Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 EDWƐKƐ TITILE: DUZU ATI A AMANEƐNWUNLƐ ƐBU ZO A? MEKƐ BONI A Ɔ BO BAPƐ A?

Menli Dɔɔnwo Mɔɔ Bɛtɛyɛle Ɛhwee La Wule!

Menli Dɔɔnwo Mɔɔ Bɛtɛyɛle Ɛhwee La Wule!

Noelle le kakula nretee mɔɔ ɛnee bɛkulo ye edwɛkɛ a, na ɛnee ɔ nye die kɛ ɔbadolɔ debie. Kenle ko nɔsolɛ mɔɔ maanle nu le wuluwulu la ɔhɔle bɛ sua ne anzi na ɔtelele ɔdɔle abusua ne nzubula ne anu. Ɔnlomanle wɔ mekɛ mɔɔ ɛnee yeha dapɛne nwiɔ na yeanyia ɛvolɛ nna la.

Charlotte, Daniel, Olivia, Josephine . . . Menli 26 ne mɔɔ bɛbɔle bɛ etu bɛhunle bɛ wɔ sukulu bie anu wɔ Connecticut, U.S.A., wɔ December 14, 2012 la anu 20 mɔɔ bɛnyia ɛvolɛ nsia anzɛɛ nsuu la bie mɔ ɛne. Wɔ bɛ ɛzɛne ne abo, Maanle Kpanyinli Obama bobɔle ngakula ne mɔ aluma na ɔhanle ɔhilele tievolɛma mɔɔ ɛlɛdi nyane la kɛ: “Ɔwɔ kɛ esiane ɛhye mɔ abo pɛ.”

Bano, mɔɔ yenyia ɛvolɛ bulu nee mɔtwɛ la nee ye abusua ne vile Iraq wɔ 1996 na bɛhɔle Norway. Ɛnee ɔ gɔnwo mɔ fa mgbayelɛ Sun Rays fɛlɛ ye. Noko, ɔyɛ alɔbɔlɛ kɛ, wɔ July 22, 2011, Bano boka menli 77 ne mɔɔ awie mɔɔ le maamɔvo hunle bɛ la anwo, ahenle zɔhane memanle ɔ nwo zo hanle kɛ: “Bɛva me ɛtane bɛhyɛ me kɛ . . . meangola meangu menli dɔɔnwo la.”

Bɛbɔ edwɛkɛ zɛhae bie mɔɔ yɛ nyane la anwo amaneɛ fane dɔɔnwo wɔ ewiade amuala. Suzu alɔbɔlɛ nee nyane mɔɔ esiane, ɛtanelilɛ, konle, amumuyɛ yɛɛ ninyɛne ngakyile fa ba la anwo nea. Bɛpɛ menli dɔɔnwo mɔɔ bɛtɛyɛle ɛhwee la ngoane zo anzɛɛ bɛnwu amaneɛ dɔɔnwo mɔɔ ndelebɛbo biala ɛnle nu a!

Menli bie mɔ bɔ Nyamenle somolɛ, na bɛka kɛ yɛ Bɔvolɛ ne ɛndwenle alesama abusua ne anwo. Bie mɔ ka kɛ Nyamenle nwu yɛ amaneɛnwunlɛ ne noko ɔnyɛ nwolɛ ɛhwee. Bie mɔ noko ka kɛ bɛhyehyɛ esiane ɛhye mɔ bɛdo ɛkɛ. Nwolɛ edwɛkɛ zonle dɔɔnwo. Nienwu a yɛbanyia mualɛ kpalɛ mɔɔ maa ahunlundwolɛ a? Wɔ edwɛkɛ mɔɔ doɔdoa zo la anu, yɛbanleɛnlea Nyamenle Edwɛkɛ, Baebolo ne anu na yɛakpondɛ debie mɔɔ fa amaneɛnwunlɛ ba nee kɛzi ɔbara ye awieleɛ la mualɛ.