Asoo yɛbahola yɛade Baebolo ne abo?

Baebolo ne le Nyamenle Edwɛkɛ. Ɔle kɛ kɛlata mɔɔ vi selɛ mɔɔ lɛ ɛlɔlɛ la ɛkɛ. (2 Temɔte 3:16) Nyamenle ɛmaa yɛnwu kɛzi yɛbahola yɛazɔ ɔ nye, deɛmɔti ɔmaa amaneɛnwunlɛ nwo adenle nee mɔɔ ɔbayɛ yeamaa alesama wɔ kenlebie la wɔ Baebolo ne anu. Noko menli mɔɔ kilehile Baebolo ne anu la ɛhyibehyiba nuhua edwɛkɛ ne; ɔlua ɛhye ati, menli dɔɔnwo te nganeɛ kɛ bɛnrɛde ɔ bo ɛlɛ.—Gyima ne 20:29, 30.

Gyihova Nyamenle kulo kɛ yɛnwu ɔ nwo nɔhalɛ ne. Ɛhye ati, yemaa yɛnyia buluku mɔɔ yɛbahola yɛade ɔ bo la.—Kenga 1 Temɔte 2:3, 4.

Kɛ ɔkɛyɛ na wɔade Baebolo ne abo ɛ?

Baebolo ne mɔɔ Gyihova ɛva ɛmaa yɛ la anzi, yemaa yɛ debie mɔɔ baboa yeamaa yɛade ɔ bo la. Ɔzoanle Gyisɛse kɛ ɔrahilehile yɛ. (Luku 4:16-21) Gyisɛse boale menli mɔɔ diele ye la manle bɛdele Baebolo ne abo, na ɔhwenle adwenle ɔziele Ngɛlɛlera dɔɔnwo azo.—Kenga Luku 24:27, 32, 45.

Gyisɛse vale Keleseɛne asafo ne ziele ɛkɛ amaa gyima ne mɔɔ ɔbɔle ɔ bo la ahɔ zo. (Mateyu 28:19, 20) Ɛnɛ, Gyisɛse nɔhalɛ ɛdoavolɛma boa menli maa bɛte mɔɔ Baebolo ne kilehile fane Nyamenle anwo la abo. Saa ɛkulo kɛ ɛte Baebolo ne abo a, Gyihova Alasevolɛ anye balie kɛ bɛbaboa wɔ.—Kenga Gyima ne 8:30, 31.