Wulu kɔ nuhua edwɛkɛ ne azo

Wulu kɔ nuninyɛne ne azo

Gyihova Alasevolɛ

Kpa aneɛ Nzema

 YƐ KILISIENE ƐBƐLABƆLƐ

Bɛhakye Lɔɔto Aye Ne

Bɛhakye Lɔɔto Aye Ne

Duzu ati a Lɔɔto aye ne dole ɔ nye ɔ nzi wɔ mekɛ mɔɔ bɛlɛnriandi bɛavi Sodɔm la ɛ? Baebolo ne ɛnga. (Mɔ 19:17, 26) Tɛnlabelɛ mɔɔ maanle Gyisɛse vale kɔkɔbɔlɛ ɛhye maanle la maa yɛnwu kɛ bie a, ɔ nwo lɔle ninyɛne mɔɔ yegyakyi ye wɔ ɔ nzi la. (Lu 17:31, 32) Kɛ ɔkɛyɛ na Nyamenle anva yɛ nwo ɛya kɛ mɔɔ ɔdole Lɔɔto aye ne la ɛ? Ɔnle kɛ yɛmaa nwonane nu ninyɛne nee ɛbɛlabɔlɛ kpalɛ mɔɔ yɛkpondɛ la anwo kyia yɛ somaa. (Mt 6:33) Gyisɛse hilehilele kɛ ‘yɛnrɛhola yɛnrɛzonle Nyamenle nee Anwonyia.’ (Mt 6:24) Noko saa yɛnwu kɛ nwonane nu ninyɛne ɛlɛkyia yɛ adɛla sunsum nu ninyɛne a, duzu a ɔwɔ kɛ yɛyɛ a? Yɛbahola yɛayɛ asɔne na Gyihova amaa yɛ ndelebɛbo na yɛanwu ɛleka mɔɔ ɔwɔ kɛ yɛyɛ nzenzaleɛ la amaa yɛanyia anwosesebɛ yɛayɛ zɔ.

KAKYE BƐHAKYE LƆƆTO AYE NE VIDIO NE MƆƆ WƆ NU NSA LA, NA BUA KPUYA ƐHYE MƆ:

  • Kɛzi mebava me nyɛleɛ meahile kɛ ‘mekakye Lɔɔto aye ne ɛ’?

    Kɛzi Gloria anwo zo mɔɔ bɛtinlitinlinle kɛ ɔkpondɛ ezukoa dɔɔnwo la nyianle ye adwenle, ye ɛdendɛlɛ nee ye nyɛleɛ zo tumi ɛ?

  • Kɛzi Lɔɔto aye ne edwɛkɛ ne le kɔkɔbɔlɛ maa yɛ ɛnɛ ɛ?

  • Kɛzi Baebolo ngyinlazo mɔɔ Joe nee ye abusua ne vale yɛle gyima la boale bɛ ɛ?

  • Kɛzi agɔnwolɛ ɛtane mɔɔ Anna nee bɛ dule wɔ gyima nu la hanle ye sunsum nu gyinlabelɛ ɛ?

  • Duzu ati a yɛhyia akɛnrasesebɛ wɔ mekɛ mɔɔ bɛlɛtinlitinli yɛ nwo zo kɛ yɛva ezukoa yɛlimoa yɛ ɛbɛlabɔlɛ nu la ɛ?

  • Kɛzi Brian nee Gloria bɔle ɔ bo vale sunsum nu ninyɛne limoale bɛ ɛbɛlabɔlɛ nu bieko ɛ?

  • Baebolo ngyinlazo boni a bɛla ye ali wɔ vidio ɛhye anu a?