Ɛhɛe, Gyihova Alasevolɛ die ayileyɛlɛ to nu. Yɛbɔ mɔdenle yɛnea yɛ sonlabaka ne nee yɛ kpɔkɛdelɛ boɛ, noko ɔyɛ a “yɛhyia dɔketa” nwo. (Luku 5:31, Easy-to-Read Version) Nɔhalɛ nu, Gyihova Alasevolɛ bie mɔ yɛ ayile anzɛɛ le dɔketama kɛmɔ ɛnee Luku le ayileyɛlɛnli wɔ ɛvoya mɔɔ lumua la anu la.—Kɔlɔsaema 4:14.

Ayileyɛlɛ bie mɔ wɔ ɛkɛ ne mɔɔ Baebolo ne tua, yemɔti yɛkpo ayileyɛlɛ zɛhae mɔ. Kɛ neazo la, yɛnlie mogya ɔluakɛ Baebolo ne tua mogya mɔɔ bɛdie bɛkɔ bɛ nu la. (Gyima ne 15:20) Eza Baebolo ne tua ayileyɛlɛ mɔɔ sunsum ɛtane nyɛleɛ beta nwolɛ la.—Galeehyeama 5:19-21.

Noko akee, ayileyɛlɛ dɔɔnwo wɔ ɛkɛ mɔɔ ɔntia Baebolo ngyinlazo a. Ɛhye ati, awie ko biala lɛ adenle kpa mɔɔ ɔkulo la. Dasevolɛ bie balie ayile nee adenle bie mɔɔ bɛdua zo bɛyɛ ayile la ado nu noko bie a, ɔ gɔnwo Dasevolɛ ɛnrɛlie zɔhane ayileyɛlɛ ne ɛnrɛdo nu.—Galeehyeama 6:5.