Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

Duzu A Baebolo Ne Ka A?

Duzu A Baebolo Ne Ka A?

Yɛwu a yɛkɔ ni?

MENLI BIE MƆ DIE DI kɛ yɛkɔ zo yɛtɛnla aze bieko, yɛɛ bie mɔ noko te nganeɛ kɛ ewule pɛ debie biala azo. Boni a ɛdie ɛdi a?

MƆƆ BAEBOLO NE KA LA

“Mɔwuamra ɛnze ɛhwee.” (Nolobɔvo ne 9:5) Saa yɛwu a, yɛnde aze bieko.

DEBIE BIEKO MƆƆ YƐSUKOA YƐFI BAEBOLO NE ANU LA

  • Adam, sonla mɔɔ limoa la wule la, ɔziale ɔhɔle ndɛtɛlɛ nu. (Mɔlebɛbo 2:7; 3:19) Zɔhane ala a, awie biala mɔɔ kɛwu la sia kɔ ndɛtɛlɛ nu a.​—Nolobɔvo ne 3:19, 20.

  • Menli mɔɔ ɛwu la ɛnle ɛtane tumi bo bieko, anzɛɛ bɛva bɛ ɛtane bɛhyɛ bɛ. (Wulomuma 6:7) Saa awie wu a, bɛndwe ɔ nzo bieko wɔ ye ɛtane ne anwo.

Mowuamra badɛnla aze bieko ɔ?

DUZU A ƐBAHA A?

  • Ɛhɛe

  • Kyɛkyɛ

  • Wɔannea a

MƆƆ BAEBOLO NE KA LA

‘Menli badwazo ara ngoane nu.’​—Gyima ne 24:15.

DEBIE BIEKO BONI A YƐBAHOLA YƐAZUKOA YƐAVI BAEBOLO NE ANU A?

  • Baebolo ne ta fa ewule toto nafelɛ nwo. (Dwɔn 11:11-14) Nyamenle kola dwazo mowuamra kɛ mɔɔ yɛkola yɛtunwue awie yɛfi nafelɛ nu la.​—Dwobu 14:13-15.

  • Baebolo ne ka ewudwazo nwo edwɛkɛ dɔɔnwo. Ɛhye maa yɛdie yɛdi kɛ bɛbadwazo mowuamra.​—1 Arelemgbunli 17:17-24; Luku 7:11-17; Dwɔn 11:39-44.