Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 YƐ KILISIENE ƐBƐLABƆLƐ

Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu​—Boa Bɛdabɛ Mɔɔ ‘Bɛ Subane Kile Kɛ Bɛfɛta’ La Maa Bɛrayɛ Ɛdoavolɛma

Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu​—Boa Bɛdabɛ Mɔɔ ‘Bɛ Subane Kile Kɛ Bɛfɛta’ La Maa Bɛrayɛ Ɛdoavolɛma

DEƐMƆTI ƆHYIA LA: Gyihova maa nɔhalɛ ma ne nyi wɔ bɛdabɛ mɔɔ bɛ “subane kile kɛ bɛfɛta dahuu ngoane” la ahonle nu. (Gyi 13:48; 1Kɔ 3:7) Wɔ daselɛlilɛ nu saa yɛbɔ mɔdenle yɛfa yɛ adwenle yɛsie menli mɔɔ fa mɔɔ bɛsukoa la yɛ gyima la azo a, ɛnee yɛ nee Gyihova ɛlɛbɔ nu ayɛ gyima. (1Kɔ 9:26) Ɔwɔ kɛ Baebolo sukoavoma te ɔ bo kɛ Kilisienema ɛzɔnenlɛ hyia amaa bɛanyia ngoane. (1Pi 3:21) Saa yɛbahola yɛaboa yɛ bɛ yɛamaa bɛayɛ ɛdoavolɛma a, kyesɛ yɛkilehile bɛ yɛmaa bɛyɛ nzenzaleɛ wɔ bɛ ɛbɛlabɔlɛ nu, bɛbɔ edwɛkpa ne nolo, bɛkilehile awie mɔ, na bɛyila bɛ nwo zo bɛmaa Gyihova.​—Mt 28:19, 20.

KƐZI BƐYƐ YE LA:

  • Kakye Baebolo sukoavoma kɛ debiezukoalɛ ne bodane a le kɛ, ɔboa bɛ yeamaa ‘bɛaranwu’ Gyihova na bɛayɛ mɔɔ sɔ ɔ nye la.​—Dwn 17:3

  • Boa bɛ maa bɛnyia sunsum nu anyuhɔlɛ ɔlua ngyegyelɛ mɔɔ bɛbali zolɛ konim, le kɛ subane ɛtane yɛɛ agɔnwolɛ ɛtane

  • Kolaa na bɛazɔne yɛɛ wɔ bɛ ɛzɔnenlɛ nzi, maa bɛ anwosesebɛ.—Gyi 14:22

NEA GYIHOVA NYAMENLE BABOA WƆ VIDIO NE NA BUA KPUYA ƐHYE MƆ:

  • Ninyɛne boni mɔ a bahola amaa awie azulo kɛ ɔbayila ɔ nwo zo na yeazɔne a?

  • Kɛzi mgbanyima bahola aboa Baebolo sukoavoma bɛamaa bɛanyia sunsum nu anyuhɔlɛ ɛ?

  • Duzu a Ayezaya 41:10 maa yɛnwu ye wɔ Gyihova anwo a?

  • Ɔnva nwo kɛ yɛnli munli la, subane boni mɔ a bahola amaa yɛazonle Gyihova wɔ adenle mɔɔ ɔdie ɔto nu la azo a?

Kɛzi yɛ nee Gyihova bɔ nu yɛ ɛdoavolɛyɛlɛ gyima ne ɛ?