Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

Maa Gyihova Adehilelɛ Ɛboa Wɔ Ɛnɛ

Maa Gyihova Adehilelɛ Ɛboa Wɔ Ɛnɛ

ƆZILE KPƆKƐ KPALƐ WƆ POLAND

“BƐZƆNENLE me la ɛnee meli ɛvolɛ 15, na ye siane nsia anzi, membɔle adekpakyelɛ boavolɛ gyima ne abo. Ye ɛvolɛ ko anzi, membizale dahuu adekpakyelɛ gyima ne anwo adenle. Mɔɔ menwiele ndoazo sukulu la, menzɛlɛle kɛ mekpondɛ kɛ mekɔsonle wɔ ɛleka mɔɔ bɛhyia Belemgbunlililɛ edwɛkpakavolɛma dɔɔnwo la. Ɛnee mekpondɛ kɛ metu mefi me sua zo yɛɛ me nana mɔɔ ɛnee me ne ye de na ɔnle Gyihova Dasevolɛ la anwo. Noko maangyebakyi zo neavolɛ ne hanle kɛ menyɛ adekpakyelɛ gyima ne wɔ sua ne azo ala na ɔyɛle me nyane kpalɛ! Ɛnee memkpondɛ kɛ ɔnwu kɛ ɔgyegye me. Me rɛle bɔle, na mengɔndwenlenle ye edwɛkɛ ne anwo. Menganle mengilele adiema ne mɔɔ me nee ye lua daselɛlilɛ nu la kɛ: ‘Ɔzɔho kɛ melɛyɛ Dwona nyɛleɛ ne bie. Noko amozii Dwona hɔle Nenɛvɛ. Ɛhye ati, mebazonle wɔ ɛleka mɔɔ bɛva bɛmaa me la.’

“Kɛkala meyɛ adekpakyelɛ gyima ne ɛvolɛ nna, na menwu kɛ nrɛlɛbɛ wɔ nu kɛ menlile adehilelɛ zo la. Adwenle ɛtane a menyianle a. Kɛkala me nye die kpalɛ. Me nee menli 24 zukoale Baebolo ne wɔ siane ko anu. Meyɛ Gyihova mo kɛ me nee me nana bɔle Baebolo ɛzukoalɛ bo la.”

EDWƐKƐ FƐLƐKO BIE ZILE FIJI

Ɛnee ɔwɔ kɛ Baebolo sukoavo bie mɔɔ ɔwɔ Fiji la kpa kɛ ɔbahɔ Kilisiene nyianu anzɛɛ ɔ nee ɔ hu bahɔ busuanli bie awolɛ kenle ɛkponledolɛ bo. Ɔ hu liele dole nu kɛ ɔbahola yeahɔ nyianu ne. Ɔhanle ɔhile ɔ hu kɛ, saa bɛkpɔne nyianu ne a ɔbara ɛkponledolɛ ne abo. Noko mɔɔ bɛkpɔnenle nyianu ne la, ɔnwunle kɛ ɔnle kpalɛ kɛ ɔbahɔ ɛleka mɔɔ ɔbamaa ye sunsum nu gyinlabelɛ ne anwo ara edwɛkɛ la, yemɔti yeangɔ.

Noko ɔ hu bɔle ye mbusuafoɔ amaneɛ kɛ ɔ ye se saa bɛkpɔne “nyianu ne mɔɔ Alasevolɛ ne mɔ ɛlɛyɛ la” a ɔbara, bɛhanle kɛ; “Ɔnrɛra, Gyihova Alasevolɛ ɛnli awolɛ kenle!” *

Ɛhye maanle ɔ hu anye liele kɛ ɔ ye ɛyɛ debie mɔɔ ɔ nee ye diedi nee ye adwenle ne yia la. Nɔhalɛ mɔɔ ɔlile la maanle ɔnyianle adenle ɔlile ɔ hu nee menli gyɛne daselɛ. Duzu a vile nuhua rale a? Ɔ hu liele dole nu kɛ bɛ nee ye ɛzukoa Baebolo ne, na ɔbɔle ɔ bo kɛ ɔ nee ɔ ye kɔ debiezukoalɛ.

^ ɛden. 7 Nea “Questions From Readers” mɔɔ wɔ December 15, 2001 The Watchtower ne anu la.