Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 NYAMENLE EDWƐKƐ NE AZO NVASOƐ | MATEYU 25

“Bɛhɔ Zo Bɛzinza”

“Bɛhɔ Zo Bɛzinza”

25:1-12

Mbɛlɛra bulu ne anwo ɛrɛlɛ ne mɔɔ Gyisɛse bule la fale Kilisienema mɔɔ bɛkpokpa bɛ la anwo ɛdeɛ, noko eza ɔfale Kilisienema mɔɔ ɛha la amuala anwo. (w15 3/15 9-14) “Yemɔti bɛhɔ zo bɛzinza, ɔluakɛ bɛnze kenle ne anzɛɛ dɔnehwele ne.” (Mt 25:13) Ɛbahola wɔahile Gyisɛse ɛrɛlɛ ne anu ɔ?

  • Atɔfolɛ nrenyia (ngy. 1)​—Gyisɛse

  • Mbɛlɛra nrɛlɛbɛvolɛma ne mɔɔ bɛzieziele bɛ nwo la (ngy. 2)​—Kilisienema mɔɔ bɛkpokpa bɛ la ɛziezie bɛ nwo kɛ bɛbali nɔhalɛ wɔ bɛ gyima mɔɔ bɛva bɛmaa bɛ la anu na bɛlɛta kɛ ahɛnlaneɛ bɛahɔdwu ewiade ne awieleɛ (Fe 2:15)

  • Bɛdeanle nu: “Atɔfolɛ nrenyia ne ɛne!” (ngy. 6)​—Gyisɛse ɛralɛ ne anwo daselɛ

  • Mbɛlɛra ahoasea (ngy. 8)​—Kilisienema mɔɔ bɛkpokpa bɛ mɔɔ bɛhɔyiale atɔfolɛ ne noko bɛanzinza na bɛangyinla bɛ munlililɛ nu bɛangɔ awieleɛ la

  • Mbɛlɛra nrɛlɛbɛvolɛ ne mɔ ammaa bɛ nwole ne bie (ngy. 9)​—Saa bɛsɔ bɛ kɔsɔɔti bɛ nloa bɛwie bɔkɔɔ a, nɔhavoma mɔɔ bɛkpokpa bɛ la ɛnrɛhola ɛnrɛboa awie biala mɔɔ anli nɔhalɛ la

  • “Atɔfolɛ nrenyia ne rale” (ngy. 10)​—Saa anwongyelelɛ kpole ne ɛlɛkɔ ye awieleɛ a, Gyisɛse barabua ndɛne

  • Mbɛlɛra nrɛlɛbɛvolɛ ne mɔ nee atɔfolɛ nrenyia ne hɔle atɔfolɛlielɛ ne abo na bɛdole anlenkɛ ne anu (ngy. 10)​—Gyisɛse baboɔboa menli mɔɔ bɛkpokpa bɛ mɔɔ bɛdi nɔhalɛ la anloa wɔ anwuma, noko bɛdabɛ mɔɔ bɛanli nɔhalɛ la bɛaminli bɛ anwuma anyelazo ne