Taetɛse 2:1-15

  • Ngilehilelɛ kpalɛ maa ngakula nee mgbanyinli (1-15)

    • Kpo ɛbɛlatane (12)

    • Gyima kpalɛ nwo mɔdenlebɔlɛ (14)

2  Noko wɔmɔ, kɔ zo ka edwɛkɛ mɔɔ nee ngilehilelɛ kpalɛ ne* le ko la.  Ɔwɔ kɛ mrenyia mgbanyinli anye gyinla bɛ ti anwo, bɛ nye ka aze, bɛ adwenle nu da ɛkɛ, bɛyɛ se wɔ diedi, ɛlɔlɛ, nee abotane nu.  Zɔhane ala noko a ɔwɔ kɛ mraalɛ mgbanyinli bɔ ɛbɛla mɔɔ anwo te a, bɛmmasɛkye awie mɔ duma, bɛmmayɛ akɛlɛ bɛmaa nza, emomu bɛhilehile mɔɔ le kpalɛ la,  amaa bɛadu mbɛlɛra folɛ* bɛamaa bɛahulo bɛ hu mɔ nee bɛ mra,  na bɛ adwenle nu ala ɛkɛ, bɛ nwo ade, bɛayɛ gyima wɔ sua nu,* bɛabɔ ɛbɛla kpalɛ, bɛabɛlɛ bɛ nwo aze bɛamaa bɛ hu mɔ, na bɛanga Nyamenle edwɛkɛ ne anwo edwɛkɛ ɛtane.  Zɔhane ala a kɔ zo tu mgbavolɛ folɛ kɛ bɛmaa bɛ adwenle nu ɛla ɛkɛ a,  na da ɛ nwo ali wɔ adenle biala anu kɛ ɛyɛ neazo wɔ nyɛleɛ kpalɛ nu. Maa ɛ nye ɛbolo kilehile ninyɛne mɔɔ anwo te la,  fa ɛdendɛlɛ kpalɛ* mɔɔ menli ɛnrɛha nwolɛ edwɛkɛ la kilehile, amaa bɛdabɛ mɔɔ bɛdwazo bɛtia la anyunlu agua aze, na bɛannyia yɛ nwo edwɛkɛ ɛtane biala bɛanga.  Ɔwɔ kɛ ngɛkɛlɛ bɛlɛ bɛ nwo aze maa bɛ menle mɔ wɔ debie biala anu, bɛbɔ mɔdenle bɛzɔ bɛ nye, bɛmmayeye bɛ nloa azo, 10  bɛmmawua bɛ debie, emomu bɛli nɔhalɛ dahuu, amaa bɛahanvo yɛ Ngoanedievolɛ Nyamenle ne ngilehilelɛ ne wɔ adenle biala anu. 11  Ɔluakɛ Nyamenle ɛla ye ɛlolɛ ne mɔɔ bamaa menli kɔsɔɔti anyia ngoane la ali. 12  Ɔtete yɛ ɔmaa yɛkpo ɛbɛlatane nee ewiade atiakunluwɔzo na yɛfa adwenle mɔɔ anu la ɛkɛ, tenleneyɛlɛ nee nyamenlezonlenlɛ kpalɛ yɛtɛnla kɛkala ewiade ye* anu, 13  wɔ mekɛ mɔɔ yɛlɛkendɛ anyelazo kɛnlɛma ne nee Nyamenle bedevinli ne nee yɛ Ngoanedievolɛ Gyisɛse Kelaese mɔɔ ɔbala ɔ nwo ali wɔ anyunlunyia nu la, 14  yemɔ a vale ɔ nwo maanle yɛ liele yɛ* vile mɛladonlɛ biala anu na ɔdele menli bie anwo ɔvale ɔyɛle ɔdaye mumua ne ye menli titili a, na bɛbɔ gyima kpalɛ nwo mɔdenle. 15  Kɔ zo ka ɛhye mɔ anwo edwɛkɛ na tu folɛ* na fa tumi ne mɔɔ yɛvale yɛmaanle wɔ la twi bɛ nyunlu. Mmamaa awie biala fa ɛ nyunlu kyikyi aze.

Ɔ Bo Edwɛkɛ

Anzɛɛ “mɔɔ nvasoɛ wɔ zo.”
Anzɛɛ “amaa bɛahakye mbɛlɛra; bɛatete mbɛlɛra.”
Anzɛɛ “bɛanlea bɛ azua nu.”
Anzɛɛ “mɔɔ nvasoɛ wɔ zo.”
Anzɛɛ “mekɛ ɛhye.” Nea Edwɛkɛbohilelɛ.
Giliki aneɛ nu, “kpɔnenle yɛ.”
Anzɛɛ “maa bɛ anwosesebɛ.”