Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

Duzu A Baebolo Ne Ka A?

Duzu A Baebolo Ne Ka A?

Nyamenle tie asɔneyɛlɛ kɔsɔɔti ɔ?

ASOO ƐBAHA KƐ . . .

  • Ɔbua awie biala

  • Ɔbua menli bie mɔ

  • Ɔmbua awie biala

MƆƆ BAEBOLO NE KA LA

“[Gyihova] bikye bɛdabɛ . . . mɔɔ bɛfɛlɛ ye nɔhalɛ nu la.”​—Edwɛndolɛ 145:18.

BONI BIEKO A YƐSUKOA YƐFI BAEBOLO NE ANU A?

  • Nyamenle ɛndie menli mɔɔ te ɔ nwo atua la asɔneyɛlɛ. (Ayezaya 1:15) Noko akee, bɛbahola bɛ nee Nyamenle ‘abɔ bɛ avinli’ ɔlua bɛ ndenle ne mɔ mɔɔ bɛbahakyi ye la azo.​—Ayezaya 1:18.

  • Amaa Nyamenle adie yɛ asɔneyɛlɛ la, ɔwɔ kɛ ɔ nee mɔɔ ɔkpondɛ yeavi yɛ ɛkɛ ne mɔɔ wɔ Baebolo ne anu la yia.​—1 Dwɔn 5:14.

Asoo ɔwɔ kɛ yɛgyinla gyinlabelɛ titili bie kolaa na yɛayɛ asɔne?

MENLI BIE MƆ DIE DI kɛ ɔwɔ kɛ dahuu bɛkoto, bɛka bɛ ti aze, anzɛɛ bɛfa bɛ sa bɛbɔ nwo wɔ mekɛ mɔɔ bɛlɛyɛ asɔne la. Kɛzi ɛdwenle nwo ɛ?

MƆƆ BAEBOLO NE KA LA

Nyamenle liele menli mɔɔ ‘dɛnlanle aze’ anzɛɛ ‘gyinlanle,’ ‘weweɛle bɛ nwo aze,’ na ‘bɛhotole’ la asɔneyɛlɛ dole nu. (1 Edwɛkɛsisilɛ 17:16; 2 Edwɛkɛsisilɛ 30:27; Ɛzela 10:1; Gyima ne 9:40) Ɔnga kɛ yɛgyinla gyinlabelɛ fɔɔnwo bie wɔ mekɛ mɔɔ yɛlɛyɛ asɔne la.

BONI BIEKO A YƐSUKOA YƐFI BAEBOLO NE ANU A?

  • Nyamenle tie bɛlɛvoma asɔneyɛlɛ.​—Edwɛndolɛ 138:6.

  • Ɛkola ɛyɛ asɔne wɔ aneɛ biala anu anzɛɛ ɛyɛ ye wɔ ɛ ti anu.​—2 Edwɛkɛsisilɛ 6:32, 33; Nihɛmaya 2:1-6.