɛ bara, ɔluakɛ ɔle Gyihova Nyamenle bodane. Tie kɛzi bɛha ye bodane ne anwo edwɛkɛ la wɔ Yekile 21:3-5.—Kenga.

‘Nyamenle bakyikyi bɛ nye anwo monle.’ (Yekile 21:4) Monle boni a ɔbakyikyi a? Tɛ anyelielɛ monle anzɛɛ monle mɔɔ bɔ yɛ nye anwo bane la ɔ. Nyamenle ɛwɔkɛ ne fane monle mɔɔ amaneɛnwunlɛ nee nyanelilɛ fa ba la anwo. Nyamenle ɛnrɛkyikyi monle zɛhae ala; ɔbaye amaneɛnwunlɛ nee nyanelilɛ mɔɔ fa monle ɛhye ba la yeavi ɛkɛ na yɛ nwo adɔ yɛ bɔkɔɔ.

“Ewule ɛnle ɛkɛ bieko.” (Yekile 21:4) Duzu a ɛmaa menli ɛzu dɔɔnwo ɛdɛla kpɔvolɛ ewule a? Gyihova balie alesama mɔɔ yɛ tieyɛ la yeavi ewule sa nu. Adenle boni azo? Ɔbaye debie mɔɔ fa ewule ba la yeavi ɛkɛ: ɛhye a le ɛtane mɔɔ yɛnyianle yɛvile Adam ɛkɛ la. (Wulomuma 5:12) Gyihova balua Gyisɛse ɛkpɔnedeɛ afɔlebɔlɛ ne azo yeamaa alesama mɔɔ yɛ tieyɛ la ali munli. * Akee kpɔvolɛ mɔɔ li amozi mɔɔ “bɛbazɛkye” ye la a le ewule. (1 Kɔlentema 15:26) Alesama mɔɔ di munli la bahola adɛnla aze kɛmɔ Nyamenle bodane ne kile la—bɛbadɛnla aze dahuu wɔ kpɔkɛdelɛ mɔɔ di munli la anu.

“Nyane ɛnle ɛkɛ.” (Yekile 21:4) Nyane boni a bavi ɛkɛ a? Adwenle, nganeɛdelɛ yɛɛ nwonane nu nyane kɔsɔɔti mɔɔ ɛtane nee sinlidɔlɛ ɛva ɛra na ɔmaa menli mgbe dɔɔnwo anye zo ta bɛ la bavi ɛkɛ.

Ɔnrɛhyɛ asetɛnla mɔɔ ɛzunlɛ, ewule yɛɛ nyane ɛnle nu la bara. Noko bie a ɛbabiza kɛ ‘ɔbara ni?’ ‘Asoo Nyamenle ɛwɔkɛ ne fane anwuma ɛhɔlɛ nwo ɔ?’ Kyɛkyɛ. Suzu deɛmɔti ɔnle zɔ la anwo nea. Mɔɔ lumua la, ɛwɔkɛ ne bɔ ɔ bo kɛ “Nyamenle sua nu a le ye menli avinli,” yɛɛ azɛlɛ ye azo a alesama wɔ a. (Yekile 21:3) Mɔɔ tɔ zo nwiɔ, ɛwɔkɛ ne ka ewiade mɔɔ “ewule ɛnle ɛkɛ bieko”—ewiade mɔɔ ɛnee ewule wɔ nu noko ɔnle ɛkɛ bieko la. Ewule ɛnle anwuma, noko ɔwɔ azɛlɛ ye azo mekɛ tendenle. Ɛhye maa ɔda ali wienyi kɛ asetɛnla kpalɛ nwo ɛwɔkɛ mɔɔ Nyamenle ɛbɔ la bara nu wɔ azɛlɛ ɛhye azo.

Nyamenle bakyikyi ɛzunlɛ dɔɔnwo mɔɔ amaneɛnwunlɛ nee nyanelilɛ ɛva ɛra la

Gyihova kulo kɛ yɛdie ye tenlene ewiade fofolɛ ne anwo ɛwɔkɛ ne yɛdi. Ɔhanle nyilalɛ ne mɔɔ bara anwo edwɛkɛ ɔwiele la, ɔbɔle ɛwɔkɛ kɛ: “Kɛkala, meyɛ ninyɛne kɔsɔɔti fofolɛ!” Eza ɔhanle kɛ, “Edwɛkɛ ɛhye mɔ le nɔhalɛ yɛɛ bɛfa bɛ rɛle bɛto zolɛ a ɔyɛ boɛ.” (Yekile 21:5) Duzu ati a ɛnzukoa kɛzi ɛ nee wɔ alɔvolɛ bahola aboka menli mɔɔ ɛlɛfa anyelielɛ azonle na bɛbanwu kɛ Nyamenle ɛwɔkɛ ne ɛra nu wɔ anyunlunyia nu la anwo debie dɔɔnwo ɛ?

^ ɛden. 5 Saa ɛkpondɛ kɛ ɛsukoa Kelaese ɛkpɔnedeɛ afɔlebɔlɛ ne anwo edwɛkɛ dɔɔnwo a, nea Duzu A Baebolo ne Kilehile Amgba A? buluku ne mɔɔ Gyihova Alasevolɛ ɛyɛ la tile 5.